Do姐出演193新歌MV女主角高調力撐「志偉死敵」網民猜測:佢好憎153

By jack on 15 Dec 2022

Digital Content Writer

ERROR成員郭嘉駿（193）昨日（14日）推出第三首個人單曲《越州公路 193》，同步釋出歌曲MV，當中請到息影多年的Do姐出演女主角，亦是Do姐處女下海拍攝MV，不少粉絲表示驚喜，大讚Do姐高貴美麗，與後生打成一片，思想貼地無架子。

Photo from Do姐 IG

Do姐入行以來首度拍MV

Do姐今年10月宣布約滿離開TVB，結束44年賓主關係，回復自由身的Do姐早前更新動向，表示會到HOY TV拍攝旅遊節目，近日Do姐再於IG發文，透露會破天荒為193新歌出任MV女主角，同時為對方宣傳，Do笑稱絕對有理由懷疑193暗戀她，所以她為免麻煩，一口答應對方客串MV。Do姐坦言第一次拍MV感覺不錯，更引用193口頭禪宣傳造勢：「客串 @deniskwok193 ，係咪大家都估唔到！知我咩料啦！」

Photo from Do姐 IG

Do皇室貴族造型獲網民大讚

193新歌《越州公路 193》的製作班底陣容鼎盛，除了有Do姐客串MV，更找來張繼聰作曲，謝安琪監製，又邀得黃偉文填詞。據悉新歌講述一個人移民外地，聽廣東歌堅持追夢的故事，此曲亦是193特別送給fans，答謝他們一路以來的支持。MV中193扮演的士司機，而Do姐則是貴族乘客，Do姐身穿全黑高領連身裙，戴上頭紗髮飾及一條閃石頸鏈，化上淡然高貴的妝容，散發出濃濃的英倫貴婦氣息。據稱這個造型是193找專人為Do姐設計的，不少網民大讚Do姐好靚，完美carry這個造型「個look好靚喎好elegant」、「do姐身型夠fit carry到套衫好好睇」

Photo from ERROR YouTube

網民猜測：Do姐好憎 153

Do姐早前高調宣布離開TVB，離巢後很快又與對家ViuTV藝人193合作，而193亦試過接受訪問時反擊曾志偉言論，雙方關係不太好，現時Do姐免費為193拍MV，有網民隨即猜測，Do姐不滿曾志偉的作風，完全不把對方看在眼內，網民表示：「唔幫153打工走去幫193免費拍mv」、「Do 姐真係好憎 153」

Photo from Do姐 IG

Photo from 連登討論區

力撐193現身對方品牌活動

Do姐對193寵愛有加，早前193自家潮流品牌lilaboc.co於尖沙咀舉行首個大型展覽，Do姐亦有抽空現身活動，力撐193。事後Do姐在IG分享多張與193在活動上的合照，更發文為對方宣傳展覽活動，她表示早前收到193來電，邀請她出席活動，Do姐坦言：「見佢咁比心機，一於嚟支持下。嚟到現場見到咁靚嘅場景，就真係知佢個品牌咩料，真係替佢高興，繼續加油！」193亦有在IG發文透露，最初構思展覽時，已經有打算邀請Do姐做嘉賓，開幕前致電Do姐提出邀約，對方一口答應，193表示非常感動。

Photo from Do姐 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

迷妹Do姐睇MIRROR演唱會坐頭排　唔止熟悉韓星香港男團一樣掂！網民：追星勝利組

11 May , 2021

近日人氣男團 MIRROR 自上星期四喺九展 Star Hall 舉行緊佢哋一連 6 場嘅演唱會，而佢哋嘅人氣亦引起咗唔少人嘅關注，更有部分網民問佢哋係邊個。而喺娛圈中地位舉足輕重嘅「Do姐」鄭裕玲都有去捧場，更坐頭排睇 Show 添呀！

Photo from Do姐 IG

唔少人都個「Do姐」鄭裕玲係一個 Kpop 迷妹嚟，2019 年時佢就曾經為咗睇 BTS 位於英國嘅演唱會專程飛到當地，狂追多個男神 Oppa 兼瘋狂集郵，而佢不時亦會喺電台節目《口水多過浪花》中分享追緊嘅韓劇同近期迷上嘅男神，非常緊貼潮流。

