download HolidaySmart 假期日常 app
東張西望｜港媽網戀愛上菲律賓男，不惜賣樓花160萬相救！攞錢理由超離譜，港媽仍深信不疑

東張西望｜港媽網戀愛上菲律賓男，不惜賣樓花160萬相救！攞錢理由超離譜，港媽仍深信不疑

時事熱話
By Jennifer on 07 Dec 2022
Digital Editor
今晚食乜餸：小二，嚟一碟花生！

《東張西望》一向都有報道騙案，但最近有觀眾報料指情郎被困，想搵節目組幫手，點知節目發現係網上騙案。雖然騙徒嘅謊言十分離譜，但事主陳女士仍堅信對方，更不惜賣樓花160萬相救！令主持人十分無奈。

《東張西望》一向都有報道騙案，但最近有觀眾報料指情郎被困，想搵節目組幫手Photo from 《東張西望》

陳女士網上結識「聯合國醫生」

陳女士係單親媽媽，佢報料稱有朋友最近失聯，希望《東張西望》可以幫手搵到對方。但節目組卻發現事情唔係咁簡單，一開始陳女士嘅「朋友」以「Chung Young」呢個名喺IG私訊陳女士，「Chung Young」外型高大威猛，佢自稱係一名聯合國整形外科醫生，目前正在戰區工作，男方大讚陳女士真城善良，好快就獲得陳女士信任。

「Chung Young」外型高大威猛Photo from 《東張西望》

「Chung Young」自稱係一名聯合國整形外科醫生，目前正在戰區工作，男方大讚陳女士真城善良，好快就獲得陳女士信任。Photo from 《東張西望》

聯合國醫生「Chung Young」多次提出要錢助佢離開，陳女士不惜賣樓花160萬相救

得知男方喺戰區工作隨時會有危險，陳女士十分心痛：「我聽完個心好似被人挖咗出嚟咁...」而男方亦指希望可以離開當地，並提議陳女士先做佢「掛名老婆」，但指要支付$5萬元先走到，為幫助「Chung Young」，陳女士將$5萬寄到所謂「聯合國辦公室」，但之後「聯合國辦公室」卻表示雖然「Chung Young」醫生可以離開，但要再支付多一筆機票錢，有3個價格，分別係11萬、20萬、30萬。

得知男方喺戰區工作隨時會有危險，陳女士十分心痛Photo from 《東張西望》

為幫助「Chung Young」，陳女士將$5萬寄到所謂「聯合國辦公室」Photo from 《東張西望》

「聯合國辦公室」卻表示雖然「Chung Young」醫生可以離開，但要再支付多一筆機票錢Photo from 《東張西望》

主持人即問：「點解機票要咁貴嘅？」陳女士指當地係禁區，出入要搭私人飛機。跟住「Chung Young」又指佢個女病咗，需要帶多一位醫生一齊走，「Chung Young」表示女兒好中意陳女士， 仲叫陳女士做「媽媽」，由於情況緊急，即使「Chung Young」女兒張相明顯唔妥，但心急嘅陳女士未有留意，前後共花160萬，更不惜賣樓救「Chung Young」。

主持人即問：「點解機票要咁貴嘅？」陳女士指當地係禁區，出入要搭私人飛機。Photo from 《東張西望》

「Chung Young」又指佢個女病咗，需要帶多一位醫生一齊走Photo from 《東張西望》

陳女士前後共花160萬，更不惜賣樓救「Chung Young」Photo from 《東張西望》

P圖現端倪，揭「Chung Young」用菲律賓演員Eric Quizon假相呃人！

「Chung Young」十分感激陳女士，陳女士大方指：「唔使客氣， 只要你平安返嚟就得。」但「Chung Young」之後又指佢喺機場被人拉咗，原因係有人喺佢行李放咗違禁品，要再支付85萬先放返出嚟，隨後仲有「律師」將「Chung Young」嘅相片send畀陳女士睇，但呢張相十分古怪，被節目組揭穿係P圖。

