64歲內地大學教授開視像會議途中，獲年輕女博士獻吻！女方身份曝光！

疫情之下，現時唔少學校或公司都會選擇視像會議，方便互相溝通；但亦好容易因為大意而唔小心「出事」！近日，64歲嘅內地大學教授喺參加學術線上研討會嘅時候，突然喺眾目睽睽之下被靚女親吻臉龐，瞬間令會議氣氛變得好尷尬！隨後網民仲揭發女方嘅身份，引發熱議。

Photo from 微博

內地大學教授開Zoom會議，一時大意導致「出事」？！

根據媒體報導，64歲嘅中國科學院院士、北京理科大學前副校長兼現任教授方岱寧早前就應邀出席一個名為「促進力學學科發展」嘅線上研討會，當時會議中亦有幾位教授以及大約十幾位學生參與會議。

Photo from 百度百科網站

Photo from 微博

突然被女子攬住親吻臉龐！

然而，喺其中一名學生正發表自己嘅意見時，方岱寧教授嘅鏡頭卻突然出現一名身穿藍色衫嘅妙齡女子；而該女士仲好熱情咁攬住教授，仲錫面3次！

Photo from 微博

男教授無奈推開，其他人亦超尷尬！

其後教授表情極無奈咁推開熱情嘅女子，並用手指指向鏡頭，示意自己正在會議中。而女子呆望咗幾秒後，立刻尷尬離開，似乎並唔知道教授當時正在開緊會！之後教授就保持淡定咁繼續開埋個會。

Photo from 微博

Photo from 微博

即睇更多人氣文章：

26歲女追求71歲老伯，婚後為對方誕下一子！忘年戀夫妻近況公開

內地女模周韋彤拍片自爆整容失敗 直認愈整愈差好後悔 坦言整容毁一生

女方身份疑似曝光！

呢段截錄影片喺網絡上瘋傳，而女方嘅身份疑似曝光，原來佢係北京理科大學嘅女博士李立明？！雖然網上並未有寫明女方現時嘅年齡，不過根據佢過往嘅入學年份等，網民就粗略估計佢宜家應該大約30幾歲左右。據悉，佢大學就讀機械工程系，上年5月加入北京理工大學力學博士後流動站幫手做科研工作。

Photo from 微博

有強大嘅網民仲疑似搵到女方過往所發表嘅論文，佢喺最後嘅致謝詞中提及自己嘅另一半。不過根據佢喺感謝詞所講「我和我的愛人從小就認識，感謝緣分讓我們走在一起」，網民推測二人應該年紀相仿？！

Photo from 百度百科網頁

網民大爆二人都各有家庭？

影片廣泛流傳並引發網民熱議！唔少網民起初都以為女方係教授嘅妻子，但好快就有網民大爆二人實際上只係上司下屬關係，而雙方都似乎已婚，令討論熱度更加高。

Photo from 微博

Photo from 微博

網民深信二人係情侶關係？！

部份網民單憑影片中嘅親密互動，深信二人關係匪淺，更加似係熱戀中嘅情侶「不要告訴我！他們只是老師和學生關係」、「女博士應該是為了快點畢業才做的吧！」等；亦有網民講笑咁話估唔到今次嘅「一時大意」令呢段關係曝光，警惕大家以後開視像會議都一定要小心～

Photo from 微博

Photo from 微博

北京理科大學微博回應事件

由於事件引起太多嘅爭議及討論，北京理科大學昨日（10日）喺微博發文表示將會核實情況後，再向大眾進行解釋。

Photo from 北京理工大學微博

相關文章：港男呻同老婆一齊WFH好難頂！聽老公開視像會 事後加口評論工事

相關文章：內地科幻片疑抄多套荷里活大作 翻版Joker造型抄到足 被批不倫不類縫合怪

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）