東京豐洲市場｜「千客萬來」2024年開幕！和風購物街、24小時溫泉

日本築地市場聞名遐邇，2018年搬到東京灣人工島「豐洲」並改名為「豐洲市場」，唔少人龍店都搬咗去豐洲市場。2023年9月新設施「千客萬來」就會初步完工，預計2024年開幕，到時大家去東京豐洲市場可以暢玩一日～

豐洲市場開業4年，「築地市場」正式告別，不過以往喺場內嘅人氣長龍店「大和壽司」、「八千代」、「築地神樂壽司」、「天房」等都一同搬到「豐洲市場」。豐洲市場大致分為3個區域，除咗美食店之外，仲可以買乾貨、水產等。

豐洲市場2023年9月會加入新設施「千客萬來」，就咁聽個名可能唔知係咩嚟，其實「千客萬來」亦分為兩大區域，「商業棟」同「溫浴棟」，預計會於2024年初正式開幕。

「商業棟」有約100間商店進駐，「千客萬來」亦還原咗日本古代嘅建築特色，令遊客好似置身於江戶時代咁，絕對係打卡、購物嘅好去處。

而「溫浴棟」則係9層樓建築，提供24小時溫泉服務，而且仲有免費足湯，行街行到攰嘅可以浸下腳，或者去歉溫泉放鬆下，日後「千客萬來」開幕應該可以喺豐洲市場玩足成日。

免費嘅足湯庭園位於「溫浴棟」頂層天台，可以望到東京灣景色，一邊浸腳、一邊欣賞風景，真係好chill！

「千客萬來」
開幕日期：2024年初
地址：東京都江東区豊洲6-101-1

相關文章：東京自由行2022｜羽田機場新商場2023年開幕！2間酒店、溫泉24小時開放

相關文章：【東京Outlet 2022】深谷花園PREMIUM OUTLETS新開幕！近140間店舖進駐、內有主題樂園

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

東京旅遊2022｜坐貞子的士遊市區！AR技術親身體驗貞子爬出螢幕

19 Oct 2022

就到萬聖節，各地都有唔少節目慶祝。日本東京即將會有限定50架「貞子的士」出現，乘客可以體驗到貞子爬出螢幕嘅恐懼感！中意睇恐怖片，或者係貞子fans就一定唔可以錯過！

Photo from 《貞子DX》

貞子系列新電影《貞子DX》

「貞子」係日本經典恐怖片《午夜凶鈴》中登場嘅角色，之後更衍生各種作品，到今時今日，貞子已經成為恐怖界嘅代表人物。繼1998年上映嘅首部作品《午夜凶鈴》後，貞子嘅相關電影更陸續推出。

Photo from 《貞子DX》

近日貞子系列新電影《貞子DX》將於10月28日於日本上映，為配合宣傳，電影方同的士平台S.RIDE合作，喺東京推出50架限定「貞子的士」。

Photo from 《貞子DX》

即睇更多人氣文章：
26歲女追求71歲老伯，婚後為對方誕下一子！忘年戀夫妻近況公開
內地女模周韋彤拍片自爆整容失敗 直認愈整愈差好後悔 坦言整容毁一生

東京推出50架限定「貞子的士」

「貞子的士」外型同普通的士差唔多，但車窗貼上貞子貼紙，夜晚見到可能會嚇一跳！「貞子的士」更會播放電影特別片段，最「得人驚」嘅係乘客可以透過的士平台S.RIDE嘅手機App嘅AR技術，親身體驗貞子從螢幕中爬出嚟嘅感覺！

Photo from 《貞子DX》

Photo from 《貞子DX》

Photo from 《貞子DX》

乘客可以喺手機App指定乘搭「貞子的士」，「貞子的士」會喺東京都內23區、武蔵野、三鷹地區範圍內行駛，大家如果喺呢段時間去日本東京嘅話，可以call返架貞子的士坐，適逢萬聖節，坐貞子的士應該會更加有feel～

Photo from 《貞子DX》

Photo from 《貞子DX》

「貞子的士」
地點：東京都內23區、武蔵野、三鷹地區
時間：10月24日～11月6日

相關文章：【東京地鐵2022】自由行必睇東京4大交通攻略！一文搞懂JR/東京Metro/都營地鐵/私鐵！附票券推薦

相關文章：日本新酒店2022｜13大東京新酒店最平$170起！60米長無邊際泳池＋私人桑拿房

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）