「Chung Young」十分感激陳女士，陳女士大方指：「唔使客氣， 只要你平安返嚟就得。」Photo from 《東張西望》

陳女士：「唔差嗰少少錢」Photo from 《東張西望》

「Chung Young」之後又指佢喺機場被人拉咗，原因係有人喺佢行李放咗違禁品，要再支付85萬先放返出嚟Photo from 《東張西望》

「律師」將「Chung Young」嘅相片send畀陳女士睇，但呢張相十分古怪，節目組都睇得出係P圖。Photo from 《東張西望》

今次陳女士終於意識到有問題，無寄錢畀「Chung Young」，更喺網上搜尋有關「Chung Young」嘅資料，竟發現「Chung Young」嘅真身係一名菲律賓演員Eric Quizon，節目組採訪咗幾位嚟自菲律賓嘅姐姐，佢哋表示喺菲律賓無人唔識呢位Eric，家族亦非常有錢。

陳女士喺網上搜尋有關「Chung Young」嘅資料，竟發現「Chung Young」嘅真身係一名菲律賓演員Eric QuizonPhoto from 《東張西望》

節目組採訪咗幾位嚟自菲律賓嘅姐姐，佢哋表示喺菲律賓無人唔識呢位EricPhoto from 《東張西望》

騙徒理由超離譜，陳女士哽咽堅信情郎

陳女士亦有問「Chung Young」，但對方就表示自己就係Eric，隱暪身份係因為驚陳女士唔想再同佢做朋友，佢仲話現時身在菲律賓嘅Eric係假冒，只係戴面具假扮。雖然呢個理由相當離譜，但陳女士卻深信不疑，提到對方話自己可能要坐監，陳女士更忍唔住哽咽。

陳女士亦有問「Chung Young」，但對方就表示自己就係Eric，隱暪身份係因為驚陳女士唔想再同佢做朋友Photo from 《東張西望》

「Chung Young」仲話現時身在菲律賓嘅Eric係假冒，只係戴面具假扮Photo from 《東張西望》

陳女士深信不疑，提到對方話自己可能要坐監，陳女士更忍唔住哽咽。Photo from 《東張西望》

無論主持點質疑、幕後同事點同陳女士作分析，佢都寧願相信Eric係真有其人，佢希望節目可以搵到同佢傾偈嘅「Eric」出嚟。之後節目組有私訊真正嘅菲律賓演員Eric，對方指留意到網上有好多假冒佢嘅帳號出現，佢指自己礙於經理人公司，無法接受訪問澄清。

無論主持點質疑、幕後同事點同陳女士作分析，佢都寧願相信Eric係真有其人Photo from 《東張西望》

睇陳女士「癡情語錄」：

陳女士堅信Eric係真Photo from 《東張西望》

陳女士感覺Eric需要佢幫助Photo from 《東張西望》

陳女士表示惜錢都會幫EricPhoto from 《東張西望》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【東張西望】大學生遇兼職騙案，想賺學費反而一日損失28萬！

25 Jan 2022

TVB《東張西望》近日再度報道騙案，年僅20歲大學生為做兼職賺取學費，於是上網做「點擊/訂閱」賺錢，但做咗3日佢已損失$28萬，欠下債務。佢更稱報警時發現之前已出現5位苦主。

TVB《東張西望》近日再度報道騙案

大學生搵兼職受騙

騙案屢見不鮮，唔係淨係上咗年紀嘅人先會受騙，近日《東張西望》報道20歲大學生Cat，因為家中經濟條件唔好，雖然平時有做開幾份兼職，但因為疫情原因好多都中止咗。

20歲大學生Cat，因為家中經濟條件唔好，雖然平時有做開幾份兼職

就嚟要交學費，佢心急搵錢，見到IG有招聘「點擊/訂閱」兼職，於是就馬上聯絡對方。

因為要交學費，Cat心急搵錢，見到IG有招聘「點擊/訂閱」兼職，於是就馬上聯絡對方。

透過賺多多Apps搶單，起初賺到少量金錢做「甜頭」

一開始佢就收到唔同嘅YouTuber帳號，要佢幫手「畀like」、「訂閱」，每完成一個任務有$20佣金，做夠5個任務先攞到錢。開頭都好順利，Cat真係收到$100佣金。

