《我和殭屍有個約會》翻拍，吳千語黃宗澤做主角！盤點4部翻拍毁經典嘅作品
Photo from 張文慈微博
《我和殭屍有個約會》翻拍電影《驅魔龍族馬小玲》，吳千語、黃宗澤主演
亞視1998年電視劇《我和殭屍有個約會》由尹天照、萬綺雯主演，劇集當年收視更勝過TVB，係唔少人嘅童年回憶，而萬綺雯飾演嘅「馬小玲」亦係佢影視生涯嘅代表角色。而《我和殭屍有個約會》亦將翻拍成電影版，並改名為《驅魔龍族馬小玲》，由萬綺雯嘅丈夫陳十三擔任監製、編劇以及導演。
Photo from 《我和殭屍有個約會》
萬綺雯飾演嘅「馬小玲」擁有一雙長腿，因此電影版嘅選角都參考咗呢個特點，搵咗吳千語出演，至於男主角「況天祐」則係由黃宗澤飾演。楊恭如飾演嘅「王珍珍」、陳啟泰飾演嘅「山本一夫」則改由蔡潔同呂良偉出演，張文慈出演嘅「山本一夫」女兒「山本未來」搵咗金像獎最佳女配角廖子妤飾演。
Photo from 吳千語IG
Photo from 黃宗澤IG
選角公開後唔少網民都唔睇好電影版會拍得好睇，網友普遍認為幾個重要角色都同原版有差距。其實好多翻拍劇都好難超越原版，甚至喺網民心目中更成為「毁經典」嘅作品！
TVB翻拍《十月初五的月光》，胡鴻鈞飾演「初哥哥」、何依婷出演「祝君好」
2000年播出嘅劇集《十月初五的月光》當年最高收視達46點，張智霖飾演嘅「初哥哥」都令人十分心痛。呢套經典劇集於2021年翻拍，由胡鴻鈞飾演「初哥哥」、女主角「祝君好」則由港姐亞軍何依婷出演，而原本由馬浚偉飾演嘅「司徒禮信」就由羅天宇擔任此角。
Photo from 《十月初五的月光》
Photo from 《十月初五的月光》
Photo from 《十月初五的月光》
劇集播出後收視一直維持喺19點～20點，收視成績難以同原版比較，而男女主角胡鴻鈞、何依婷都無咩出演劇集經驗，佢哋嘅演出亦受到唔少批評。
Photo from 《十月初五的月光》
《神雕俠侶》多次翻拍，陳妍希版小龍女版指係「小籠包」
金庸作品《神雕俠侶》多年嚟被多次翻拍，除咗1983年由劉德華、陳玉蓮主演嘅版本外，1995年古天樂、李若彤版本、2006年黃曉明、劉亦菲嘅版本都為人熟悉。
Photo from 《神雕俠侶》
Photo from 《神雕俠侶》
其中2014年版由陳曉飾演楊過、陳妍希飾演小龍女，但由於陳妍希版小龍女造型與以往純白衣裳唔同，加上陳妍希被指同小龍女氣質相差太遠，一度被稱為「小籠包」。
Photo from 《神雕俠侶》
Photo from 于正微博
《惡作劇之吻》王大陸出演「直樹」一角惹不滿
《惡作劇之吻》同樣係翻拍過超多次嘅經典，其中最為人熟悉嘅一定係2005、2007年播出嘅台版，由鄭元暢同林依晨飾演「直樹」、「湘琴」，到依家大家都仲會以角色名稱呼佢哋～
Photo from 《惡作劇之吻》
Photo from 《惡作劇之吻》
不過喺咁多個版本中，2019年嘅內地電影《一吻定情》由王大陸同林允分別飾演江直樹同原湘琴，王大陸同「直樹」嘅氣質似乎唔太相似，而林允嘅演出亦備受批評，被指係「毀經典」版本。
Photo from 《一吻定情》
Photo from 《一吻定情》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《惡作劇之吻》主演17年對比照！直樹湘琴外貌依舊 汪東城變僵臉熱衷cosplay
28 Sep 2022
《惡作劇之吻》改編自日本漫畫家多田薰嘅日本漫畫，台劇版由鄭元暢、林依晨主演，當時非常受歡迎，更風靡中港台三地，連劇集插曲都成為經典！
劇集於2005年播出，至今已有17年。一眾主演各有發展，睇下佢哋17年嘅對比照～
#鄭元暢
當年23歲飾演男主角江直樹，依家40歲，外貌變化不大，主要係江直樹時期留長曲髮，依家變短髮。近年有去過大陸發展，但影視生涯中「江直樹」仍然係佢嘅代表作。
17年前：
Photo from 《惡作劇之吻》
17年後：
#林依晨
同樣23歲出演袁湘琴一角，劇中係一個傻更更嘅女生，當年仲有baby fat。佢演繹過好多經典角色，包括《我可能不會愛你》 嘅「程又青」，更兩度獲得金鐘獎戲劇節目女主角獎。現年39歲嘅林依晨於2021年誕下女兒，已為人母嘅佢仲有滿滿嘅少女感！
17年前：
Photo from 《惡作劇之吻》
17年後：
#汪東城
當年24歲飾演「阿金」金元豐，係人氣組合飛輪海嘅成員，近年事業重心轉移至大陸，更迷戀cosplay，豪花幾十萬買裝備。五官變得立體，單眼皮變雙眼皮，不過被指面部變得僵硬，做唔到表情。最近佢出演內地綜藝節目《星星的約定》做飛行嘉賓，宣傳照五官十分突出。
17年前：
Photo from 《惡作劇之吻》
17年後：
#許瑋甯
22歲出演富家千金「裴子瑜」一角，擁有四分之一意大利血統，混血兒外貌嘅佢當年非常青春，依家感覺成熟咗，更有女人味。
17年前
17年後：
#章柏翰
講名大家可能唔識，其實佢係直樹個細佬「江裕樹」！當年仲係肥嘟嘟嘅小朋友，依家已長大成人，眉眼間仍然睇得出當年嘅樣子，不過佢已唔再喺演藝圈發展。
17年前：
17年後：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
