奚夢瑤嫌何猷君唔識做家務？！最嫌棄老公一件事，激到半夜發文

娛樂新聞

By Jennifer on 21 Oct 2022

Digital Editor

今晚食乜餸：小二，嚟一碟花生！

名模奚夢瑤同賭王四房兒子何猷君結婚後就暫時放下模特兒工作，近日佢出演綜藝節目《做家務的男人》第四季，並分享佢對「家務男」嘅睇法，仲話希望老公何猷君進修一下，改善做家務嘅技能。

Photo from 奚夢瑤微博

奚夢瑤出演《做家務的男人4》，恢復名模身型

奚夢瑤2019年同何猷君結婚，同年佢誕下兒子何廣燊，2021年再產下一名女兒，成為人母嘅奚夢瑤專心相夫教子，已有一段時間無出現於幕前。生下女兒後休息咗一年，奚夢瑤近日終於再次出演內地綜藝節目。

Photo from 奚夢瑤微博

Photo from 《做家務的男人4》

以往佢都參加過真人騷，不過多數都係同老公一齊出演，今次佢以「家務學院導師」身份出演《做家務的男人4》，產後一年奚夢瑤已修身成功，佢著上短褲明顯睇到腰肢纖幼、小腹平坦，回復名模身材，大晒一雙長腿。

Photo from 奚夢瑤微博

Photo from 《做家務的男人4》

分享老公何猷君唔識做家務，煲錯中藥

喺節目採訪中佢提到對「家務男」嘅睇法，仲話想送丈夫過嚟家務學院進修一下做家務嘅能力。不過奚夢瑤稱自己都唔係好識做家務，100分入面應該只得60分，比老公何猷君高少少。

Photo from 《做家務的男人4》

奚夢瑤指老公何猷君唔識做家務，佢分享有一次自己喺屋企二樓好唔舒服，於是請何猷君幫手落樓去廚房整返熱啲中藥畀佢食，何猷君當然唔會托老婆手踭，即刻落去準備。

Photo from 奚夢瑤微博

Photo from 《做家務的男人4》

點知當何猷君拎碗中藥上到嚟時奚夢瑤就發現碗中藥係暖嘅，佢不以為意，以為老公心急所以無整到好熱啫，點知佢飲極都仲有超大碗中藥，佢發現中藥嘅量有啲唔對路，於是問何猷君係點整返熱啲中藥，對方竟然答佢喺雪櫃拎中藥出嚟之後加啲熱水入去，令奚夢瑤十分無語。

Photo from 《做家務的男人4》

奚夢瑤嬲到半夜發微博大呻

奚夢瑤表示：「這是什麼樣的腦迴路！」佢指當時無辦法抑制住自己嘅心情，喺微博發文講咗呢件事。翻睇奚夢瑤微博，事情應該係喺2021年4月發生，當時奚夢瑤仲嬲到大半夜發文，而且一年半之後仲喺綜藝節目重提此事，相信佢真心好激氣。不過亦有網民認為何猷君由細到大應該都無需要親自做家務，唔識做家務非常正常。

Photo from 奚夢瑤微博

相關文章：何猷君稱唔會拎屋企錢！婚前同奚夢瑤講：唔好以為我係有無限黑卡富二代

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

何猷君在家被奚夢瑤剪髮好驚青怕老婆樣笑翻網民上海過億豪宅引熱議！

5 May 2022

內地疫情持續，已故賭王何鴻燊四房兒子何猷君與太太奚夢瑤因上海封城，都留守在家中抗疫，久未剪髮嘅猷君要靠老婆幫手，二人打情罵俏模樣笑翻網民，而佢哋居住嘅過億複式豪宅亦引起關注！

Photo from 微博

奚夢瑤在家幫何猷君剪髮

何猷君和太太奚夢瑤響應居家隔離，無得出街理髮嘅猷君就向老婆求救，於是奚夢瑤親自下手，更自誇好手藝，笑稱如果短片有超過一萬個讚就去小區擺檔。

Photo from 奚夢瑤小紅書

片中可見，二人在家中嘅木系浴室進行剪髮，猷君顯得頗為緊張，尤其在老婆用水噴濕頭髮時左閃右避，剪髮時又遮掩耳朵怕受傷，一副驚老婆樣逗笑網民。但被老婆喝止後即刻坐定定，網民都大讚兩人好甜蜜，情景搞笑。

Photo from 奚夢瑤小紅書

家住上海複式豪宅

何猷君與奚夢瑤2019年結婚，育有一子一女。據悉，一家住在價值過億嘅複式豪宅，並位於上海頂級住宅湯臣一品裡，單位面積約4千6百平方呎至1萬3千多平方呎，每個單位都可飽覽270度江景，非常豪華！早前，奚夢瑤上載嘅聖誕樹裝飾Vlog，就可見房間有多塊大落地玻璃窗，並連接著大露台，房內空間很大，放了聖誕樹仍有好多空位。