齊柏林麵包店屯門開幕買3送1！抵食日式湯種麵包

本地快餐店齊柏林熱狗近年積極擴展業務，除了踩過界開兩餸飯店外，更自設烘焙工場，大賣$5熱狗包並大受好評！近日更殺入屯門，開設首間麵包店P&D Bakery，售賣高質手工麵包，新開幕期間更推出限定買3送1優惠，即睇詳情！

P&D Bakery

齊柏林熱狗憑著抵食兼多口味的熱狗深受港人歡迎，店家除了狂開分店外，亦積極擴展業務，如於疫市中開設兩餸飯店「齊記美食」，即日炮製多款家常小菜！除此以外，今年年初更首次開設自烘焙工場，以$5軟熟熱狗包打頭陣，熱狗包一推出市場，隨即受到食客大讚高質兼抵食，更指希望全線齊柏林分店都可以買到！齊柏林熱狗於是乘勝狙擊，於屯門開首間麵包店「P&D Bakery」，自家炮製多款手工麵包！

Photo from PressLogic

P&D Bakery所賣的麵包全由自家工場人手製作，麵包店主打使用日清麵粉，加入純天然紐西蘭牛油，並以日式湯種方法製作麵包，令麵包比坊間所賣的格外鬆軟更帶濃郁牛油香！

Photo from PressLogic

招牌英式鬆餅

追得貼的食客都會知道齊柏林熱狗早前推出過英式鬆餅團購，同樣大受好評，而英式鬆餅亦成為麵包店的主打之一，鬆餅沿用酒店配方，內層鬆軟帶微微濕潤，陣陣牛油香氣撲鼻，可以配搭CLOTTED CREAM及果醬同吃更為滋味；朱古力鬆餅則以比利時75%朱古力製成，微甜中帶少少澀！

Photo from PressLogic

一系列新推出的日式麵包亦非常吸引，雖然價格比一般麵包店高，但所用到的原材料均是最上乘，而且份量亦夠大，一個麵包足夠2人份！

Photo from PressLogic

必食推介有新產品日本蒜蓉芝士大包特別用上日本直送的蒜頭製成，麵包表面舖滿芝士；番茄芝士地中海包外脆內軟，芝士份量夠超澎湃，食用前建議以焗爐或氣炸鍋加熱，摵開麵包做到拉絲效果；同時亦提供黑豆雜糧包，這款素麵包無添加雞蛋及牛油，口感較為煙韌，素食都亦可以盡食歎麵包！

Photo from PressLogic

P&D Bakery暫時先以這幾款麵包打頭陣，店家亦透露未來會推出更多自家製特色麵包，並希望開設更多分店，相當令人期待！

Photo from PressLogic

P&D Bakery
地址：屯門屯隆街1號錦薈坊地下101-102號舖
電話：52320594
營業時間：星期一至五 11:30 - 21:30；星期六至日 11:00 - 21:30

更多【美食推介】請按此

相關文章：
雍雅山房|相隔17年雍雅山房山頂重開！必食招牌乳鴿+乾炒牛河+紅豆冰

相關文章：
中環美食｜中環法式爆餡酥皮忌廉筒 9款口味!超濃郁開心果＋宇治抹茶味

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）