一開始Cat就收到唔同嘅YouTuber帳號，要佢幫手「畀like」、「訂閱」，每完成一個任務有$20佣金

開頭都好順利，Cat真係收到$100佣金。

之後兼職方嘅客服就要佢做另一項「任務」，下載一個名為「賺多多Apps」去搶單，稱只要搶到60張單就有相應嘅佣金。雖然Cat唔知要「搶咩單」，但以往打工8、9個鐘先賺到幾百蚊，依家僅花一小時就有同樣嘅收入，加上佢的確賺到幾百蚊，令佢對呢份兼職深信不疑。

之後兼職方嘅客服就要Cat做另一項「任務」，下載一個名為「賺多多Apps」去搶單

兼職客服稱只要搶到60張單就有相應嘅佣金

雖然Cat唔知要「搶咩單」，但以往打工8、9個鐘先賺到幾百蚊，依家僅花一小時就有同樣嘅收入，加上佢的確賺到幾百蚊，令佢對呢份兼職深信不疑。

突出現「聯單」要先付款先賺到佣金

之後喺「搶單」過程中突然出現「聯單」情況，每次都要先支付一筆金錢先可以繼續搶單，初初只需畀200幾蚊，但後來要支出嘅金額越嚟越高，由三位數變四位數。

喺「搶單」過程中突然出現「聯單」情況

每次都要先支付一筆金錢先可以繼續搶單，初初只需畀$200幾

後來要支出嘅金額越嚟越高，由三位數變四位數。

不過Cat試過連本帶利賺$5,000~$6,000，由於佢支出只係$2,000~$3,000，所以佢仲係有賺，不虞有詐。跟住「聯單」嘅金額高達$12萬，有之前嘅經驗，佢諗住都會賺得返，於是就問朋友借錢，存入$12萬。

Cat試過連本帶利賺$5,000~$6,000

由於Cat支出只係$2,000~$3,000，所以佢仲係有賺，不虞有詐。

「聯單」嘅金額高達$12萬，Cat有之前嘅經驗，諗住都會賺得返，於是就問朋友借錢

數目越嚟越大，問朋友借錢存入戶口

後面再出現幾次「聯單」，金額約為港幣$8萬，Cat無咩戒心，前後共存入約$20萬！但今次搶單60次後Cat未能取回本金同佣金，客服稱佢因為會籍問題，無法一次過取回咁多錢，要佢再入多$88,888升級戶口。

後面再出現幾次「聯單」，金額約為港幣$8萬，Cat無咩戒心，前後共存入約$20萬

搶單60次後Cat未能取回本金同佣金，客服稱佢因為會籍問題，無法一次過取回咁多錢，要佢再入多$88,888升級戶口。

大大話話都入咗成$20萬，Cat唔想連本金都無埋，於是照客服所講存入$88,888，當時客服更信誓旦旦表示：「親你的資金和佣金一 起返回給你的呢。」

大大話話都入咗成$20萬，Cat唔想連本金都無埋，於是照客服所講存入$88,888

當時客服更信誓旦旦表示：「親你的資金和佣金一 起返回給你的呢。」

一日損失28萬，受騙苦主眾多

點知入完錢，客服又指Cat個會籍太多錢，唔可以一次過拎晒，要再畀多$388,888，Cat有感上當被騙，決定報警。當日佢唔係第一個受騙嘅人，原來前面仲有5位苦主都報咗警。

點知入完錢，客服又指Cat個會籍太多錢，唔可以一次過拎晒，要再畀多$388,888

Cat有感上當被騙，決定報警。當日佢唔係第一個受騙嘅人，原來前面仲有5位苦主都報咗警。

Cat受騙成個過程只有3日，頭兩日佢都仲未有入過錢，僅僅一日佢就損失$28萬！佢嘅本金多數都係問朋友借錢，依家面對一身債務，Cat都覺得好無助。

Cat受騙成個過程只有3日

頭兩日Cat都仲未有入錢，僅僅一日佢就損失$28萬！

Cat嘅本金多數都係問朋友借錢，依家面對一身債務，Cat都覺得好無助。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話騙案東張西望網戀