Photo from Do姐 IG

佢更會喺言語間透露出對咁多位靚仔嘅愛慕，少女心爆發非常可愛。其實睇過佢喺 IG 上傳同 oppa 嘅合照，更會好似小迷妹咁又擁抱又挽手，真係令人非常羨慕呀！

Photo from Do姐 IG

BTS：

DO 姐不時都會喺 IG 大晒 BTS 嘅專輯及周邊商品，亦曾喺電台表示最愛嘅成員係 V（金泰亨）！

Photo from Do姐 IG

孔劉：

韓國男神孔劉由韓劇《咖啡王子一號店》開始已經迷倒唔少女生。後來喺演出韓劇《鬼怪》時更係人氣爆燈，連 Do 姐都好幾喺節目中狂讚對方，仲自稱自己佢嘅女朋友嚟！

Photo from Do姐 IG

朴敘俊：

Do姐喺 2017 年拍攝《Do姐去Shopping》時就曾經喺首爾訪問朴教俊，佢更上傳二人合照，相中見得到愛的擁抱嘅 DO 姐十足少女咁呀。

Photo from Do姐 IG

車銀優：

韓國男團 ASTRO 成員車銀優憑住超精緻嘅五官迷倒唔少女生。連超留意 KPOP 嘅 DO 姐亦唔例外！

Photo from Do姐 IG

不過唔好以為 Do 姐只會追 oppa 就唔熟悉香港嘅男團，早前佢就去咗睇一票難求嘅 MIRROR 演唱會，仲係頭排位置睇 show。

Photo from Do姐 IG

而 Do 姐更最疼愛成員姜濤，早前更同對方拍檔搵銀時大讚姜B乖仔添！唔知嚟緊 Do 姐會唔會再喺電台節目中訪問 MORROR 呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB藝人衛志豪稱唔識MIRROR！網友彈節目老土到阿婆都唔睇發千字文嬲爆反擊

10 May 2021

TVB藝人衛志豪為《開心大綜藝》拍攝，佢喺IG Story分享錄影片段，有網友inbox佢指節目老土，令佢大動肝火，憤而發千字文反擊！

Photo from 衛志豪Facebook

喺星期日播出嘅《開心大綜藝》有TVB唔同藝人出演，其中喺《愛回家之開心速遞》飾演「馬漢」嘅衛志豪亦有參與，佢仲喺IG Story問大家：「有冇睇呀」。

Photo from 衛志豪Facebook

Photo from 衛志豪IG

不過有網友就inbox佢話「好娘」，又send MIRROR成員Anson Kong同姜濤嘅相畀佢：「年青人」，衛志豪表示：「唔識佢」，又指：「關我咩事」

Photo from 衛志豪Facebook

之後該網友就話：「你們節目太老土阿婆都唔睇」，令衛志豪大為憤怒，發火指：「你呢個message係咪應該send畀魯輝（ViuTV總經理—魯庭暉）」，又表示：「我做娛樂圈都一段日子，知道咩叫尊重別人」

Photo from 衛志豪Facebook

網友say sorry後衛志豪仍未「下火」：「send錯？Sorry我個人好認真」，佢將兩人對話公開，仲發千字文表示自己瞓唔著！

Photo from 衛志豪Facebook

「我想問吓識得我嘅朋友,有冇人可以答到我，呢個人究竟正職係做乜，友台工作人員，演唱會宣傳人員，藝人經理人，定保母？？？」，佢指自己忍唔住想畀大眾評下理：「我今日母親節冇同阿媽慶祝，尊誠為伙計辦大事上開心大綜藝做嘉賓，同香港嘅觀眾一齊慶祝母親節，我覺得係榮幸同埋責任黎嘅，我地嗰部分短短幾分鐘嘅嘢，都排咗兩日，更何況一班表演嘅小朋友同埋四位上台又唱又跳嘅媽咪，我都唔知佢哋排咗幾耐！重未計台前幕後同埋幾位司儀！仲有就係，原本我冇親眼見到我都唔信，一位冇份演出嘅高層，我兩日綵排都見到佢一早企左喺度，喺現場，睇採排俾意見，最後走嗰隻，佢之前睇咗幾多晚我就唔知啦！」