張寶兒為炎明熹、姚焯菲設計造型，慘被內地網民嫌棄品味差

娛樂新聞

By Jennifer on 06 Oct 2022

Digital Editor

今晚食乜餸：小二，嚟一碟花生！

張寶兒近年開始參與造型設計，對象包括「佛祖」Kirsten利愛安同埋《聲夢傳奇》一眾學員。近日佢喺小紅書大晒炎明熹、姚焯菲等人嘅造型照，豈料卻被內地網民一面倒負評，更叫佢「放棄Styling」！

Photo from 張寶兒IG

張寶兒「踩過界」為《聲夢》學員、利愛安設計造型

對fashion好有興趣嘅張寶兒初次參與藝人嘅造型設計應該係第一季《聲夢傳奇》，一班學員出席商場show，張寶兒有份安排服裝造型，更興奮同佢哋合照留念，不過網民就唔太欣賞張寶兒有份配搭嘅造型，更直言「好娘」！

Photo from 張寶兒IG

不過張寶兒之後仲未放棄，佢又為「佛祖」Kirsten利愛安重新設計新look，其中更幫Kirsten一頭曲髮拉直，成功改變形象，張寶兒同Kirsten一齊接受娛樂新聞台訪問，張寶兒分享咗好多佢對Kirsten新造型嘅想法。

Photo from TVB

其後《聲夢傳奇》開演唱會，張寶兒再次挑戰幫15位學員設計高達50個舞台造型，佢老公袁偉豪都有陪伴喺後台幫手，更留言為老婆打氣：「唔係容易，加油寶寶❤️」不過批評聲音依然唔少，炎明熹（Gigi）、姚焯菲（Chantel）嘅fans都大為不滿，更喺張寶兒IG留言。

Photo from 張寶兒IG

張寶兒再晒《聲夢》學員國慶晚會look，炎明熹、姚焯菲被指老咗十歲

雖然不備認可，但張寶兒對fashion係有一份執著，佢近日於小紅書分享佢有份參與嘅造型設計，對象依然係《聲夢傳奇》嘅學員，睇返啲造型，應該係國慶文藝晚會當日，一眾女學員都以晚禮服造型現身，而男生們就著上西裝。

Photo from 張寶兒小紅書

Photo from TVB

但內地網友都同樣唔識欣賞張寶兒設計嘅造型，負評頗多：「Gigi老咗20歲」、「放過佢哋啦！」、「全部人老咗十歲」，不過都有人力讚：「造型換下星味都出晒嚟」

Photo from 張寶兒小紅書

Photo from TVB

張寶兒回應：十分感恩

對於網友嘅留言，張寶兒亦有喺小紅書post下回應：「藝人在出show那一刻能夠帶來驚艷感，已經是很成功的事情。」佢指覺得藝人要尊重場合所以造型上都比較隆重，佢更「謙虛」表示國慶晚會可以畀到觀眾驚艷感，有賴制作方面嘅配合：「不然單靠造型，還是不容易創造這個感覺。」

Photo from 張寶兒IG

Photo from 張寶兒小紅書

Photo from 張寶兒IG

相關文章：東涌羅浩楷利愛安獲張寶兒出手大改造！「佛祖」大變身網友驚呼認唔出！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張寶兒擔任聲夢造型師品味被網民質疑 IG澄清：節目同決賽都冇幫忙！

22 Jul 2021

TVB節目《聲夢傳奇》決賽已經舉辦完畢，節目暫時吿一段落！近日，唔少網民都非常熱烈咁討論比賽嘅賽果，認為比賽嘅制度唔夠公平。另一方面，學員們比賽時穿著嘅衣服亦都成為咗網民討論嘅話題之一，而當日張寶兒竟然就係佢哋嘅造型師？！

Photo from 張寶兒IG

《聲夢傳奇》嘅總決賽已經結束，由炎明熹（Gigi）勇奪3個獎項成為咗大贏家，引起網民熱議。而決賽當日最後5強嘅服裝造型亦都成為網民嘅熱話，只得14歲嘅「國民初戀」姚焯菲（Chantel）當日身穿嘅連衣裙就被網民話太過成熟，令佢睇落好矮，完全唔適合佢！

Photo from 《聲夢傳奇》

Photo from HolidaySmartFB

據悉，《聲夢傳奇》嘅造型團隊包括有形象總監 Janae Chan、時裝設計師何國鉦（Dorian），而張寶兒亦有份幫手一齊擔任學員們嘅幕後造型師㗎！本身就對時裝非常咁興趣嘅佢，就喺IG分享自己嘅心情，「首次嘗試，但看見他們喜歡這些styles，和能在造型中更自在發揮，也是一種快樂」，寓工作於娛樂，非常享受呢份工作啊～