盤點7個關於飛機的冷知識！座位上方三角形標誌有隱藏含義/高空下會影響味蕾？

By Stephanie on 01 Oct 2023

Digital Content Writer

自從開關後，好多港人都出埠搭飛機解「旅行癮」～不過其實飛機上隱藏住好多大家未必知道嘅細節位㗎！宜家等我哋為大家搜集7個飛機冷知識，你哋又知道幾多個呢？！

Photo from 《特務搞飛機》劇照

1. 飛機座位上方「三角形」標誌

台灣中華航空早前喺FB出post向大家分享獨特嘅飛機小知識，指機艙內某些座位嘅上方會有好細嘅「三角形」記號，但原來呢個記號係「專門為空服員設置的」！華航解釋由呢個座位嘅窗戶向外看嘅視角會係最廣，等機組人員可以迅速留意機翼嘅情況並向機師匯報。唔少網民都立刻錯重點咁話「以後都要選擇這個座位了！」，希望可以欣賞廣闊嘅天空景～

Photo from 華航FB

2. 機上的濕度與沙漠差不多

唔知大家有冇發現喺搭飛機嘅時候皮膚特別易乾呢？原來機艙內加壓空氣嘅濕度一直都保持喺20%以下，同非洲撒哈拉沙漠嘅平均濕度差唔多！而喺乘搭飛機嘅時候，體內每小時大約會流失220克嘅水分，所以大家記得要定時補充水分，尤其係搭長途機！

Photo from TVB

Photo from 《繼承者們》

3. 總是從飛機左側登機？

其實大部分飛機都會係左側登機，原來係源於航海時期嘅安全原因！為咗令船隻泊岸時冇咁容易相撞，所以船隻都統一以左邊靠岸，而飛機亦因為安全理由而順從呢個守則。直到宜家，大部分嘅飛機依然選擇跟從呢個守則，喺左邊上落客及行李；右邊嘅下方則有維修人員負責加油、檢查等工作，令工作嘅效率變得更快。

Photo from 《拖行李箱的女人》劇照

即睇更多人氣文章：

女兒與媽媽嗌交一怒之下選擇報警，竟意外揭母親非法居留23年！

球賽拎「大戒指」當眾求婚被拒俾女友怒罵加掌摑全場觀眾被嚇呆

4. 飛機窗底部有小洞

據悉飛機窗底部嘅小孔就係「呼吸孔」，由於機艙內嘅空氣係加壓過嘅，機內較高嘅氣壓將會從呢個小洞排出。若果小洞嘅作用達到極致，最先裂開嘅將會係外面嘅玻璃窗，咁就可以保持機艙依然係密封及安全！另外呢個小孔亦可以防霧及排濕，令大家可以繼續欣賞窗外嘅美景～

Photo from 《特務搞飛機》

5. 飛機座位與窗戶不對齊

據悉好多航空公司嘅座位同窗戶唔對齊，全因為利益問題！喺航空公司嘅角度方面，佢哋當然希望能夠增加一架飛機所乘載嘅客人數量，所以為咗能夠擁有更多嘅座位而調節座位之間嘅間距。根據外國網站指出，喺1975年時飛機座位腳部空間平均係88.9cm；直到2015年已經減少到得平均78.74cm。

Photo from 《緊急迫降》劇照

6. 起飛及降落時將燈光調暗

美國飛行員Patrick Smit曾經喺佢嘅著作《駕駛艙機密》（Cockpit Confidential）解釋原因，指將燈光調暗係為咗令乘客嘅眼睛適應黑暗嘅環境；一旦突然遇到事故導致失去電力都能夠令大家尋找到逃生嘅方法，而呢個時候著燈嘅緊急標誌亦會變得更加清晰！同樣地每次起飛或者降落時都需要打開窗戶，當遇到緊急情況時大家都能夠依靠自然光逃走！