JMA「舊香港時光」珠寶派對！精選珠寶首飾購物攻略，3折入手高質款式扮靚靚～

By Susan So on 04 Nov 2022

Project Assistant

對於鍾意扮靚靚嘅女仔嚟講，珠寶首飾絕對係OOTD必備元素，屋企點都唔可以唔擺返一兩件百搭易襯嘅款式為平日嘅穿搭造型增加亮點，想入手高質而又抵買嘅款式，但又唔知去邊到買好？咁就絕對唔可以錯過珠寶界年度壓軸盛事 - 第30屆JMA香港國際珠寶節，俾你以低至3折價錢買到又靚又高質嘅珠寶首飾，唔怕你揀唔到，最怕你買到停唔到手！

今年呢項盛事將於11月24日至11月27日，喺香港會議展覽中心展館一舉行，並且一反傳統，打破珠寶展覽嘅既定模式，以「舊香港時光」為題，配合經典懷舊裝飾，營造復古氣氛，帶你穿梭到80年代嘅香港，誠邀大家一齊參加珠寶派對！而家仲可以預先登記免費入場： https://bit.ly/3WhAGXz ，而且仲即送你1張抽獎券，分分鐘抽中Hermès手袋，千祈唔好錯過呀！入場前記得做定功課，睇埋小編精選嘅購物推介，入手心頭好就更Easy喇～

【入門必備】讓日常穿搭更加分戒指Mix & Match盡顯氣質美！

Photo from HKJMA

唔少女生平日都鍾意戴戒指襯衫，而「指間時尚學」絕對可以為你平日嘅穿搭造型增加亮點！入手簡約典雅嘅鑲鑽款式，低調又不失美感，銀色指環更予人滿滿嘅氣質美～而小編亦相當推薦多戒混搭嘅方式，當中嘅技巧就係揀選設計具有一致性嘅款式，並以金、銀兩色Mix & Match，展現既和諧又亮眼嘅視覺效果，同時充滿層次感，以小心思盡顯時尚品味！

【超值之選】誰說珍珠只有老氣？時尚Pick就是它！

Photo from HKJMA

珍珠配飾經常都俾人「老氣、成熟」嘅感覺，但其實只要配搭得宜，一樣可以好時髦，更加可以增加甜美，而秘訣就係揀選單顆或者以唔同材質搭配嘅珍珠首飾～唔少韓國女星甚至會用珍珠飾物搭配T裇、衛衣等休閒衣著，尺寸較小嘅珍珠襯以鑲鑽點綴，顯得柔和迷人，為簡約嘅日常穿搭增添一份時尚感！至於OL上班造型更適合搭配珍珠飾物，低調得嚟又可以突顯優雅自信嘅魅力～

【超值之選】閃耀約會加分位！女生必備彩色首飾～

Photo from HKJMA

想喺約會或出席派對嘅時候，俾人眼前一亮嘅感覺，揀選顏色夢幻嘅首飾就最適合不過～好似呢條天然紫翡翠同鑽石吊墜就相當吸睛，搭配露鎖骨嘅小洋裝，除咗可以突顯肩頸嘅性感曲線美，更可以瞬間搶Fo，成為全場焦點～如果你對粉紅鑽飾情有獨鍾，呢隻閃爍奪目嘅粉紅藍寶戒指就必需入手，而家低至半價就可以帶佢返屋企喇！

【輕奢雅致】糖果色的玩味時尚！琺瑯首飾吸睛度Level Up～

Photo from HKJMA

珠寶首飾可以突顯唔同人嘅個性魅力，時尚幹練、嫻靜優雅等等，如果你想為平日穿搭增添甜美可人嘅感覺，琺瑯首飾就係你嘅首選！即使係最簡單嘅造型，都可以煥然一新～糖果色Tone嘅琺瑯戒指亮麗滿分，更顯青春活力，女生們可多入手幾隻配襯唔同嘅衣著穿搭！至於呢條珍珠動物吊墜趣緻可愛，一樣好值得入手～同戒指襯埋一套就最Perfect喇！

【名人分享會＋工作坊】實用珠寶、時裝穿搭Tips分享！

Photo from HKJMA

今次嘅JMA香港國際珠寶節大家仲可以參加由各個時尚名人及香港小姐（陸詩韻、向海嵐、張寶兒等）主講嘅分享會，了解更多珠寶、時裝穿搭嘅Tips，入手飾物時就更加得心應手，仲唔快啲偷下師～同場更有各式嘅手作工作坊，好似玉石繩藝、珍珠手繩製作、大溪地珍珠時尚頸環等等，俾大家親手製作專屬嘅個人飾物～學到嘢又可以DIY，節目真係超豐富呀！