去旅行住宿應該住平定貴？ 網民話反正都係訓一陣，唔應該咁晒錢

隨著防疫措施愈來愈放寛，相信有唔少人已經急不及待買咗機票準備衝出香港，之但係每次去到揀酒店呢到就真係頭都大晒，唔知應該揀邊間，若果你係準備一個人旅行，又會好糾結應該住Hostel定係酒店好。近日連登討論區就有網民發帖指出「其實酒店住咁靚咁貴，會唔會有時覺得哂左？留喺酒店既時間又唔長，通常出街周圍去多」。

Photo from Photo from Shutterstock

最大問題係安全問題？

香港人壓力大又容易緊張，難得出國旅行當然會想有五星級享受，樓主一出帖文，立即引來一眾網民留言比較，有網民一嚟就嘲笑樓主「會咁諗係因為你窮」又有人話「難聽d講，咩階層咪會訓翻咩地方」直言學生時代先會住Hostel，到工作十幾二十年之後都好難會再住Hostel，主要係安全問題多過要享受咁話，亦有網民留言話「去得旅行就係為享受，理解唔到窮遊」仲有網民話其實最主要係想有私人空間，試過住Hostel有室友半夜先落機返嚟執嘢影響睡眠質素，又指咁多人一間房難免會有其他聲音，真係頂唔順咁話。

Photo from Photo from LIHKG

Photo from Photo from LIHKG

Photo from Photo from LIHKG

Photo from Photo from LIHKG

Photo from Photo from LIHKG

Photo from Photo from Shutterstock

Photo from Photo from Shutterstock

即睇更多人氣文章：
內地女賣手工饅頭，遭親戚睇唔起！三年後闖出名堂有車又有樓！
傳奇拉麵一蘭人龍不再？三個原因導致當地人都嫌棄

Hostel可以擴闊交友圈子

有網民就認為其實而家嘅Hostel安全程度都好可靠，最緊要識得挑選，至少張床要有充電位有簾有儲物櫃，至於嘈同臭都係靠口罩同耳塞可以解決嘅問題，最緊要鎖好自己嘅財物，更有人認為係安全感嘅問題，空間大小小都會訓唔著，亦有人試過好多次住Hostel識到好多唔同國籍嘅朋友，一齊自駕遊同買餸煮飯等等，認為住Hostel就係因為Open area係佢最有趣嘅地方，單純用錢嘅角度去睇旅遊方式呢件事相當表面。

Photo from Photo from LIHKG

Photo from Photo from LIHKG

Photo from Photo from LIHKG

Photo from Photo from LIHKG

Photo from Photo from Shutterstock

Photo from Photo from Shutterstock

旅行模式因人而異

其實每個人都有自己嘅旅行模式，只要揀到適合又最覺得舒適嘅就可以，而且最重要係根據每次去旅行嘅目的、旅伴等等因素都會有所改變，又何必執著於住宿嘅地方係平定貴，亦唔需要去配合他人怕受人白眼，每個人嘅旅行經歷都係獨一無二的，自己認為負擔得起又值得就可以了。

Photo from Photo from Shutterstock

Photo from Photo from Shutterstock

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

旅行前必睇！10條必須知道的奇怪國家規矩！不能於公眾場合接吻/禁止食榴槤

Oct 27, 2022

正所謂「入鄉隨俗」去得外地旅遊都必須要遵守返當地嘅規則，但部份國家嘅規則就比較獨特，只係簡單嘅一個行為可能就已經「犯規」？！即睇10個奇葩國家規矩啦！

Photo from 《暗夜行者》劇照

1. 法國：禁止在火車站接吻

自1910年起，法國國家鐵路公司列出「禁止於火車站接吻」嘅規矩！據悉係因為厭倦熱情嘅市民經常掛著吻別，而導致火車月台擁擠及列車延誤，所以先決定立下呢個規則。

Photo from 《她的私生活》劇照

2.阿拉伯聯合酋長國 ：不可在公眾場合接吻

恩愛嘅情侶們注意！阿拉伯聯合酋長國（即包括：杜拜、阿布達比等）禁止大家喺公眾場合接吻；若果不小心同伴侶接吻將有機會要被押至少10日，情況嚴重嘅話仲有可能需要支付罰款。

