鄧梓峰回應坐擁20億身家傳聞學識淵博有多重身份飛機師/筆跡分析專家

By jack on 09 Dec 2022

Digital Content Writer

現年62歲的鄧梓峰精通多國語言，憑著出色的口才獲封「金牌司儀」。出身顯赫世家的他一直被指是圈中富豪，坐擁20億家族資產，近日他出席活動回應富厚家底的傳聞，他自言從不胡亂揮霍，一套西裝會著20多年，不少網民都大讚他親民貼地，高大有型，是人生贏家！

Photo from 鄧梓峰 FB

回應身家傳聞：屋企人係有少少物業嘅

鄧梓峰出身於富裕家庭，父親鄧廷琮經營航運生意，大哥鄧小宇是著名作家及文化雜誌「號外」的創辦人，二哥鄧小宙同是作家並接手打理家族生意，作為孻仔的鄧梓峰則加入娛樂圈發展，由商台DJ變成金牌司儀。近日鄧梓峰出席公開活動回應有關身家的傳聞，他表示「屋企人係有少少物業嘅，但我冇認真計過有幾多」，又笑稱被傳有錢好過被指欠債。

Photo from 鄧梓峰 FB

家世顯赫但作風親民貼地

雖然鄧梓峰是一名富家公子，但他從未炫富，生活親民貼地，他自言不會胡亂揮霍，一套西裝會著20多年，又試過被傳媒拍到購買79元的保暖衣自用，他亦透露過自己一架愛車MX6駕駛了足足27年才更換。鄧梓峰與老婆結婚28年，育有4名子女，鄧梓峰希望子女明白節儉是美德，又表示想子女可以不用靠父幹，憑自己實力出人頭地。

Photo from 鄧梓峰 FB

多重身份學識淵博：高爾夫球、揸飛機及筆跡分析

鄧梓峰除了是金牌司儀，亦參演過不少劇集及電影，在戲中經常扮演警司、醫生、律師及機師等專業人士角色，入型入格。現實中他同樣博學多才，他入行前是皇家香港軍團（義勇軍）的中尉，曾經駐守邊境負責阻截非法入境者。

Photo from 鄧梓峰 FB

鄧梓峰精通中、英、法及德文，興趣亦相當廣泛，有接觸高爾夫球、低音結他、潛水、馬術、劍擊及詠春，他早年更考獲小型飛機駕駛執照，有1000小時飛行經驗，是香港航空青年團上尉兼機師。此外，鄧梓峰更考獲筆跡分析證書，他表示想透過筆跡來分析自己的子女，更試過在節目即場分析陳山聰的筆跡。

Photo from 鄧梓峰 FB

幽默大方樂意自嘲似巴斯光年

鄧梓峰一直被指撞樣迪士尼卡通人物「巴斯光年」，更試過被香港迪士尼邀請他跟巴斯兩兄弟合照，鄧梓峰曾表示有很多人因為巴斯光年而認識他，自言很享受這種情況，又笑指巴斯光年成功帶他打入荷里活市場。今年迪士尼與彼思動畫製作，以巴斯光年為主角的動畫電影《光年正傳》上映，電影公司更送了一盒巴斯光年玩具給鄧梓峰，他隨即在社交平台分享照片，笑言:「對住呢套玩具，心情有啲矛盾，冇理由玩返自己㗎！」最近擔任香港玩具業週年晚會司儀，亦有網民將他改圖成巴斯光年，鄧梓峰亦有把改圖分享，笑言：「我本來想問下在座有邊間公司生產巴斯，等我收返啲版權費，不過冇人認」，表現幽默大方，獲不少網民大讚。

Photo from 鄧梓峰 IG

Photo from 鄧梓峰 FB

62歲鄧梓峰上天下海樣樣精入行前係軍人+家世顯赫+超多興趣

11 Aug 2022

鄧梓峰最近踏入62歲，有豐富嘅司儀經驗，係電視台嘅金牌司儀，亦有參演唔少劇集，更加因為外貌酷似「反斗奇兵」入面嘅人物巴斯光年而引起網民討論。原來佢仲有超多興趣，入行前做過軍人，仲係飛機師、會計師、低音結他手、筆跡分析專家等，仲識4國語言，真係估佢唔到！

Photo from IG@patrick_dunn_official

入行前曾任軍人

鄧梓峰入行前係皇家香港軍團（義勇軍）軍人，曾經去過英國桑德赫斯特皇家軍事學院受訓，軍團係1995年解散時佢嘅軍銜係中尉，佢曾經係節目分享退役時特登搵鑄劍廠訂造咗刻有佢嘅名、軍銜同軍人號碼嘅劍。

Photo from IG@patrick_dunn_official

有小型飛機駕駛執照

對飛行有濃厚興趣嘅鄧梓峰係2000年考獲小型飛機駕駛執照，有超過1000小時飛行經驗，仲係香港飛行協會會員及香港航空青年團上尉！由於佢對航空飛行嘅熟悉，電視台兩輯《衝上雲霄》都係由佢擔任顧問，仲可以見到唔少佢駕駛小型飛機嘅鏡頭。

Photo from 《衝上雲霄》劇照

興趣廣泛樣樣精

鄧梓峰係美國波士頓大學會計系畢業，有專業會計師資格，而佢亦都係高爾夫球愛好者，初中時已經跟爸爸打高球，係香港高爾夫球會會員；又會同朋友夾band，所以仲係低音結他手，佢連詠春、馬術、劍擊都有涉獵過，更加考獲筆跡分析證書同有幾個潛水牌照。係語言方面就精通中、英、德三國語言，亦識基本法文，真係可謂文武雙全！

Photo from IG@patrick_dunn_official

Photo from Youtube 截圖

佢亦係一位玩具收藏家，因為對軍事同飛行都有興趣，所以早期會收藏軍事相關物品同各種制服。除此之外佢亦有收藏唔少50、60年代嘅低音結他，合共有成超過60支結他，仲有逾100件皮褸同逾100對皮鞋，而且同哥哥合資儲咗數千支葡萄酒。鄧梓峰仲有收藏外國漫畫嘅喜好，曾經開過一間外國漫畫精品店！

Photo from IG@patrick_dunn_official

Photo from 電視台截圖

家世顯赫作風低調

原來鄧梓峰爸爸鄧廷琮經營空運及海運業務，兄弟鄧小宇、鄧小宙都係作家，家族資產高達20億，不過佢就從來都無比人炫富嘅感覺，相當低調！去年因為疫情限制，令佢工作量大減，係社交平台向大家拜年時先曝光高樓底豪宅。不過其實佢相當慳家，唔止被傳媒影到帶雙胞胎兒子行商場，購買$79嘅保暖衣，更加一架車揸足27年先換！