內地伴娘晒禮服裙自拍震驚網民！超強身材令伴郎直言：壓力好大
結婚係人生重要時刻，因此一般都會搵好朋友做伴娘、伴郎或姊妹、兄弟嘅角色。日前內地一個伴娘嘅自拍掀起熱議！一般而言伴娘都會著上禮服裙，而呢位伴娘因為身材太勁而令伴郎直言好有壓力！
Photo from 微博
內地伴娘身材超勁掀熱議
成家立室無疑係人生大事，婚禮更係唔少女生一生中最重要嘅一環，所以多數都想至親好友共同見證呢一刻。除咗邀請賓客到場觀禮外，新娘好多時都會搵閨蜜做姊妹、或者伴娘。
日前浙江一個婚禮現場伴娘搶盡風頭，佢身穿露肩禮服影自拍更震撼一眾網民，原因就係呢位伴娘嘅身材實在太勁，著咗禮服裙之後更加明顯，成為婚禮上眾人嘅焦點。
Photo from 微博
一身肌肉好有安全感？！
不過新娘並無因此就嬲咗好朋友，因為伴娘佳佳之所以備受關注係因為佢一身強勁肌肉，淨係肩膊嘅肌肉都非常搶眼，自拍中可以見到佳佳嘅胸肌都十分突出。佢嘅背肌都好搶眼，一張婚禮背影照再成熱話。
Photo from 微博
Photo from 微博
佳佳係職業健美運動員
佳佳接受訪問時表示自己健身兩年半，目前係一名職業健美運動員。佢拍自己出席婚禮當日好多賓客都大為震驚，有朋友講笑稱：「你們請嘅伴娘怎麼比新郎、伴郎還要大（健碩）？！」
Photo from 微博
伴郎感壓力大
佳佳笑言伴郎亦感到好大壓力，佢亦有同新郎新娘、伴郎合照，睇落伴郎身型亦都好「大隻」。佳佳表示婚禮仲有唔少賓客主動同佢影合照，佢驚訝又害羞，對於外界正面欣賞佢嘅身型覺得好開心。
Photo from 微博
唔少網友都表示有呢種伴娘好有安全感，不過亦有人認為佳佳喺短短兩年半內操到咁嘅身型，加上受訪時佳佳聲線十分低沉，猜測佢應該有「借助外力」輔助健身，直言咁樣其實好唔健康，網民稱唔應該推崇。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
烏克蘭伴娘團8位美女包圍新郎，由新娘父母邀請！網友：新娘完敗
1 Dec 2022
Photo from 微博
唔少女生從小已夢想有一個盛大嘅婚禮，而婚禮作為「人生大日子」，好多人都會邀請好友出席婚禮，甚至擔任「姊妹」、「兄弟」、「伴娘」、「伴郎」，見證自己踏入人生新階段。
Photo from 《新娘大作戰》劇照
內地驚現烏克蘭美女伴娘團，新郎超僵硬
近日內地一個婚禮就引起網民注意，原因係伴娘姊妹團全部都係外國美女，統一著上紅色長裙，加上毛毛披肩。伴娘們都擁有高䠷身型，裙擺開衩晒出長腿，幾位烏克蘭伴娘膚白鼻高大眼睛，美貌十分搶眼。
Photo from 微博
係網上曝光嘅影片中，烏克蘭伴娘更同新郎同場，只見新郎「正襟危坐」雙手撐喺膝上，坐喺梳化中間，兩邊分別坐咗幾位烏克蘭伴娘，新郎目不斜視，未有多望伴娘。雖然坐姿略顯僵硬，但相信新娘亦十分滿意新郎嘅表現。
Photo from 微博
Photo from 微博
烏克蘭伴娘團由新娘父母安排
新娘朋友表示伴娘團其實係由女方父母安排，因為新娘屋企從事外貿生意，所以邀請咗一班烏克蘭美女擔任伴娘：「想有一個不一樣的儀式感」，舉辦一場與眾不同的婚禮。
Photo from 微博
新娘與烏克蘭伴娘團合照被指完敗
成個迎親儀式，伴娘團亦有伴隨新娘左右，十分「稱職」，喺內地村落中見到一群烏克蘭女生，可謂奇景。之後新娘亦有同一眾伴娘影大合照，引起網民熱議。
Photo from 微博
Photo from 微博
有網友認為新娘父母係「好心做壞事」，搵烏克蘭美女做伴娘完全搶晒個女風頭：「家人有考慮過新娘的感受嗎？結個婚還不如個伴娘」、「伴娘就不應該比新娘漂亮」，更有人直言新娘伴女大合照，新娘完全被比下去。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
