港女1.6萬放租兩房單位仲要人幫湊貓被網民抨擊擺明搵笨事後解釋愈講愈錯

By jack on 30 Dec 2022

Digital Content Writer

放租定搵人湊貓？最近有網民在小紅書放租，表示自己下年3月-4月去旅行，想在這段時間出租日出康城的兩房單位，她要求住客交1.6萬租，此外更要幫忙照顧4隻貓咪，網民即批評事主要求過份，收了租金，還要求住客幫忙喂貓。

Photo from 《愛回家開心速遞》

放租1.6萬要求住客幫手湊貓

一名女網民日前於小紅書發文，指2023年3月下旬自己會去1個月旅行，所以想嘗試下短期放租，以1.6萬出租一個位於日出康城的450呎單位，單位有兩房一廳，包括1睡房及1書房，亦設有開放式廚房及露台。不過事主對租客有一個特別要求，就是希望對方是個愛貓之人，幫她照顧4隻貓貓，她又簡介了貓貓家性格，指4隻貓貓都很乖不會抓人，但剛開始會怕陌生人，自己躲起來，習慣了就好。此外，事主特別提到客廳的梳化可打開作梳化床，疑似示意租客要睡客廳。

Photo from 西卡小紅書

網民直指事主想搵人笨

貼文曝光後，不少網民認為事主想佔人便宜，根據地產網站資料顯示，現時日出康房兩房單位租盤平均租金約16000-17000港元，有人直指：「萬6蚊租康城都唔平，而且仲要幫你照顧咁多隻貓做苦力，應該唔會有人肯！」、「貼埋錢畀你旅行好唔好」、「有冇咁cheap，幫你打掃埋間屋好唔好？」

Photo from 西卡小紅書

Photo from 《果欄中的江湖大嫂》

事主辯稱照顧貓不包住宿

事件引起眾人關注，更有人把此貼文分享到Facebook的養貓群組及日出康城居民群組，事主被網民不斷評擊，其後事主上水留言為自己辯護，她表示租金1.6萬是可商議的，又稱只要有人願意照顧貓咪，開價租金$0也可，不過她又指出請人上門照顧貓咪是不包住宿。不過網民仍不接受事主解釋，直言：「佢係比人圍自加話自己$0可以嘅，她明顯係收租叫人幫手喂貓啦！」

Photo from 《愛回家開心速遞》

Photo from 西卡小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

放租宣傳租客曾中六合彩，獎金高達960蚊，網民嘲笑贏埋唔夠交租

15 Dce, 2022

呢個年代想租樓仲要經地產公司？其實網上已有好多唔同嘅討論區又或者租屋平台可以線上睇樓，但係網上面嘅一切都比人唔可靠嘅感覺，租客好多時都會想知該單位曾經發生過咩事，近日就有網民喺facebook群組「元朗屯門租售靚盤速遞」中出文放租，指上手租客曾經中過六合彩兩次，總獎金仲高達960元，引得一眾網民哈哈大笑。

Photo from Photo from 《地產仔》劇照

樓主於Facebook群組「元朗屯門租售靚盤速遞」指位於錦田市中心嘅一間500呎兩房四樓嘅單位，月租8000元，步行至錦上路西鐵站只需要10分鐘，但就透露「附近街坊披露該單位上手租客，曾經於上址單位居住時分別中過六合彩五獎同六獎，總獎金仲高達港幣玖佰陸捨圓正」，亦即係960元！但由照片可見，該村屋並無任何特別之處，全白無傢俬，只保留冷氣機與及抽油煙機，言下之意應該就係下一位入住嘅租客都有機會中六合彩獎金？

Photo from Photo from「元朗屯門租售靚盤速遞」

網民反應熱烈

帖文一出，一眾網民就忍唔住冷嘲熱諷一番，問「點解業主唔自己住番？」，「贏埋得嗰4日租都冇」、「騙徒話“我都賺夠喇比啲人賺下”」、「中咗咁多錢點算好呀」、「到時唔中六合彩可以退租？」又有人指交屋比樓主出租嘅業主真係可憐，因為樓主喺到「懶搞笑，點知比人笑返轉頭」

Photo from Photo from「大埔 TAI PO」

Photo from Photo from「元朗屯門租售靚盤速遞」

樓主原來早有前科

有眼利嘅網民就指認得樓主，指佢經常會出租一啲老舊嘅村屋「好奇問吓，你d盤成日都偏舊有無人租，定你不如轉去做棟篤笑」、「條友好熟面口，好似係地產佬」、「呢個經紀一向係咁架，你睇得佢啲post多就知佢成日寫無聊嘢」，似乎知道發文者職業就係地產經紀，而翻睇樓主嘅舊文，都唔難發現佢以往嘅發帖，除咗大部份都出租舊樓以外，內容都會令人摸不著頭腦，而且每間舊樓嘅質素保養都比較差，甚至唔出屋內環境相放租，令網民們覺得匪而所思。