男親女愛｜楊茜堯22年前新人look掀熱議！憑個人努力，13年由茄喱啡做到視后！

By Wing Ws on 15 Dec 2022

Digital Content Writer

TVB近日在深宵時段重播的2000年經典劇集《男親女愛》，當中年輕時的Do姐和黃子華曾引起討論，而在日前播出的一集中，有網民發現有初入行還是新人的楊茜堯（前名：楊怡），她當時青澀的樣貌令網民一時間未能認出。雖然當時的楊茜堯只是跑龍套角色，僅有1分鐘的演出，但能夠與子華神有對手戲，還是非常搶眼！

Photo from TVB

劇情提到，余天樂（黃子華飾）到心靈中心接受治療，而楊茜堯飾演中心的接待員，當時的楊茜堯只有21歲，但樣貌造型都很青澀，令網民一時認唔出：「尋晚已經懷疑係佢，把聲勁似，個樣就完全認唔到了～」、「當年仲係叫楊怡，清純好靚女。」而事實上，楊茜堯在初出道時是由「茄喱啡」做起，終於在入行13年，奪得「視后」。

Photo from TVB

公屋長大

楊茜堯自幼在沙田沙角邨長大，姐姐楊卓娜亦是無線藝員，自小喪父的她，由母親一手湊大。楊茜堯接受媒體訪問時表示，為減輕媽媽負擔，會幫忙一起派傳單、倒垃圾，非常孝順。

Photo from 楊茜堯 IG

入行全憑個人努力上位成視后

1998年中五畢業後，楊茜堯便加入TVB藝員訓練班，同期有楊明、林峯、張美妮等，當時有不少圈中人大讚楊茜堯非常勤力。在1999年至2001年期間，楊茜堯在多部電視劇中出演跑龍套角色，至2001年，她因樣貌似當時一線花旦張可頤，獲安排於劇集《婚前婚後》中飾演其妹妹孫慶欣，始得觀眾認識。

Photo from 楊茜堯 IG

2002年在《再生緣》擔任女配角的楊茜堯，首次在同年的萬千星輝賀台慶中獲提名「我最喜愛的飛躍進步女藝員」，並於2003年憑《智勇新警界》一角獲得上述獎項，值得一提的是，這一年，楊茜堯更獲得另外9個獎項的提名，可說是演藝生涯中的大躍進！

Photo from 楊茜堯 IG

說到楊茜堯一些為人熟知的角色，就必需要提起她演的反派奸角，如《宮心計》的姚金鈴、《名門望族》的康子君，她的黑化演技大受好評，此外，《溏心風暴》、《On Call 36小時》等家傳戶曉的劇集也是她的代表作。不僅如此，過去楊茜堯更是頒獎禮中的大熱人選，2008年憑《溏心風暴之家好月圓》中的孫皓月，奪得萬千星輝頒獎典禮的「最佳女配角」；2009年憑藉古裝劇《宮心計》的角色獲得「我最喜愛的電視女角色」，與此同時亦獲得由無綫頒出的「最佳表現大獎」。最終在2012年憑《名媛望族》四姨太一角奪得「最佳女主角」，正式封視后。更曾被無線譽為「四大花旦」及「五小花」，看得出其演技備受認可！

Photo from TVB

婚後再演反派獲肯定

自2016年與羅子溢（前名：羅仲謙）結婚生子，楊茜堯便開始淡出幕前。至今年年初，兩人一同出演劇集《家族榮耀》，楊茜堯「復出」再次飾演反派引起話題，「甄芯」一角的刻劃再獲觀眾、媒體肯定。

Photo from 楊茜堯 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

傳大台邀請佘詩曼/楊茜堯回巢拍現代版宮廷劇！二人2009年合作拍《宮心計》創收視佳績

1 Nov 2022

今年已經唔少大台藝人離巢，當中大多數都係女藝人，而近日Do姐（鄭裕玲）、唐詩詠等人都決定往外闖。有傳大台為咗挽救局面，不惜重金邀請佘詩曼、楊茜堯（前名楊怡）一齊拍攝新劇，希望幫手挽回劇集收視率？！

Photo from TVB

大台藝人離巢熱潮

大台藝人今年似乎掀起一陣「離巢熱潮」，截止9月為止已經有至少15名藝人約滿後離開電視台。喺10月，為大台效力40年嘅鄭裕玲（Do姐）亦決定離巢，表示若果將來有合適嘅節目唔排除會再合作；而近年備受力捧嘅唐詩詠都決定離巢，據悉當時高層曾落力挽留，可惜對方去意已決。儘管如此，近日唐詩詠都有份出席劇集《超能使者》嘅宣傳活動，相信佢同大台係「和平分手」。

Photo from 鄭裕玲IG

Photo from 唐詩詠IG

將會重金邀請佘詩曼、楊茜堯回巢？

有傳大台為咗挽救現時「女藝人不足夠」嘅問題，決定重金邀請過往嘅2大花旦佘詩曼及楊茜堯（前名楊怡）回巢拍戲，打算走雙女主角路線，等兩位好戲之人再度喺劇集中大晒演技～

Photo from 楊茜堯IG

Photo from 佘詩曼微博

二人再度合作拍劇？

據悉，呢套劇集名為《新聞女郎/新聞女王》，並由鍾澍佳監製，劇本係參考美劇《晨早直播室（The Morning Show）》。鍾澍佳監製曾接受媒體訪問承認寫緊劇本，不過暫時就尚未決定演員名單。睇嚟真係有機會見到2位再次同台鬥演技喇～

Photo from 《The Morning Show》

即睇更多人氣文章：

港媽帶4歲女兒遊日本被迫滯留？大呻因航空公司大意導致未能返港，卻反遭網民批評？

男友獨自旅行原來係去整容？質問下解釋背後原因港女知真相後超震驚

2009年《宮心計》合作收視超高！

佘詩曼同楊茜堯對上一次合作已經係2009年《宮心計》，平均收視為34點，大結局嘅收視更達到50點，被網民稱為「大台神劇」之一！當年劇集仲成功令佘詩曼及楊茜堯一齊獲提名做「最佳女主角」，可惜二人最終都係輸咗比《巾幗梟雄》嘅鄧萃雯；而楊茜堯則獲得「我最喜愛電視女角色」。

Photo from TVB

佘詩曼離巢後北上發展吸金力強！

不過隨住二人發展方向唔同，現時佢哋甚少有機會合作拍劇。離巢6年嘅佘詩曼近年北上發展，喺2018年憑內地古裝劇《延禧攻略》「嫻妃」一角，於內地嘅知名度大幅上升，工作機會增加，吸金力極強！據悉，佢喺香港坐擁4個物業，身家亦過億，絕對係圈中嘅小富婆～

Photo from 《延禧攻略》

Photo from 佘詩曼微博

楊茜堯婚後專心相夫教子

另一方面，楊茜堯喺2015年時曾傳出因為唔肯續約，而導致被大台雪藏；直到2016年佢正式離巢，主力發展舞台劇事業及北上工作。之後佢亦曾以部頭合約短暫回巢拍攝，喺2020年佢誕下囡囡「小珍珠」，再於2020年誕下兒子Eden，現時將重心集中喺照顧家庭。而佢最近出現嘅劇集為《家族榮耀》，喺今年初播出，而佢丈夫羅子溢都有份出演。