港姐冠軍林鈺洧入行前經歷大起底！被爆曾陷入三角戀？現居300呎窩居獲讚夠貼地
今屆港姐冠軍林鈺洧（Denice）係80年代當紅小生林俊賢嘅女兒，但其實二人過往失聯多年，後來先再度重逢，兩父女嘅經歷亦再掀熱議！唔單止係咁Denice仲被爆過往曾從事名店sales及保險業，但其實一直都密謀機會投身娛樂圈，宜家嘅佢終於得償所願喇～
Photo from 《香港小姐2022競選》
林鈺與爸爸林俊賢失聯多年
27歲嘅林鈺洧（Denice）係林俊賢與第一任英國籍妻子所誕下嘅女兒，其後二人婚姻決裂，而妻子則帶住當時只係得15個月嘅Denice返英國，Denice細個大部分時間都係同媽媽一齊生活。直到Denice7歲嘅時候，兩父女曾見面一段時間，但好快又再度「失聯」！
Photo from TVB
Photo from 林俊賢微博
2010年靠FB重新聯絡返，曾表示見面次數不多？！
直到2010年Facebook變得盛行，林俊賢透過朋友幫助下成功喺網絡上搵返15歲嘅Denice，二父女重新聯絡返，成功修補關係。過往Denice曾透露雖然同爸爸事隔多年先重逢，不過並唔覺得同爸爸有隔膜，認為相處時嘅質量比見面次數更重要！
Photo from Denice IG
曾從事保險業2年
喺Denice尚未正式入行之前，爸爸林俊賢嘅前女友曾介紹佢從事保險業工作，希望一方面可以賺錢，並且拓展佢嘅人脈。任職保險嘅兩年佢都收入穩定，不過依然唔阻佢想成為明星嘅夢想！
Photo from Denice IG
其後簽約成為模特兒
2013年，Denice曾報名參加《香港小姐競選》，可惜第一輪嘅時候已經被淘汰！其後佢喺曾任職?模嘅表姑姐Naomi介紹下，成功與經理人Kim簽約，當時成為熊黛林、Angelababy嘅師妹，並被傳媒稱為「最強星二代」～
Photo from Denice IG
即睇更多人氣文章：
任職名店sales+做model工作
然而當時嘅Denice卻掛住拍拖，未有將心思放喺工作上，工作量大大減少，需要靠當時任職教練嘅男友幫手。而佢最終就選擇成為名店售貨員，一邊接model工作，但因為難以兼顧而放棄model工作。
Photo from Denice IG
被爆曾陷入三角戀？
而Denice喺節目曾自爆有5個伴侶，仲大談親密事。有網民大爆原來佢過往曾經捲入三角戀情，仲大膽走到情敵工作嘅名店大鬧對方，搞到對方當場爆喊，最終男方選擇「飛咗」該名情敵！睇嚟性格直率嘅佢係感情方面都超大膽呢～
Photo from 《對號入座》
Photo from Denice IG
追夢成功！成為今屆港姐冠軍
不過Denice最終都成功贏取2022年港姐冠軍殊榮，而《東張西望》喺決賽後拜訪佢屋企時發現朋友們都已經喺佢屋企等待緊佢，並未有見到家人們嘅身影！而Denice就解釋爸爸近年都喺內地工作，因為需要隔離等未能返港睇佢比賽。
Photo from 《東張+》
Photo from 《東張+》
300呎窩居曝光！
從《東張西望》嘅採訪片段可見，現時獨居嘅Denice屋企並唔算好大，大概係200-300呎嘅小窩居。有唔少網民都驚訝佢嘅並未有同住入爸爸嘅住宅，留言大讚佢堅強獨立「靠自己努力賺錢」、「沒有靠爸爸！厲害」等。
Photo from Denice IG
Photo from TVBYouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
