陳山聰用廣東話於小紅書開直播後被禁？！大批內地網民留言力撐廣東話

陳山聰有份出演嘅台慶劇《超能使者》正在熱播中，近日佢落力宣傳幫劇集谷人氣。日前，佢就喺內地社交平台小紅書開直播，但最終卻發現因為全程用廣東話而被禁，隨即令大批網民為佢「抱打不平」？！

Photo from 陳山聰IG

陳山聰備受力捧

46歲陳山聰於1992年以歌手身份出道，其後成為演員，並加入2000年加入無綫。直到2019年佢首次於《金宵大廈》擔任男主角，漸漸嶄露頭角；近年備受大台力捧，連續3年都有份入圍「最佳男主角」！

Photo from 陳山聰IG

Photo from 《金宵大廈 》

出演台慶劇《超能使者》

近日，陳山聰亦有份出演台慶劇《超能使者》飾演擁有特異功能嘅「高勇」，劇集成功引起網民關注！而佢都趁播放期間不時喺社交平台宣傳，仲嘗試於內地網民鍾意嘅小紅書開直播，同粉絲們有更多嘅互動。

Photo from 《超能使者》

Photo from 《超能使者》

於小紅書用廣東話開直播，慘遭禁止直播？

喺開直播期間，陳山聰以廣東話同粉絲們溝通，介紹劇中嘅角色及劇情等。不過直播完之後，佢就出post向網民道歉「抱歉各位，由於直播期間全程用廣東話被暫停12小時直播」，因為使用嘅語言而導致被官方「懲罰」！

Photo from 陳山聰小紅書

即睇更多人氣文章：

東京自由行2022｜羽田機場新商場2023年開幕！2間酒店、溫泉24小時開放

老父偷食外傭仲搞到對方大肚 工人懷孕後地位變嬌貴 反過來要媽媽服侍

內地網民為此感到憤怒

大批內地網民為此感到憤怒，狠批「還有這種限制，真的無語了」、「廣東話也是中國語之一啊！」等，大部分嘅留言都力撐廣東話，似乎都唔太認同官方嘅做法！

Photo from 陳山聰小紅書

網民猜測背後原因

部份網民就話曾經見過香港藝人上載唱廣東歌嘅影片，不過就並冇被刪除影片。亦有網民猜測應該係因為用廣東話開直播，難以令幕後人員「審核」；認為可能部份管理人員並唔太熟廣東話，所以先唔允許用家們使用廣東話？！

Photo from 陳山聰小紅書

Photo from TVB

陳山聰留言安撫粉絲

眼見內地網民們嘅評論越來越熱烈，陳山聰留言安撫大家「不用勞氣、好小事、每個平台都有自己準則，只不過我唔知道，已經了解好」，仲話宜家佢已經可以開直播喇～

Photo from 陳山聰小紅書

相關文章：超能使者｜陳展鵬服裝打扮被指「亞視味濃」？！角色們擁有超能力，劇中CG特效多！離巢王君馨再次被無視？

相關文章：抖音疑似禁止直播主講廣東話？！網紅批評理由極不合理？內地網民反應兩極！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）