[小編試食]泰國超人氣餐廳殺入尖沙咀！海港城泰國超精緻宮廷菜Blue Elephant～燒大蝦金邊粉超正！

今日小編為大家介紹一間位於尖沙咀海港城既餐廳Thai Brasserie by Blue Elephant，雖然大家未必聽過呢個名，但原來呢間餐廳係泰國係十分之有名氣，仲係曼谷50大餐廳之一。而且菜式唔係一般既泰國菜，而係超精緻既宮廷菜，創辦女廚有皇家御廚之稱。今年呢間泰國皇家菜殺入香港，小編都去左試食，果然係不負所望，好多道菜都頗有特色，好好食呀！

去泰國餐廳一定要食芒果糯米飯，呢度既芒果糯米飯同房間既比起就有特色多啦，糯米分別有白糯米同紫糯米，搓成一團，上下都用芒果片包住，可以點雪糕食，十分精緻有創意，而且味道都唔錯！

Photo from blue elephant

小編認為最值得推介就係呢個大蝦金邊粉，大蝦燒到十分香，裏面既膏都好飽滿，一挖開就睇到好多膏，擺落口好甘香，而且金邊粉好夠味，加埋花生碎等伴料食好惹味～！

Photo from blue elephant

好多人都會點呢個沙爹串燒，上菜既方式比較特別，用一個編織籃裝住，有宮廷菜既特色。

另一個必食之選就係呢個蟹蓋，切碎既香料同蟹肉撈埋一齊，放入蟹蓋之中，溫度保持得比較耐，擺落口仲係熱辣辣，好正呀！

另外呢個榴槤撻都係好多人既心頭好，榴槤味好重，就連撻上面既裝飾都係用榴槤整出來，好有心思～！

地址：尖沙咀海港城港威商場3樓3303號鋪

電話：2328 2328

營業時間：星期一至日11am-4:30pm, 6pm-10:30pm