楊思琦罕有回應當年未婚生女，神秘老公三年來一直幫忙分擔
現年43歲的前港姐冠軍楊思琦，最為人熟悉的就是過往跟李泳豪的一段情，於2012年誕下女兒楊卓穎（Krystal），2020年突然宣布再度懷孕，並對外宣稱BB爸爸是圈外人，已在美國註冊結婚。日前她接受內地節目《麗人麗語》訪問罕有地回應當年未婚生女的前因後果，大談做單親媽媽的辛酸故事。
Photo from szekikk@IG
過去跟李泳豪的九年情
每段故事總會有過去的時候，當年大家都以爲李泳豪會與楊思琦步入婚姻，卻於2011年突然單方面宣布與拍拖9年的李泳豪分手，當年李家總動員都出動指責楊思琦，指她品性惡劣，對李泳豪經常呼呼喝喝，繼而爆出有第三者的消息，並於2012年突然誕下女兒楊卓穎（Krystal），但從未透露女兒父親的真實身份。直到2014年約滿無綫前往內地發展，再於2020年秘密誕下囝囝Kody，但都一直只透露其爸爸是圈外人，而且二人已在2019年在美國註冊結婚，消息做到滴水不漏。
Photo from 網上圖片
於內地節目中剖白
近日楊思琦就於內地節目《麗人麗語》公開談及自己過去幾年的心路歷程，片段中主持人稱當年報章不斷傳出負面新聞，為何沒有當面澄清？楊思琦就表示：「我唔想越描越黑，最清楚嘅人就係我自己，外界點樣睇我唔緊要，呢個係命運，唔通唔要呢個BB咩，我覺得冇可能。同埋我冇一刻有呢個想法。」
Photo from 《麗人麗語》
Photo from szekikk@IG
Photo from szekikk@IG
然後又稱：「嗰陣我冇一刻有呢個想法，我本身好鍾意小朋友，就算冇完整嘅家庭，但係可以俾所有嘅愛佢，佢依然可以愉快同開心成長。」被問到當時被負面新聞纏身的心情，楊思琦無奈地：「因為你嘅人生感情唔係樣樣嘢都咁順暢，只不過我係一個藝員，傳媒就要將我大肆報道，然後逐個細件放大加以創作。」
Photo from szekikk@IG
Photo from szekikk@IG
誕下女兒後獨力照顧成單親媽媽
而事實是，自從楊思琦2012年到美國誕下女兒後，消息指當時的第三者亦拋棄她們兩母女，楊思琦要獨自養活女兒，做單親媽媽，亦從當年起她把事業重心轉移到內地市場，而媽媽亦給予她無限的支持。到2020年誕下囝囝之後，她感恩今次終於遇到對的人：「因為我遇到我嘅愛人，有人同我分擔，我覺得好開心，可能係上天嘅安排，之前遇到啲唔如意，但之後又會畀我遇到啲幸福，所以先生第二個。」雖然其「虛擬老公」一直無人見過極度神秘，但楊思琦就表現得相當幸福。
Photo from szekikk@IG
而節目的最後，主持人一再表示單親媽媽的身份會令女性帶來很大的壓力，楊思琦就語重心長地鼓勵一眾女性與及單親媽媽︰「依家大家嘅生活條件都好咗，女仔嘅能力高咗，有一定嘅經濟條件，反而想搵嘅對象隨年齡增長，有啲結咗婚，競爭力會好大，僧多粥少未必會搵到啱嘅人。唔係單親媽媽想行呢條路，係大環境造成，做咩要將個大環境原因歸咎於自己，點解唔可以搵一班女仔出嚟我哋去enjoy下食餐好嘅，人生唔係淨係搵對象呢件事，如果搵唔到你就唔使生活咩，呢個世界上冇話冇咗邊個唔得，千祈唔好有呢個諗法。」
Photo from szekikk@IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
楊思琦北上發展大談家庭生活！提及神秘老公勁甜蜜
Aug 2, 2022
楊思琦近年轉到內地發展，又開直播、又拍抖音。佢最近接受內地傳媒採訪，大訪分享家庭生活，一向低調處理家庭事嘅楊思琦亦表示老公好支持佢北上工作，雖然老公未曾露面身份神秘，但楊思琦提及對方時仍然笑得一臉甜蜜！
Photo from 楊思琦IG
楊思琦北上發展做主播
楊思琦2012年喺微博宣佈誕下女兒Krystal，不過一直都無透露女兒生父身份。女兒身世成謎，楊思琦指佢跟自己姓楊。誕女後楊思琦好快就復出，但到2014年決定離巢發展。
Photo from 楊思琦IG
離巢後楊思琦試過做主持，又推出寫真集，更首次進軍樂壇，發表新歌《愛的森林》，實行多方面發展。近年佢長駐廣州，拍攝唔少抖音片，更做主播開1對1直播間，網友只需付數千元就可以同楊思琦單對單對話。