Photo from 《第三種美麗》劇照

3. 加拿大：不可以爬樹

加拿大60%佔地都被植物所覆蓋，所以樹木被視為重要及珍貴嘅天然資源。值得一提嘅係呢2個省份奧沙華（Oshawa）、安大略（Ontario）禁止爬樹！千祈唔好為咗打卡而破壞到大自然生態啊～

Photo from 《盲探》

4. 意大利：沙灘禁止堆沙

相信好多小朋友去沙灘玩嘅時候都一定會堆沙玩～不過喺意大利嘅埃拉克萊亞（Eraclea）就禁止大家喺沙灘堆沙；而當地旅遊勝地撒丁島（Sardinia）亦禁止遊客「順手牽羊」，包括攞走沙灘嘅貝殼留念，而且喺小島沙灘打排球都係唔允許嘅！

Photo from 《舉重妖精金福珠》

5. 意大利：禁止胡亂餵飼鴿子

意大利威尼斯嘅知名地標聖馬可廣場經常都有唔少鴿子出現，但卻因此令周遭地方變得污糟。基於衛生考量問題，意大利從2018年開始列明「禁止餵鴿子」嘅規矩。若果違規將可能要支付高達600美元（約港幣$4,700）嘅罰款。

Photo from 《盜命師》

即睇更多人氣文章：

商場驚現富豪「出巡」周圍逛名店購物卻惹怒售貨員？！被踢爆「紙袋裡面咩都冇！」真實身份疑似曝光

大肚前度去婚禮索取55萬分手費 新郎解釋不果被指責 新娘霸氣出手平息事件

6. 新加坡：禁止食香口膠

喺1992年開始，新加坡開始立法實施「香口膠禁令」，據悉係因為發現街道上有太多香口膠嘅痕跡而訂立嘅規則。直到2004年，新加坡先開始允許食用療法用途及治療牙科疾病嘅香口膠出售，不過想購買就必須要符合標準先得喇～

Photo from 《Hi! School Love on》

7. 泰國：禁止用腳踏貨幣

相信去旅行嘅大家都成日見到泰王嘅圖片，可見泰王喺當地人心目中地位崇高！由於泰國貨幣上印有泰王嘅肖像，所以如果唔小心用雙腳踩到紙幣，有機會被視為對泰王不尊敬，可能面臨被捕嘅危機。

Photo from 《新しい王様》

8. 印度：持牌才能放風箏

自1934年起《印度飛機法》將風箏及氣球都列入為飛機嘅類別之中，大家必須擁有飛機許可證先能夠放風箏㗎～

Photo from 《黑風箏》

9. 希臘（特定地方）：禁止穿著高跟鞋

眾所周知，希臘係一個蘊藏住大量歷史文化遺跡嘅地方。為咗將歷史遺跡所遭受嘅破壞減到最低，當地政府設立「禁止所有遊客著高跟鞋參觀歷史文化遺跡」嘅規則！若果去希臘就緊記帶多對波鞋喇～

Photo from 《來自星星的你》

10. 東南亞國家：禁止在公眾地方食榴槤

講到東南亞水果，難免會令人第一時間諗起榴槤！不過大家都似乎對榴槤嘅氣味又愛又恨，因此大部分東南亞國家嘅公眾場合都禁止進食或者攜帶已經切開嘅榴槤。

Photo from TVB

相關文章：日本旅遊｜12大禁忌必睇！入鄉隨俗免出事，紋身不可浸溫泉？

相關文章：盤點7個關於飛機的冷知識！座位上方三角形標誌有隱藏含義/高空下會影響味蕾？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）