簡淑兒拒認整容指選港姐舊照累事！新相被網友指：變咗另外一個人
Photo from 簡淑兒 IG
簡淑兒憑腰果眼獲封「宅男女神」，入行多年屢傳整容
現年33歲嘅簡淑兒入行多年，憑甜美笑容、迷人腰果眼獲封「宅男女神」，2022年6月佢宣佈約滿離巢，佢表示想跳出comfort zone，依家屬自由身嘅簡淑兒稱佢有好多嘢都想試，可能會有唔同嘅project，或者試下自己拍片。
Photo from 簡淑兒 IG
近日簡淑兒上YouTube節目《月傾會》做嘉賓。提到屢次被指整容，佢坦言自己由入行選港姐都已經被人話整容話咗無數次，佢亦回應咗無數次，簡淑兒認為人哋點諗佢控制唔到，但佢就選擇咗唔再回答呢個問題。
Photo from 《月傾會》
Photo from 《月傾會》
喺TVB最唔開心係選港姐時舊照
簡淑兒更直言加入TVB咁耐以嚟最唔開心嘅事就係依家有關佢嘅報道都一定會有一張佢影得唔靚嘅相片出現。佢更表示呢張相連佢媽媽都認唔出係佢，仲問返簡淑兒點解會放另一個女仔嘅相喺佢隔離，令簡淑兒哭笑不得。簡淑兒指嗰張係佢選美時影嘅，佢亦直認張相真係唔好睇。
Photo from 《月傾會》
Photo from 《月傾會》
Photo from 《月傾會》
其寶被屢傳曾經整容，簡淑兒一直都否認整容傳聞，更不惜當眾捏鼻力證自己純天然，佢曾嬲爆表示：「係要淨係攞嚟攞去都係攞嗰幾張好明顯妝頭都出晒事嘅相嚟做比較嘅，我都冇辦法。」睇嚟佢真係對外界經常翻兜佢選港姐嘅舊照感到十分不滿！
Photo from 《月傾會》
Photo from TVB
最新look公開，網友指認唔出簡淑兒？
簡淑兒喺IG分享佢一輯靚相，今次佢一改以往甜美宅男女神風格，畫上濃黑眼線，加上超長直髮同朋克style打扮，同之前嘅形象有好大分別！似乎展露佢跳出comfort zone嘅決心！
Photo from 簡淑兒 IG
Photo from 簡淑兒 IG
Photo from 簡淑兒 IG
好多網友大讚簡淑兒新造型好靚，更表示差啲唔認得佢：「變咗另外一個人」、「第一眼認唔出添」，有網民更指佢呢個look有少少似「Maggie Cheung（張曼玉）」
Photo from 簡淑兒 IG
Photo from 簡淑兒 IG
Photo from 簡淑兒 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
簡淑兒麥大力拍拖被斷正 兩人大方認愛！盤點圈中4位單身小富婆
24 Jun 2021
早前，簡淑兒就被傳媒拍到有新戀情，而對象就係前機師麥大力，兩人承認戀情並且表示希望低調處理感情事，正式對外封盤！不過圈內其實都仲有唔少「筍盤」㗎，一齊睇下有邊幾位啦～
Photo from 簡淑兒IG
現年31歲嘅簡淑兒於2012年參選《香港小姐》，雖然佢並冇獲得任何獎項，但憑住甜美嘅笑容成功吸引唔少網民，晉身娛樂圈。入行後，佢開始擔任主持工作，亦有接拍電視劇，喺幕前嘅曝光率非常高，可以話係受TVB力捧嘅其中一位～
Photo from 簡淑兒IG
而簡淑兒嘅家底其實都非常豐厚㗎，父母都經營珠寶金飾生意，據悉喺香港擁有幾間專門店，仲曾經贊助過TVB同亞視藝人鑽石首飾出席活動！雖然佢已經係富二代，不過佢就話同家人係財政獨立，努力工作由低做起！
Photo from 簡淑兒IG
Photo from 簡淑兒IG
最近，簡淑兒同麥大力就被傳媒拍到兩人行為親暱，兩人疑似熱戀中！而佢哋亦大方承認戀情，並且表示希望可以低調處理感情事。據悉，兩人係因為拍攝節目《SUPER FIVE》而認識，喺了解下發現大家都鍾意潛水而變得熟絡，再而發展成情侶關係～
Photo from 簡淑兒IG
Photo from 簡淑兒IG
今年35歲嘅麥大力曾喺國泰港龍任職機師，後來參加TVB《衝上雲霄大選》並且獲得冠軍而入行，而家亦獲得唔少幕前工作嘅機會。佢係一位亞歐混血兒，爸爸係有一半英國血統嘅愛爾蘭人，所以輪廓亦特別深邃。
Photo from 麥大力IG
Photo from 麥大力IG
相信唔少宅男粉絲聽到簡淑兒「封盤」嘅消息都會好失落，不過其實圈中依然有唔少單身，但家底豐厚嘅女藝人㗎！
陳瀅
陳瀅雖然緋聞多多，但佢就表示自己依然單身，並且正在尋覓以結婚為前提交往嘅對象。佢繼父係一位從事房地產嘅生意人，有傳喺內地擁有一座6層高嘅商場。由佢IG嘅照片所見，可以見到佢嘅屋企內部非常大，生活十分富貴～
Photo from 陳瀅IG
Photo from 陳瀅IG
王卓淇
29歲嘅王卓淇父親係護膚品生產商，據悉東莞嘅廠房有50萬呎咁大！而佢亦投資有道，自己投資服裝店生意同膠原蛋白生意，而家手持兩個物業，分別位於大角咀同埋廣州！
Photo from 王卓淇IG
Photo from 王卓淇IG
戴祖儀
現年26歲嘅戴祖儀父親從事地產生意，而佢自己亦好擅長投資藝術品，至今已經收藏咗過百件藝術品，總值過百萬港幣！佢亦係新潮藝有限公司嘅董事，負責幫手策展。
Photo from 戴祖儀IG
Photo from 戴祖儀IG
麥明詩
麥明詩嘅父親係中學副校長，媽媽就係社會福利署嘅職業治療師，全家人都可以話係非常有料！而麥明詩本身亦係劍橋大學法律高材生，當年佢選美時就被傳媒踢爆居住嘅單位價值過千萬。
Photo from 麥明詩IG
Photo from 麥明詩IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
