法證先鋒5｜黃宗澤對蔡思貝超級嫌棄？！狂窒對方、極力避免接觸？！

娛樂新聞

By Jennifer on 30 Dec 2022

Digital Editor

今晚食乜餸：小二，嚟一碟花生！

TVB劇集《法證先鋒5》播出後反應一般，不過劇中幾位主演嘅交流卻引起網民關注，近日黃宗澤（Bosco）同蔡思貝嘅互動掀起熱議，原因係佢唔止多次開口窒對方，更極力避免同蔡思貝接觸，態度與對待其他女演員有頗大嘅分別。

Photo from TVB

《法證先鋒5》演員劇外互窒

《法證先鋒5》成績雖然唔算超好，但一班演員都有唔少話題，首先係鄭俊弘被黃宗澤、洪永城笑係「法證祖先」、蔡潔被指似李佳芯，洪永城即出口稱唔覺得，更直言：「人哋靚好多！」

Photo from TVB

仲有當袁偉豪被問到《愛回家之開心速遞》疑似抽水一事，旁邊嘅蔡思貝一臉「事不關己」，更笑言袁偉豪可以加入《開心速遞》演返自己。幾位主演互相窒嚟窒去十分有火花。蔡思貝同男主角黃宗澤嘅互動亦掀起網民熱議。

Photo from TVB

黃宗澤表明唔撐蔡思貝再攞視后

最近有網民指Bosco於劇外都似乎窒唔少蔡思貝，喺出席劇集宣傳活動時，有人就問蔡思貝對今年視后有無信心，Bosco即表示：「你都攞過啦！畀啲機會人啦！」更毫不猶豫指支持同劇另一位女演員蔡潔攞視后。

Photo from TVB

蔡思貝發言，Bosco無反應？！

另外喺《法證先鋒V EQ訓練營》中黃宗澤、蔡思貝、蔡潔、洪永城、袁偉豪5人出演，男主角Bosco坐正中間，左右兩邊分別係蔡思貝同蔡潔，不過當蔡思貝講嘢時，Bosco即將身體向後挨，似想極力遠離蔡思貝。

Photo from TVB

當蔡潔講嘢時Bosco就無挨向後，甚至為睇袁偉豪手上嘅紙而傾向前！有網民留言：「睇得出好唔friend，一啲火花都冇，又唔好笑。」喺一次宣傳活動中，Bosco同3位女演員接受娛樂新聞台訪問，蔡潔同王敏奕發言時Bosco都有畀足反應，更親切咁搭住王敏奕膊頭，但到蔡思貝講嘢時Bosco就靜好多。

Photo from TVB

黃宗澤曾直言同蔡思貝感情戲非艷福

9月時Bosco同蔡思貝一齊出演《開心無敵獎門人》，蔡思貝更大叫Bosco做「叔叔」。兩人合作電影《無間一戰》，記者會上Bosco被問到係哋有艷福，佢即表示：「艷咩福呀！」又一臉嫌棄：「蔡思貝啫！港姐咋嘛！OK啦！」相信佢哋都係Friend先會互窒嘅。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

法證先鋒5｜鄭俊弘演足4輯，戲份卻大減？被黃宗澤封大前輩表情尷尬！

22 Nov 2022

TVB《法證先鋒5》播出，主角再度轉晒人，由黃宗澤、蔡思貝、王敏奕主演。其中鄭俊弘卻係由第一輯已經出演嘅「大師兄」，喺訪問時其他人都忍唔住叫佢做前輩，令鄭俊弘忍唔住露出尷尬表情。

Photo from TVB

《法證先鋒5》主角班底大換人

《法證先鋒》系列係TVB嘅「皇牌電視劇」，10幾年嚟已經拍咗五輯，其中《法證先鋒5》主角班底又同第四輯唔同晒，由黃宗澤、袁偉豪、蔡思貝、袁偉豪等人主演。雖然《法證先鋒》得第一、第二輯係用返原班人馬，但有一個人卻係由第一輯做到第五輯。

Photo from TVB

鄭俊弘於《法證先鋒》演蒙嘉慧弟弟

佢就係鄭俊弘！喺2006年播出嘅《法證先鋒》中佢就有份參演，劇中佢飾演女主角蒙嘉慧嘅細佬，本身係法證部技術員，雖然無咩經驗，但係上司歐陽震華都畀咗好多機會佢。鄭俊弘出演《法證先鋒》時只係出咗道幾年，但呢個角色同主角有唔少對手戲，所以佢戲份都唔少，佢更暗戀第二女主角鍾嘉欣，角色有發揮。

Photo from TVB

鄭俊弘再度出演續集《法證先鋒2》

去到續集《法證先鋒2》，鄭俊弘繼續飾演細佬「剛仔」，不過由於女主角蒙嘉慧戲份大減，轉咗佘詩曼領銜主演，加上剛仔呢個角色亦更加成熟，鄭俊弘嘅戲份比起第一集無咁突出。

Photo from TVB

《法證先鋒3》無份，鄭俊弘《法證先鋒4》回歸兼「升職」做科學鑑證主任

《法證先鋒3》主演班底全部換晒，以全新劇情示人，所以有份出演第一、第二輯嘅鄭俊弘都未有繼續參與第三輯嘅《法證先鋒》，不過去到第四輯佢卻以新角色「湛霆」再次出演，今次佢同樣係法證部，不過就「升職」成科學鑑證主任。喺第四輯中鄭俊弘戲份唔少，仲同朱晨麗有感情線。

Photo from TVB

《法證先鋒5》鄭俊弘角色獲保留但第七集即離世

近日播出嘅《法證先鋒5》中雖然主演人馬又唔同晒，但鄭俊弘嘅角色「湛霆」卻獲保留，佢今次係男主角黃宗澤嘅下屬兼徒弟，但第6集中佢於二次搜證時被奸角高鈞賢陷害，最終於第七集輕生離世。今次佢第7集就「領便當」，不過都算係劇集嘅重要人物，即使戲份唔多都有可以發揮演技。

Photo from TVB

黃宗澤封做前輩，洪永城稱為「祖先」，鄭俊弘聞言表情尷尬

《東張西望》訪問一眾《法證先鋒5》主演時主持就提到鄭俊弘已經出演過好多輯，問其他人有無稱呼鄭俊弘做「大師兄」，黃宗澤即笑言：「佢唔係大師兄，佢根本係前輩！」此時洪永城加一句：「唔係祖先咩？」令鄭俊弘哭笑不得，其他人又加一句：「祖師爺！」搞到鄭俊弘面露尷尬，更想用手掩面。

Photo from TVB

《法證先鋒5》已經率先喺內地首播，不過內地網民就唔太欣賞，更直言《法證先鋒》系列越拍越唔好睇。鄭俊弘喺5輯中出演足足4輯，可能係因為其他同期嘅演員都已離巢或各有發展，近年佢雖然keep住出演電視劇，但角色都係配角多。喺樂壇方面佢參加《星夢傳奇》成名，之後有出歌、開個人演唱會，2022年佢回歸星夢，但未有推出音樂作品，主要都係唱劇集主題曲。