幸谷駅｜大角咀$22起爆餡鯛魚燒 16款口味！流心麻糬＋鹹牛芝士

Reporter/ Anchor

大角咀新開間日式小食店「幸谷駅」，主打各款日本傳統口味的鯛魚燒，供應鹹甜款式，以甜食居多，必食推介有黑糖流心麻糬、抹茶十勝紅豆及港式鹹牛肉芝士味；每份均是即叫即製，拿到上手熱辣辣，冬天食一件包保暖笠笠！

幸谷駅

幸谷駅由一位鯛魚燒狂迷主理，店主從小到大超喜愛吃鯛魚燒，可惜疫情期間無法「返鄉」食到日本正宗鯛魚燒，因此由零廚藝開始特意請教有廚藝經驗的導師，專研炮製正宗鯛魚燒。幸谷駅舖位細細，由入貨、製作食物、收銀等都由店主一人打理，要食到鯛魚燒記得要有耐性！

Photo from PressLogic

幸谷駅的鯛魚燒分為日式傳統口味及港人近年大愛的酥皮款，前者採用特別配方，務求做到脆香口感，麵糊採用日本直送原材料並自家調製配方比例，其中以北海道3.6牛乳取代清水混和麵糊，令蛋香及奶香更突出！

Photo from PressLogic

另一款酥皮鯛魚燒則用上澳洲千層酥皮，酥皮貨源品牌於澳洲當地已有百年歷史，勝在出品質素及穩定性較高，而且烘烤後即使冷卻亦能保持到脆卜卜口感，食落不會過油或過乾。

Photo from PressLogic

講到最經典的鯛魚燒口味不少得番薯、抹茶及紅豆味，番薯由鹿兒島出產，食落夠綿密之餘，甜得來更帶有蜜糖香；抹茶味以丸久小山園茶道級抹茶粉炮製而成，味道帶微甘；紅豆味則用上北海道十勝產紅豆，食到粒粒紅豆之餘加配麻糬更可以增加口感層次！

Photo from PressLogic

想食等「邪惡」，記者推介黑糖麻糬鯛魚燒，這款麻糬同樣由店主自家炮製，質感呈流心狀，口感滑嘟嘟！

Photo from PressLogic

除了即叫即製的鯛魚燒，由日本九洲直送到港的「菊家」布甸銅鑼燒同樣搶手，產於日本大分縣享負盛名的和菓子老舖，其招牌布丁銅鑼燒更曾賣過2千萬個！布丁夾心的香甜軟滑，食到濃郁的蛋香及焦糖吉士味。不過銅鑼燒只會不定時提供，想食到記得提早向店家預訂！

Photo from 幸谷駅 Cloud9 Station

幸谷駅
地址：大角咀角祥街20號地下D3號舖
電話：93227311
營業時間：星期一至二 12:30 - 19:00；星期三全日休息；星期四 12:30 - 19:00；星期五至日 13:00 - 20:30

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel