林子博住英國-7度無熱水、無暖氣！移民超多困難仍堅拒回港

51歲林子博移民英國一年，雖然曾遇上好多困難，但生活似乎越嚟越好，最近更新居入伙。生活安定落嚟嘅林子博喺YouTube上傳新片，分享近日冬天英國氣溫低至負7度，唔止無熱水沖涼，全屋更無暖氣！

Photo from 林子博Facebook

林子博與子女移民英國

前TVB藝員林子博於2021年8月帶埋子女移民英國，不過移居外國並唔係咁簡單。甫到達英國林子博一家卻未搵到住屋，而係選擇住酒店，子女亦仲未搵到學校，林子博亦嘆道：「唉！原來唔係我諗咁簡單。」

Photo from 林子博YouTube

林子博表示自己當初係想喺酒店落腳先再搵租盤，但英國有唔少業主要睇工作證明先肯簽租約，而小朋友搵學校亦要住址證明，酒店唔可以當住址證明，因為未搵到住處嘅林子博仲未能為子女報讀學校。

Photo from 林子博YouTube

被批移民前唔做功課，林子博移民一年搬入兩層獨立屋

當時外界批評佢移民前唔做功課，一啲準備都無就去英國，更斥佢「累咗啲小朋友」，之後林子博都有拍到片解釋佢想了解咗實際環境先簽租約，之後林子博喺英國嘅生活亦慢慢步入正軌，搵到新工、住所，子女亦都成功報到學校。

Photo from 林子博YouTube

話咁快林子博一家都移民英國超過一年，佢從Apartment搬到兩層高獨立屋，生活越嚟越好，不過都有遇到一啲問題。林子博稱近日英國氣溫低至零下-7℃，喺屋企成日畀靜電電到，每日車子女返學亦要用熱水沖一沖車窗，因為冬天車窗都結晒霜。

Photo from 林子博YouTube

Photo from 林子博YouTube

零下-7℃無熱水、無暖氣，林子博自行解決問題

林子博稱佢一起身女兒就同佢講屋企無熱水沖涼，令佢大吃一驚，甚至連屋企暖氣都無埋，佢將子女送返學後馬上回家處理，佢問咗好多朋友後估計應該係因為喉管結冰，令暖氣系統故障。

Photo from 林子博YouTube

Photo from 林子博YouTube

Photo from 林子博YouTube

Photo from 林子博YouTube

於是佢用熱水淋喉管以融化管內積雪，另外又用高溫蒸氣機噴暖氣系統嘅銅管，佢仲噴埋洗衣機底，噴完等咗15～20分鐘後，暖氣系統就回復正常，屋企都有返熱水，成功解決問題。

Photo from 林子博YouTube

Photo from 林子博YouTube

網民勸回流香港，林子博為子女拒絕？！

林子博稱佢平時拍片有唔少人留言叫佢返嚟香港好過，不過佢指每個地方都有機會遇到困難，但如果因為遇到困難而打退堂鼓、去逃避：「我覺得咁樣唔啱嘅！甚至對我小朋友嚟講都唔係一個好嘅身教嚟。」佢表示有問題應該諗方法去解決，咁先係正常嘅做法。

Photo from 林子博YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）