【HolidaySmart限時獨家75折優惠！】沙田帝逸酒店呈獻全新和牛海膽東瀛自助晚餐～必食高質A4和牛＋海膽＋多款日式美饌！

By Twinky Chan on 10 Oct 2022

Project Editor

相信最近嘅入境檢疫安排令大家好興奮，已經預訂機票返久違嘅「鄉下」－日本！不過若然未打算出發又心癢癢想回味日本料理的話，沙田帝逸酒店Alva House全新推出嘅和牛海膽東瀛自助晚餐絕對能令你味遊日本嘅同時，仲幸福滋味感滿滿！270尺自助餐桌，提供一系列高質日式美饌，包括A4和牛壽司、海膽壽司、即開生蠔，聽到都留晒口水！而Alva House仲推出限時獨家75折畀各位HolidaySmart讀者，情侶拍拖、一家大小嚟就Perfect啦！記得留意文末優惠詳情就去Book位啦！

Photo from Alva House

Alva House採用落地大玻璃，環境透光度十足，簡潔舒適，用膳時侯更加有feel～而今次推出嘅和牛海膽東瀛自助晚餐，主打多款港人最愛嘅日本料理，足足炮製咗超過13款惹人垂涎嘅精緻日式滋味美饌，刺身、天婦羅、鐵板燒、甜品應有盡有，絕對唔馬虎。

Photo from Alva House

#時令新鮮刺身，款款鮮甜無比～

Alva House搜羅時令海鮮，打頭陣有鮮味十足嘅刺身，包括有鮮甜肥美嘅三文魚、吞拿魚、油甘魚，每款都帶著淡淡油脂香。而阿根廷紅蝦嚟自純淨無污染嘅南部海域，刺身更顯濃郁蝦味！仲有小編最愛嘅帶子刺身，每隻都肥美鮮味，食唔停口！

#必食A4和牛壽司＋海膽壽司！歎到日本正宗風味～

去日本旅行，當然唔少得品嘗和牛、海膽啦！今次呢個自助餐就一次過滿足到大家嘅願望！必食推介有A4和牛壽司以及海膽壽司。和牛選用鹿兒島直送嘅A4和牛，牛肉風味濃郁，脂肪分佈均勻，經過火槍輕微炙烤表面後，肉質軟腍油香滿溢，入口即溶！而另一推介海膽壽司，則用上鮮味回甘嘅日本海膽，濃厚甘甜！

Photo from Alva House

#石鍋櫻花蝦海膽炒飯～海膽控不可錯過

身為海膽控，淨係食壽司梗係唔夠喉！必食之選仲有呢款用料十足嘅石鍋櫻花蝦海膽炒飯，以Q彈煙韌嘅日本珍珠米，加入油香十足嘅和牛同雞蛋令粒粒飯都香氣滿瀉，再配上新鮮海膽並以櫻花蝦作點綴，每一口都喺來自海洋嘅鮮味，多重鮮味令人一試難忘！

Photo from Alva House

#和風料理＋鐵板燒＋甜品～每款都要試齊先好走

唔單止咁，其他和風料理款款都非常豐富同吸引！包括有天婦羅櫻花魷魚餅、鹽燒北海道扇貝、和牛鹿兒島黑毛豬涮涮鍋、香蒜和牛粒、鹿兒島黑毛豬蘆筍卷、和風雞川椒燒、唐揚炸雞等等，可以一次享受多款日本美食，真係好似去咗轉旅行咁呀！

除咗主題特色料理夠吸引，恆常日式美饌同樣令人食指大動～即開生蠔，隻隻鮮甜飽滿，真係超正～而香味四溢嘅鐵板燒、爐端燒，魅力都無法抵擋！Alva House亦會精選各地新鮮食材、水耕菜、有機及可持續食材入饌，令大家喺歎到高質美食嘅同時，又能支持永續飲食，為環境保護出一分力！

Photo from Alva House

仍然覺得意猶未盡？Alva House仲有多款甜品提供，女生們見到一定心心眼！包括有自家製意式雪糕，當中最令小編驚喜嘅係D24榴槤意式雪糕！佢以果味濃郁嘅D24榴槤肉製成，比一般雪糕更加綿密幼滑之餘，散發陣陣榴槤甘香～正！除咗意式雪糕，每日仲設4款Häagen-Dazs雪糕同多款精緻蛋糕，包保大家棒住個肚返屋企。

Photo from Alva House

#HolidaySmart讀者限時優惠！75折就可以歎到～超心動

由即日起至2022年11月13日，HolidaySmart讀者於網上或者電話預訂Alva House自助早午餐、午餐及晚餐，輸入優惠碼【Holiday25】即可享75折優惠（各自助餐原價可查閱以下圖表）！每日名額有限，快啲約埋一家大細，知己老友大擦一餐啦！

Photo from HolidaySmart

帝逸酒店Alva House - 和牛海膽東瀛自助晚餐
供應時間：2022年10月1日至11月30日
地址：香港沙田源康街1號帝逸酒店1樓
網上訂座：https://app.optitable.com/tc/reservation/?rid=188
電話：3653 1168｜WhatsApp：5237 7111