深宵之選～銅鑼灣可向另一半傳愛意嘅超好味心心食物～老闆仲會同你玩塔羅牌占卜！

夜晚行經銅鑼灣，係鬧市之中想搵個清靜嘅地方同朋友傾吓計，不如嚟「心の食堂」！呢度除咗可以嘆美食，仲可以叫老闆幫你占卜算命～真係玩得又食得！
Photo from PressLogic

「心の食堂」以創意嘅日式料理打響旗號，每一道菜式由名字以至煮法都係別出心裁，今日小編就為大家介紹幾道好味嘅小食先啦！
Photo from PressLogic

1. 心之火焰鐵板牛柳粒：呢個係餐廳嘅招牌菜式，鐵板以高溫烹調鎖牛柳水份，食落去口感好豐滿，肉汁都十分細膩。令小編覺得最驚訝嘅係，火焰一著個畫面真係好靚！好適合帶另一半嚟呢度慶祝生日～
Photo from PressLogic

2. 心之蛋卷 :如果想同曖昧嘅對象表白又唔夠膽，可以試吓呢個心之蛋卷。以三文魚、魚子、芝士為主要材料，融合用牛奶炒過嘅滑蛋！真係蛋味好濃好香～老闆仲會用番茄醬寫‘LOVE’字，真係用嚟表白傳達愛意就岩曬啦！
Photo from PressLogic

3. 心動大阪燒：如果一個心之蛋卷唔夠傳達你嘅愛，咁呢個心動大阪燒一定無得輸！大阪燒就食得多，但心型嘅大阪燒你又食過未！？
Photo from PressLogic

4. 刺身串串 : 刺身串以破格膽嶄新嘅造法呈現，洋風吞拿魚、黑松露帆立貝同埋三文魚都係即日新鮮送到！真係好好味啊！
Photo from PressLogic

舖頭仲有好多特色小食，你都可以試吓嫁！如果你好似小編咁心思思唔知揀咩食好，「心の食堂」 更首創一套全港獨有嘅「塔羅牌」食法，每一張塔羅牌代表唔同嘅食物，為食客帶嚟充滿驚喜嘅「美食之旅」！而且嚟緊塔羅牌抽中當天指定嘅卡牌，仲會有全單七折嘅優惠！

Photo from PressLogic

下次同朋友經過銅鑼灣，就唔好錯過呢間樓上小舖啦！

地址: 銅鑼灣耀華街 3 號百樂中心 12 樓 1203 室

電話號碼: 2321 1880
營業時間: 星期一至六 18:00-02:00

星期日 全日休息

小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）