唔使再亂咁諗啦！男生真心愛上你嘅5個表現，會呷醋嘅男生先係付出真心啊！

你有無試過拍拖個陣，會猜想對方係咪真心愛上你？定只係玩玩下？如果呢條問題一直困擾住你，不妨睇睇以下5個表現，就能發覺佢究竟係咪對你認真！

1）每分每秒都想見你

男人係不愛黏人嘅動物，如果喺假期／收工後佢仍然要求同你見面，約會後都會送你返到屋企門口，爭取每分每秒同你相處嘅時間，呢個男生係真心喜歡你！喜歡到唔想同你分開，靜靜地望住你已足夠令佢開心一整天～

Photo from Instagram

2）對你嘅生活細節好上心

對事情大多不太上心嘅男人，面對自己喜歡嘅對象，還是會比較緊張～佢一定會記得你鍾意食乜野、對乜野食物敏感，又會知道你嘅生理期／衣服尺碼！如果男生真係喜歡你，對你所有嘅生活細節都瞭如指掌～因為你已經成為佢生活嘅一部份！

Photo from Instagram

3）會對你呷醋

女生常常對男生呷醋，代表真係好緊張佢！反之亦然，男生愛一個女生，都會因為一啲小事對你呷醋（不過都係小事，只是想讓你對佢撒撒嬌而已啊，唔好認真同佢大吵起來～）

Photo from Instagram

4）會喺朋友、家人面前提起你

一個男生有無心同你繼續交往落去，就是睇佢會不會喺朋友／家人面前介紹你，名正言順俾你一個名份～如果你從來無見過佢嘅朋友／常常唔願意將你介紹俾身邊嘅人，咁你可能談緊一場無結果嘅戀愛嚕～（當然，交往幾個月嘅話亦無需操之過急！）

Photo from Instagram

5）對你非常關心

生病時會買藥俾你食、傷心時會默默陪伴你、落雨時會問你有無帶遮等，只對你一個貼心～總之關心你嘅全部就啱啦！喺你傷心難過時佢會更加傷心，因為他捨不得你難過啊～

Photo from Instagram

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）