畢業後一年發現心儀男生字條，女子感遺憾，網民鼓勵勇敢追愛！
相信每個人嘅青春都會有錯過或遺憾，雖然努力過嘅事未必有完滿結果，但呢段往事必然會成為心目中彌足珍貴嘅回憶。內地湖北一名女子近日為一個電動旋轉木馬擺設換電池嘅時候，發現入面收埋咗一張字條，並意識到呢張字條係自己當時心儀男仔嘅表白。
Photo from 《那些年，我們一起追過的女孩》劇照
遲嚟嘅表白
據報，湖北一位姓謝嘅女子近日喺社交平台上分享一段影片，表示一年前中學畢業嘅時候，收到心儀對象送嘅電動旋轉木馬擺設作為禮物，而呢份禮物一直放喺屋企好好保存，但最近拎返出嚟睇，發現旋轉木馬似乎冇電，未能運轉，於是打算換電。當佢打開旋轉木馬嘅電池蓋嘅時候，發現入面收埋咗張字條，打開見到上面寫住：「我喜歡你」。
Photo from 微博
Photo from 微博
事隔一年收到當時鍾意嘅男仔表白，謝女感到驚訝，並感嘆：「畢業那一天我沒能發現這張紙條，連同喜歡也都埋葬在這個旋轉木馬裡」，更何況隔咗成年，「估計對方也早把自己忘記了」。
Photo from 微博
網民：那個男生肯定等了好久
相關影片發布後，網民紛紛留言表示遺憾：「好可惜」、「那個男生肯定等了好久」、「這是個悲傷的故事」、「恭喜你中獎了，可惜過期了」。有網民認為，男方應該用晒啲電先送畀對方，或將電池拆取，連同禮物一併送出，等女方自行裝上，但有人認為：「畢業的時候送的禮物，或者只是想著和自己的青春做個了結」。
Photo from 抖音
Photo from 抖音
Photo from 微博
Photo from 微博
網民鼓勵勇敢追愛
唔少網民都好奇後續發展，有網民鼓勵女方主動聯絡：「才剛過去一年，要是有感覺就去找他，我給你勇氣」、「才一年可以聯繫一下，不留遺憾」、「應該來得及」。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
網民呻「女仔搵伴侶易好多」列男人7大原因難識女：男仔慘咁多！
2 Dec 2021
Photo from 《愛回家之開心速遞》 TVB
樓主列男人7大原因難搵伴侶
最近，一名網民（下稱樓主）到連登討論區以「點解女仔搵另一半易咁多」為題發文，分別為男性及女性提出論點作支持。佢認為男性要認識異性，就要在多方面身體力行，例如（一）對住女仔必定要大膽主動，（二）又要不斷參加社交活動擴闊圈子，（三）打開話題後，亦要保持內容有營養，令對方有興趣聽你講嘢。
Photo from 《愛情食物鏈》 TVB
樓主：男仔要絞盡腦汁識女仔
樓主假設男方在活動中成功拿取女方聯絡方法，然後又開始要運用腦力（四）「返到屋企要主動Whatsapp對方，又要諗話題」，（五）約對方食第一餐飯亦要細心安排。埋單時，（六）男方請食飯唔保證會令女方產生好感，但唔請就好大鑊！
Photo from 《智能愛人》TVB
至於最後一個原因，樓主稱雙方相識一段時間後，若果男生鼓起勇氣表白，但失敗收場，又要由頭嚟過，重回「參加社交活動」嘅第一步。
Photo from 《愛情食物鏈》 TVB
樓主：女仔做少少嘢都大把人溝！
女生方面，樓主認為女士們要結識另一半嘅方法簡易得多，並列出三點：「IG post靚相，大把人溝；上網話自己單身，大把人溝；參加任何社交活動，大把人溝」。
Photo from 《愛回家之開心速遞》 TVB
Photo from 連登討論區
最後樓主總結，表示：「女士搵另一半真係易好多，又可以係追求者到慢慢揀；女士做被動角色等仔溝已成功左一半；男仔就慘咁多，要搞咁多野，仲要未必溝到。」
Photo from 《愛回家之開心速遞》 TVB
網民：港男做壞市/樣嘅問題？
對此，網民都有不同意見，有網民認為「根本就係港男自己做壞市」，佢認為太多港男主動向女生獻殷勤，出現大量「觀音兵/狗公」，拉高了男生付出嘅標準，所以佢覺得責任終究都在港男身上。
Photo from 連登討論區
另外，有唔少人都係嗰句：「樣嘅問題」，有網民指出並唔係每個女仔都有足夠顏值po靚相，並直言樓主所述嘅論點只適用於「毒男 vs IG女」。
Photo from 連登討論區
Photo from 連登討論區
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
