日本靜岡旅遊｜春華堂必打卡巨型餐桌Cafe！比例放大13倍，尤如置身巨人國

去日本旅行，當地嘅甜點都係好多遊客必買嘅手信之一！靜岡老字號甜點店「春華堂」聞名全國，春華堂於靜岡濱松市更設有超大型餐飲設施「SWEETS BANK」，外型睇落就好似巨人國嘅枱櫈咁，係打卡好去處！

靜岡老字號甜點店「春華堂」

「春華堂」係靜岡當地嘅老字號甜點店，佢哋推出嘅名物「鰻魚派」更多次獲選為「日本10大伴手禮」！旅客想買「鰻魚派」做手信嘅話，機場就買得到，但如果去到靜岡縣不妨到訪春華堂卡當地興建嘅大型餐飲設施「Sweets Bank」～

「Sweets Bank」外觀似巨型餐桌

「Sweets Bank」位於靜岡縣濱松市，值得一去嘅原因係呢個設施外觀睇落就好似巨型餐桌咁，有枱有櫈，比例上放大咗13倍，非常搶眼！

喺建築物周邊仲擺放咗巨型購物袋、巨型等牛奶樽，好似進入咗巨人國地帶咁，非常有心思。建築內部嘅裝修都好有特色，有春華堂旗艦店，遊客可以喺度買到春華堂推出嘅一系列甜點，其中包括超出名嘅鰻魚派。

Sweets Bank內有Cafe

另外仲有春華堂旗下嘅Cafe，店內有茶壺、茶杯裝飾，可以喺度食下甜品、麵包等輕食。Sweets Bank亦設有交流空間，會不定期舉辦講座或實習課程。

Sweets Bank係喺疫情期間開幕嘅，雖然已開業1年，但日本近日開關，大家去旅遊又多一個打卡好去處～

Sweets Bank
地址：靜岡縣濱松市中區神田町553

相關文章：東京自由行2022｜羽田機場新商場2023年開幕！2間酒店、溫泉24小時開放

相關文章：【東京Outlet 2022】深谷花園PREMIUM OUTLETS新開幕！近140間店舖進駐、內有主題樂園

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

東京豐洲市場｜「千客萬來」2024年開幕！和風購物街、24小時溫泉

2 Nov 2022

日本築地市場聞名遐邇，2018年搬到東京灣人工島「豐洲」並改名為「豐洲市場」，唔少人龍店都搬咗去豐洲市場。2023年9月新設施「千客萬來」就會初步完工，預計2024年開幕，到時大家去東京豐洲市場可以暢玩一日～

豐洲市場開業4年，「築地市場」正式告別，不過以往喺場內嘅人氣長龍店「大和壽司」、「八千代」、「築地神樂壽司」、「天房」等都一同搬到「豐洲市場」。豐洲市場大致分為3個區域，除咗美食店之外，仲可以買乾貨、水產等。

豐洲市場2023年9月會加入新設施「千客萬來」，就咁聽個名可能唔知係咩嚟，其實「千客萬來」亦分為兩大區域，「商業棟」同「溫浴棟」，預計會於2024年初正式開幕。

「商業棟」有約100間商店進駐，「千客萬來」亦還原咗日本古代嘅建築特色，令遊客好似置身於江戶時代咁，絕對係打卡、購物嘅好去處。

而「溫浴棟」則係9層樓建築，提供24小時溫泉服務，而且仲有免費足湯，行街行到攰嘅可以浸下腳，或者去歉溫泉放鬆下，日後「千客萬來」開幕應該可以喺豐洲市場玩足成日。

免費嘅足湯庭園位於「溫浴棟」頂層天台，可以望到東京灣景色，一邊浸腳、一邊欣賞風景，真係好chill！

「千客萬來」
開幕日期：2024年初
地址：東京都江東区豊洲6-101-1

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）