英國10歲男童勇敢跳湖救人不幸身亡，祖父拼命趕現場救愛孫，家屬感崩潰！

By Wing Ws on 14 Dec 2022

Digital Content Writer

英國在寒流吹襲下，氣溫降到最低零下15度。當地西米德蘭茲郡(West Midlands)的城市索利赫爾(Solihull)上周日發生意外，有4名男童墜入冰湖，造成3死1人情況危殆。據報，其中一名10歲男童看見另外3名孩童遇險，為救人而不幸命喪。

Photo from Daily Mail

勇敢拯救陌生孩子

據報，當時有3名男童在表面結冰的湖面上玩耍，其中一名男童墜進湖中，腳被冰困住，其同伴走近嘗試幫助他脫險，但都不慎掉進湖中。當中，10歲男童Jack Johnson的姨姨Charlotte McIlmurray在事故後於社交媒體發文表示，Jack不認識他們，但見到男童墜冰後，即跑過去救他。

Photo from Daily Mail

男童祖父拼命趕至現場救愛孫

據目擊者所指，現場充斥著尖叫聲，救援人員亦迅速趕至現場盡力營救，當中一名警員嘗試用雙手衝破冰層，但其後出現低溫症狀需送院。Jack的祖父得知愛孫墜湖後，即奪門而出，跳進冰湖嘗試救人。據悉，事發時湖水溫度低至1度，當時4名男童已出現心跳停止，最終，Jack和另外兩名8歲、11歲的男童返魂乏術，搶救不治，另一名6歲男童情況危殆。

Photo from Manchester Evening News

家屬感崩潰

這則連BBC新聞報道者亦難掩悲傷的新聞，在當地亦造成迴響。Jack的姨姨Charlotte表示，Jack的家屬都徹底崩潰，她形容這是一場家屬「難以克服的噩夢」，是「無法想像的傷痛」，更不能想像Jack媽媽會有多悲痛。

Photo from The Mirror

當地晚上約有250名居民參與悼念儀式，公園的樹下放滿了花束、氣球、玩具，市民點亮燭光，哀悼3名離世男童，有警員及消防員到現場獻花。

Photo from Manchester Evening News

Photo from Daily Mail

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

英國男收留烏克蘭美女後私奔，相處4個月提分手！最新近況公開大快人心

28 Sep 2022

英國男子Tony收留烏克蘭難民Sofiia後生出情愫，拋棄8年感情嘅妻女與第三者私奔，不過兩人相處未夠5個月就分手收場！Tony前女友Lorna得知消息後亦表示「完全唔意外」，唔少網友都表示「大快人心」～

Photo from 《The Sun》

英國男Tony收留烏克蘭難民Sofiia

俄羅斯烏克蘭衝突持續，好多烏克蘭民眾都離開生活多年嘅故土，前往歐洲其他國家定居。喺今年5月外媒報道有一名英國男子Tony於社交網站向難民提供幫助，認識咗來自烏克蘭基輔嘅女子Sofiia，並安排佢喺自己屋企住。

Photo from 《The Sun》

Tony本身有伴侶Lorna，佢哋更育有兩個女兒，一開始Lorna唔同意收留難民喺屋企住，但Tony堅持咁做，最終Sofiia獲得簽證，入住Tony同Lorna嘅家，估唔到呢個決定竟改變整個家庭。

Photo from 《The Sun》

Tony與Sofiia相識10日決定拋棄妻女私奔

喺10日之後Tony決定同Sofiia離開與女友Lorna、女兒同住嘅家，兩人搬到出去同居。為相識10日嘅女子拋棄相戀8年嘅女朋友同一對年幼女兒，事件引起全球網民關注，男主角Tony同「第三者」Sofiia坦承互相一見鍾情，佢哋私奔後Tony更打算幫Sofiia申請永久簽證。

Photo from Sofiia IG

Tony、Sofiia私奔4個月近況公開

唔少人都對呢一對戀人嘅行為感到不屑，認為佢哋十分自私。不過事隔幾個月Tony同Sofiia嘅近況又再次掀起網民熱議！根據英國《每日郵報（Daily Mail）》報道，Tony同Sofiia交往4個幾月後，近日兩人終於分手！

Photo from 《Daily Mail》

Tony接受《每日郵報》採訪，透露同Sofiia喺呢4個多月相處間發生嘅問題。Tony表示呢幾個月已經受夠Sofiia嘅不理性行為。Tony指佢曾經想拉近女兒同Sofiia嘅關係，並為呢段關係作出好多努力，但Sofiia經常情緒失控。

Photo from 《Daily Mail》

分手全因Sofiia情緒不穩？！

Tony表示日前佢哋喺屋企慶祝佢30歲生日，Sofiia竟然再次失控，用刀破壞牆壁，令Tony不得不報警求助，佢更直言擔心自己安全，並向Sofiia提出分手。對方事後不停聯絡佢想挽回呢段感情，不過Tony似乎十分決絕，並指佢哋已經「100%玩完」，有指Tony將Sofiia趕出家中，斥佢只顧飲酒。

Photo from 《Daily Mail》

Tony稱佢畀過好多次機會Sofiia，雖然兩人唔再係戀人嘅關係，但佢會聯繫當地議會同內政部，希望可以搵到一個地方畀Sofiia重新安置，又試過聯系Sofiia嘅媽媽，等佢情緒可以穩定落嚟。

Photo from 《The Sun》

Tony拋妻棄女後破產、打官司

兩人嘅愛情最終分手收場，不過喺當初亦曾經轟轟烈烈，唔止雙雙私奔，更暢談未來，打算生兒育女組織家庭。Tony當時指想向Sofiia求婚，而Sofiia就表示想做媽媽孕育Tony嘅孩子。兩人都曾經幸福過，但分手後就要面臨現實，Tony拋棄伴侶Lorna，兩人更因此鬧上法庭，離婚官司仍在審理中，加上因為「拋妻棄女與第三者私奔」，令Tony備受網民批評，現時更已破產。