男子常無故曠工、唔識用Word！實習20幾日被解僱堅拒離職

時事熱話

By Jennifer on 03 Oct 2022

Digital Editor

今晚食乜餸：小二，嚟一碟花生！

實習期內被「炒魷」的確好難以接受，不過近日內地一男子就因為經常無故曠工、報假學歷、工作技能唔突出而被公司解僱，但男子仍然拒絕離職，反而質疑公司，並打算告上法庭，事件登上微博熱搜。

Photo from 《受夠了！我要炒老細》劇照

內地公司辭退實習生，力數3宗罪

最近內地一間電視台就報道咗一宗新聞，浙江一間公司報警，原因竟然係因為公司辭退一名實習中嘅員工，但員工卻堅決唔肯走，公司唯有報警求助。據知呢位實習生係任職「無人機操控員」。

Photo from 《上司實習生》劇照

公司職員向警方表示男子有3大問題，令公司決定要解僱佢：學歷造假、無故曠工、工作技能差。公司方指出男子當時聲稱自己有中專學歷，但卻被揭只有高中畢業證，公司方指出讀咗高中係讀唔到中專，所以男子明顯係講大話。

Photo from 微博

另外公司代表又稱每日只要老闆唔喺公司，該實習生都可能喺無通知公司嘅情況下擅自離開公司，根本就係無故曠工。然後公司職員指實習生連最基本嘅Word等office軟件都唔識用。

Photo from 《愛回家之開心速遞》劇照

Photo from 微博

工作待遇好，實習男不願離職

其實呢份工待遇唔錯，實習期間嘅人工有成9,000元人民幣，喺內地嚟講算係非常高嘅薪金，但男子卻因為以上3件事，實習唔夠一個月，僅20幾日就被辭退，但估唔到男子竟然賴喺公司唔肯走，唯有報警求助。

Photo from 微博

對此男子則指佢為咗工作喺當地租房，已經簽咗一年約，亦都交埋下個月嘅租金，公司要佢即時離職佢不能接受。男子質疑公司無提前一個月通知佢就趕佢走，令佢造成巨大損失。

Photo from 微博

男子決定申請勞動仲裁

最後喺警方協調之下，男子決定向有關部門申請勞動仲裁，公司職員亦表示對方不滿被辭退可以向部門申請仲裁，但賴死唔走對公司其他人造成困擾。事件被報道後即時登上微博熱搜，有網友認為做無人機操控員就算唔識用office軟件都無咩問題，唔影響工作，但有網民則反駁稱男子報假學歷又經常曠工先係公司解僱佢嘅主要原因。

Photo from 微博

另外有網友關心公司請實習生都肯出9,000元人工，待遇非常吸引：「還請人不，我還會很多其他軟件的。」、「我只要8000」、「請問是哪間公司？我想去應聘！」

Photo from 《EXIT：極限逃生》劇照

相關文章：內地無良公司無理解僱員工後用硬幣作賠償女子告上法庭結局大快人心？

相關文章：打工仔自認對公司好重要！職位低仍經常同上司頂嘴：公司都唔敢炒我

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

內地人妻稱一家8口無工作，全家靠老公炒股養活！躺平過人生有原因

22 Sep 2022

近年內地有唔少年輕人崇尚「躺平」生活，估唔到有人「全家躺平」！近日網上流傳由一位內地人妻拍攝嘅影片，佢稱自己一家8口全部人都唔使返工，每日起身就係湊仔同埋等食飯，而唯一有「工作」嘅老公都係以投資維生。

Photo from 抖音

上海一家八口不用工作

近日內地網上瘋傳一個人妻拍攝嘅影片，片中佢提及自己一家都住喺上海，自己、老公、老爺奶奶、老公哥哥、兩個女兒、以及媽媽一共8個人，全部都無正職。人妻於片中表示：「一家八口人都不上班，是一種甚麼體驗呢？」

Photo from 抖音

佢指老爺奶奶都屆退休年齡，所以喺屋企無工返好正常；老公哥哥目前單身同佢哋同住，亦無工作；人妻指自己辭職在家照顧兩個女兒，媽媽都過嚟同住幫手湊孫，至於老公亦唔返工，喺屋企全職投資。

Photo from 抖音

每日生活都係等食飯、照顧小朋友

人妻表示全家唔返工感覺熱熱鬧鬧，所有人除咗湊小朋友都好似無所事事咁，每日都等住食三餐，人妻形容：「吃完早餐吃水果，吃完水果過不久就吃午飯，午飯吃了就吃下午茶，吃完下午茶馬上就吃晚飯！」

Photo from 抖音

全家蔬菜由老爺於花園種植

人妻指媽媽主要係湊佢細女，而老爺就負責喺花園種菜，佢指全家一年四季食嘅蔬菜差唔唔多都係佢老爺種嘅，而奶奶就負責煮飯洗碗，平時都會幫手湊大女。人妻稱佢偶爾都會下廚、做下家務，睇嚟都過得好「佗佻（他條）」，但人妻表示自己要拍片剪片，生活十分忙碌。

Photo from 抖音

老公生BB為有動力賺錢

人妻續指佢同老公唔返工平時都好少出門，所以基本都唔會買衫：「我老公除了一日三餐真的幾乎都不花錢」，人妻更表示老公生BB嘅其中一個原因就係畀到佢有賺錢動力，直言：「要是不生娃的話，他已經沒有賺錢的動力了」

Photo from 抖音

上海富戶不需返工

不過佢亦稱老公指唔返工感覺無乜人生意義。雖然全家8人都無工作，但反轉嘅係影片中人妻稱佢哋住喺330平米（約3,600呎）大屋，有成4間睡房，加上有花園種地，淨係管理費每月就要交2,300人民幣！唔返工只係因為唔使返工而唔係搵唔到工？！加上住喺寸金呎土嘅上海，有網民認為佢哋一家8口根本就好有錢，所以唔返工完全無經濟困難，已經去到享受人生嘅階段，同年輕人「躺平」嘅人生無法比較。