美麗戰場｜劇情發展被網民指太誇張，連內地網民都難以接受？！細數劇中爆笑bug位！陳瀅/蔣家旻演技備受關注

By Stephanie on 12 Oct 2022

Digital Content Writer

台慶劇《美麗戰場》喺本月3日開始播出，並由葉念琛擔任導演及監製，亦係佢首度與大台合作；而呢套劇亦號稱係人氣韓劇《Penthouse》嘅香港版！喺開播後劇集成功引起網民熱議，不過大家都似乎認為劇情發展得越來越「離地」，而且女主角陳瀅嘅演技亦成為大眾嘅焦點。

Photo from TVB

台慶劇《美麗戰場》正在熱播中！

由陳瀅、陳山聰及劉佩玥、蔣家旻、方力申等人主演嘅《美麗戰場》係大台今年嘅重頭劇之一，當中出演嘅演員都非常多，令唔少觀眾都感到期待！劇情大致講述陳瀅、劉佩玥及陳曉華三人係好姐妹關係，但隨住陳瀅開始投身娛樂圈，參加選美比賽並遇上金牌經理人陳山聰等，選美過程中亦遇上重重困難；而姐妹間嘅關係亦似乎出現變化。

Photo from TVB

劇情太誇張，連內地網民都難以接受？

不過劇集播出至今已經一個星期，但觀眾嘅反應卻似乎不如預期？！部份網民批評劇情發展越來越誇張及老土「搞唔掂！要棄劇喇」，連內地網民都似乎唔太buy呢類型嘅劇情，喺內地豆瓣網頁中嘅評價只係得5分，下方嘅留言都係負評居多。

Photo from 豆瓣網頁

阮兒街頭被「淋便便」

其實劇情簡單易明，無非都係講述角色們之間嘅「宮心計」，當中劇情發展都真係幾誇張㗎！喺昨晚（11日）播出嘅第7集中，阮兒因為不慎激嬲林盛斌而導致喺街頭俾人兜頭「淋便便」。

Photo from TVB

即睇更多人氣文章：

26歲女追求71歲老伯，婚後為對方誕下一子！忘年戀夫妻近況公開

內地女模周韋彤拍片自爆整容失敗直認愈整愈差好後悔坦言整容毁一生

丁子朗「左右不分」？！

除咗劇情離地之外，眼利嘅網民都發現到搞笑嘅bug位置，當中丁子朗喺劇中英雄救美幫陳曉華解困，不慎整親右手。但去到跌打舖之後，丁子朗卻竟然喺將左手俾師傅捽藥油，非常離奇！

Photo from TVB

嘗試用牆邊磨斷麻繩？！

喺第3集中，蔣家旻同陳瀅被陳嘉輝捉到，並遭用麻繩綁住手腳，當中陳瀅似乎太過心急，居然想嘗試用牆壁將麻繩磨斷？！而蔣家旻同陳嘉輝「跨越年齡」嘅感情都令網民覺得非常重口味！

Photo from TVB

蔣家旻演技獲網民大讚

過往飾演「乖乖女」角色居多嘅蔣家旻今次罕有飾演「心機女」，為達成目的不擇手段，仲成日有意令陳瀅陷入困局，令唔少網民都對佢非常討厭呢個角色；但佢亦因此獲網民大讚演技進步神速「蔣家旻好好戲，真係有突破！」而飾演佢繼母嘅楊卓娜演技都一樣獲讚～

Photo from TVB

Photo from TVB YouTube

女主角陳瀅演技被批！

然而，網民就對陳瀅嘅評價好壞參半，部份網民覺得佢暫時成套劇幾乎都係用「瞪大眼睛」呢一個表情演戲，有內地網民仲搞笑咁將佢所有「吃驚」嘅表情整成sticker～而網民亦批評佢嘅睇唔出佢嘅角色想表達嘅情感，認為佢嘅演技尚有進步空間！不過有網民就覺得陳瀅喺劇中扮演年輕時期嘅時候比較難頂「前嗰幾集嘈到呢！」、「2022年嘅陳瀅好好多」等。