Coffee林芊妤再因瑜伽褲惹議？北海道雪景打卡令網民擔心：真的沒有其他褲？

By Wing Ws on 24 Dec 2022

Digital Content Writer

瑜伽界KOL Coffee林芊妤近日同屋企人去日本旅行，並喺社交平台上post打卡相，但其中一張喺北海道影嘅相就引起網民討論，並且係同瑜伽褲有關......

Photo from Instagram @coffee89921

再因瑜伽褲惹議

Coffee林芊妤因早前因瑜伽褲惹網民批評，敢言嘅Coffee因此發起連續30日着瑜伽褲出街嘅挑戰，獲一眾fans力撐。近日，Coffee喺Instagram出post，貼圖指同屋企人去日本旅行，唔止去咗大阪環球影城玩，仲去咗落雪嘅北海道！不過日前Coffee貼出一張雪景嘅相就令網民忍唔住擔心，帖文中，Coffee身穿毛毛外套、瑜伽褲、雪靴於北海道打卡，並留言指：「白色假期，雖然嚟到落雪嘅地方係好有感覺，同一時間又覺得好凍，但最開心嘅一定係佢！」

Photo from Instagram @coffee89921

網民擔心會凍親

冬天可以睇雪令唔少網民都好羨慕！但係大家嘅關注點都落喺Coffee嘅衣着上，雖然上身嘅毛毛外套睇落暖笠笠，但唔少網民就擔心Coffee去落雪嘅地方着瑜伽褲唔夠暖，會凍親，Coffee回覆網民表示：「我着咗兩條瑜伽褲，不過其實我覺得幾度同-（負）幾度都係冇乜分別，都係凍」，有唔少網民都對Coffee着咗兩條緊身褲感到意外，大讚Coffee「fit嘅人係唔同啲」、「原來着咗兩條，都仲係咁幼隻腳，羨慕死人」。有網民詢問：「邊條legging嚟㗎，唔會凍咩？我都想四季都着到靚靚legging呀！」Coffee回覆：「呢條係empower leggings，本身厚身少少，再加埋入面有條good vibes leggings」。除咗緊身褲，有唔少網民對Coffee嘅衣着感興趣，紛紛留言問牌子。

Photo from Instagram @coffee89921

雖然Coffee已經喺留言區作出解釋，但仍有網民覺得唔夠暖：「條褲太薄，兩條都唔會夠，要着燈芯絨，冷親手尾長」，另有網民問：「真的沒有其他褲？」、「係唔係除咗瑜伽褲已經無其他褲，咁凍着返保暖嘅褲好喎」。

Photo from Instagram @coffee89921

Coffee數日前post嘅旅行相其實都係瑜伽褲，而呢條係黑色。

Photo from Instagram @coffee89921

而喺今次旅行入面，Coffee都有着其他褲，不過北海道落雪又天寒地凍，相信唔少fans都係擔心Coffee身體！

Photo from Instagram @coffee89921

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Coffee林芊妤著瑜珈褲拜祭先人惹爭議撰長文反擊網民批評帶頭挑戰日日著瑜珈褲出街

6 Oct 2022

近年瑜珈褲成了女性的潮流穿搭，但這種衣著打扮一直備受爭議，有人認為瑜珈褲方便舒適，同時可凸顯女性線條，不過亦有人指瑜珈褲過於貼身，看起來不雅及令人尷尬。近日林芊妤（Coffee）穿瑜珈褲上山拜祭先人，惹來網民批評，Coffee不滿反擊，更發起一個行動，希望為所有愛穿瑜珈褲的女生平反。

Photo from Coffee IG

穿瑜珈褲祭祖掀網民罵戰

前日（4日）是重陽節，Coffee與家人上山掃墓，當日Coffee以一身運動裝示人，頭戴cap帽，身穿白色短身tee及藍色瑜珈褲，不過這一身打扮竟惹來網民批評「佢個個性就係咁，喜歡人睇，驚死人唔認得佢呀嘛」、「拜山都要穿瑜伽褲去，你的先人肯定流鼻血」

Photo from Coffee IG

不過亦有網民力撐Coffee無問題「點解要控制埋人地著衫既權利，人地覺得舒服咪好」更有人大讚Coffee身材好，穿瑜珈褲很好看，指那些批評的人主要是出於妒忌「妒忌你著得好睇既人，先會去批評你衣著打扮」Coffee亦有留言回應網民批評，她表示拜山當日由山腳行到山頂，指出登高也算是運動，所以穿瑜珈褲是非常合適，又指沿途看到很多女生都有穿瑜珈褲，更大爆自己阿嫂是穿瑜珈褲上山的。

發起挑戰支持女生著瑜珈褲出街

近年坊間一直對「女生應否著瑜珈褲出街」爭論不休，昨日（5日）Coffee為此事發長文論述自己的見解，她分享一張自己身穿瑜珈服飾的背影照以及一些網民留言，指出社會對香港女生穿瑜珈褲的輿論好壞參半，更有人把「女仔着瑜伽褲」貼上壞標籤，Coffee坦言：「我唔明白點解着自己鍾意嘅衣著出街都要俾人討論？如果你覺得我哋着得唔靚又貼身又肥又露。難道我哋又一定覺得你嘅衣着好好睇？」

Photo from Coffee IG

Coffee表示世上要討好的人只有自己，喜愛穿甚麼出街不到其他人管，又指：「既然點著都會被標籤既話，我著我嘅事，由我自己標籤」她發起挑戰，嘗試連續30日穿瑜珈褲過生活，希望為所有愛穿瑜珈褲的女生平反，改變社會認為穿瑜珈褲上街是不當的風氣，不少網民都支持Coffee的行動，並留言為她打氣。

Photo from Coffee IG

靠瑜珈走出低谷創立自家品牌

Coffee於2014年被爆在殘廁與富二代幽會，演藝事業受到重創，與TVB解約離巢，其後專注發展瑜珈事業，開設個人YouTube頻道，教人做瑜珈，成功闖出一片天。靠瑜珈走出低谷後，Coffee將瑜珈視為終身事業，不論生活多忙，都會抽時間做瑜珈。2020年，她更斥資做老闆娘，創立自家瑜珈服品牌「Coffee Sweat」，服飾推出後反應熱烈，深受女生歡迎，Coffee曾透露開業短短半年已經回本，成績亮眼。