Photo from 楊思琦微博
Photo from 楊思琦IG
北上為「尋根」，發展個人事業
近日楊思琦就接受內地傳媒訪問，佢表示選擇北上就係為咗「尋根」，又指佢之所以會做主播係因為覺得做主播可以好舒服咁做返自己，不過佢亦坦言會有人喺佢直播間留言：「點解依家啲演員要淪落到嚟做主播」。
Photo from 楊思琦微博
雖然係咁，但楊思琦堅持現今社會事業對於女性嚟講好重要，佢指好彩有屋企人幫佢照顧小朋友，令佢可以作出新嘅嘗試、喺工作上面有多方面嘅發揮。
Photo from 楊思琦IG
神秘老公勁支持工作，楊思琦大為感動
提到「屋企人」，楊思琦丈夫一向低調，從未曝光過身份，楊思琦2019年自爆再懷孕，又指已同BB爸爸註冊結婚。到2020年兒子Kody出世後，老公仍然唔見影，雖然楊思琦多次提及老公，但丈夫真面目仍然係個謎。
Photo from 楊思琦微博
丈夫姓名及年齡不詳，有傳兒子亦係跟楊思琦姓，不過佢就否認兒子跟佢姓楊，又強調老公只有佢一個太太。2021年楊思琦曾發生車禍，需要留院治理，而神秘老公喺咁重要嘅時刻依舊未有現身，不禁令網友產生懷疑！
Photo from 楊思琦微博
Photo from 楊思琦IG
喺是次採訪中楊思琦亦有提及神秘老公，佢甜蜜表示自己返廣州工作，老公十分支持，更同佢講：「你安排好自己嘅工作，屋企有我照顧。」令佢大為感動！採訪中楊思琦高呼：「我有老公啦喎！」楊思琦指老公係圈外人，本身過嘅係正常生活，一直都咁低調其實有原因：「如果佢畀人哋追訪，未必佢可以接受得到」
Photo from 楊思琦微博
Photo from 楊思琦微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
楊思琦拍片到廣州掃街惹熱議 被指表現浮誇 兼無戴口罩缺防疫意識
4 May 2022
Photo from 楊思琦 IG
楊思琦到廣州掃街
楊思琦日前上載短片，展示自己到廣州上下九步行街打卡搵美食，佢身穿粉紅色上衣，頭上架著墨鏡，未有被路人認出。佢好快就進入一間餐廳，興奮表示：「來到西關，一定要試下地道嘢！」並點了豉油王蒸腸粉和順德爽魚皮。
Photo from 楊思琦 抖音
佢先形容豉油王蒸腸粉嘅腸粉皮「仲薄過我塊面」，又指腸粉晶瑩剔透，猶如白色嘅啫喱。
Photo from 楊思琦 抖音
Photo from 楊思琦 抖音
Photo from 楊思琦 抖音
佢續稱，平常食嘅順德爽魚皮都係又脆又硬，但今次係第一次品嘗軟魚皮，食後覺得似海蜇，期間佢驚歎：「點解可以變成海蜇質地呢？真係好... 神奇呀！」
Photo from 楊思琦 抖音
網民指表現誇張
由於思琦在整條片中說話都特別用力，亦非常落力做表情，所以有不少網民留言指佢浮誇，效果一般，不過都有網民替佢解釋，可能香港與廣州腸粉味道好唔一樣，所以思琦才有如此誇張嘅反應。
Photo from 楊思琦 抖音
Photo from 楊思琦 抖音
Photo from 楊思琦 抖音
無戴口罩被批
不過最令網民關心嘅係，思琦在廣州街頭無戴口罩。好多留言都指出，當地仍有疫情，作為明星應做好榜樣注意防護，「戴返口罩先得，最近咁嚴重」、「美女戴口罩喔，雖然你是明星，防疫人人有責」、「不給國家添亂」，亦有人指佢記得戴墨鏡，卻不戴口罩。而思琦本人都有讚好其中一條，所以相信佢下次都會小心啲。
Photo from 楊思琦 抖音
Photo from 楊思琦 抖音
Photo from 楊思琦 抖音
重遇「媽媽」苑瓊丹
早前，思琦遇到同樣在內地生活嘅苑瓊丹，當然佢都不忘把握機會，將二人重逢嘅畫面拍畀粉絲睇。雖然現實中佢哋只相差15歲，但二人曾在電視劇中飾演母女，所以思琦都好開心攬著對方表示「呢個就係我媽媽喇！」而苑瓊丹都搞笑回應：「乖女！母親節就嚟到，我梗係認啦，送禮啊！」
Photo from 楊思琦 抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
