龍鳳呈祥雞煲火鍋｜尖沙咀還原大排檔懷舊風打邊爐限定榴槤雞煲＋椰子雞＋海鮮拼盤

By Meko on 03 Oct 2022

Reporter/ Anchor

尖沙咀新開樓上雞煲火鍋店「龍鳳呈祥雞煲火鍋」，大玩70至80年代港式懷舊主題，周圍擺滿復古佈置，更神還原大排檔和舊時婚禮擺酒場景，供應12款雞煲火鍋選擇，雞煲更有秘製特色口味，包括鹹蛋黃醬雞煲和期間限定推出榴槤雞煲等，榴槤迷必試！

尖沙咀新開「龍鳳呈祥雞煲火鍋」

尖沙咀區有不少雞煲火鍋店，要突圍而出，一定要有過人的賣點，這間新開的樓上雞煲火鍋店「龍鳳呈祥雞煲火鍋」就是賣靚裝修，以70至80年代舊香港為主題，加入舊式屋邨和大排檔等元素，周圍擺滿復古佈置，好似綠色通花鐵閘、綠白格子牆壁、霓虹燈、舊汽水販賣機和留聲機等，餐廳更會播放著耳熟能詳的懷舊金曲，似足回到70至80年代打邊爐。

Photo from PressLogic

舊香港主題裝修

餐廳暗藏不少打卡位和細節位，好似一甫入內即會見到傳統中式婚禮一龍一鳳在門口，更可隨意更換伴侶的姓氏聯婚打卡影相，連乒乓波枱也變成打邊爐枱，還有足球機任玩，就連餐具都用上大公雞碗，玩味十足，看得出在裝修和設計上花了不少心思。

Photo from PressLogic

12款雞煲火鍋湯底任揀

餐廳主打雞煲火鍋，單是雞煲已經有7款選擇，包括招牌無骨鳳翼釀雞煲、惹味雞煲翅(素翅) 和黃蜆惹味辣雞煲等，除了傳統的麻辣雞煲，亦獨創新派而邪惡的秘製口味，好似期間限定榴槤雞煲和鹹蛋黃醬雞煲等，全部雞煲選用3斤之上的三黃雞，用上秘製雞煲醬，加入多種不同的香料爆炒，醬汁濃郁惹味，包裹着雞件當中，每件雞件非常掛汁入味，食落帶微辣。其中推介招牌無骨鳳翼釀雞煲，以人手逐隻將雞翼起骨，再在雞翼中間釀入甘筍絲﹑西芹絲及墨魚滑，增加口感之餘食落啖啖肉，食完雞煲可以免費加湯打邊爐，可選擇雞湯、豬骨湯同蕃茄湯。

Photo from PressLogic

期間限定秘製榴槤雞煲

榴槤迷必試期間限定推出秘製榴槤雞煲，選用泰國金枕頭榴槤，貪其肉大濃味，每煲足兩大件新鮮榴槤果肉，再加入以榴槤肉、榴槤殼白肉等材料調配的秘製榴槤醬，未食已散發陣陣榴槤飄香，食前將雞煲拌勻，令每件雞件沾滿榴槤蓉，反而令雞煲多了一絲果甜，想不到榴槤配搭鹹香的雞煲出奇地夾。

Photo from PressLogic

椰子雞湯鍋

除雞煲以外，還有多款火鍋湯底，其中椰子雞湯鍋最受歡迎，湯底以雞和椰子肉等熬煮而成，再加入紅棗、杞子和鮮甜粟米，湯底本身有半隻雞，雞件嫩滑且吸盡椰子雞湯精華，飲落非常清甜，愈食充滿愈濃郁的椰香味。

Photo from PressLogic

牛肉拼盤＋陳年花雕浸牛肉

另外仲有多款火鍋配料選擇，完全可以滿足各位食肉獸，龍鳳呈祥牛肉拼盤一碟有齊手切牛頸脊﹑雪花肥牛、骰仔牛肉粒﹑牛柏葉和、牛舌片和及牛胸尖，拼盤CP值超高，牛魔王必點；還有陳年花雕浸牛肉，每片牛肉吸盡花雕酒香，質感軟嫩，即使涮完仍留有淡淡酒香，入口更散發陣陣餘香；想食得更豪華可點日本A4和牛後腿肉，牛味濃郁，油花分布均勻，輕灼數秒即做到入口即溶效果。