準空姐爆料航空公司面試內幕，標準超嚴格睇晒全身仲要除剩底褲？

By Pat on 09 Jan 2023

Digital Editor

不少人面試前都會事先準備好多有關公司的背景內容，以便面試時不會被人問到「口啞啞」，但根據不同行業亦有不同的面試模式，當中許多少男少女都夢寐以求成為空姐空少，原來亦有與別不同的面試要求。早前中東的科威特航空公司（Kuwait Airways）就被爆料，面試的過程極度不尊重求職者，甚至要求要求職者要脫剩內衣以供檢查，好不人道。

Photo from Shutterstock

面試過程彷如身處動物園

根據外媒報導，上年11月科威特航空於西班牙馬德里一間酒店進行招聘面試，當中23歲的瑪麗安娜（Mariana）被單獨被帶進房間，一入房門就被要求要將身上的衣服「脫光光」，包括內衣，最後身上只剩下一條內褲，而且雖然面試官是一名女性，但視線卻一直在上下打量著Mariana的身體，更加一邊打量一邊將觀察心得寫入筆記簿，令她覺得自己felt like an animal in the zoo（就似動物園入面的動物），感覺很難受。

Photo from Kuwait Airways@Facebook

另一名求職者畢安卡（Bianca）就透露，自己面試時被要求脫去外衣，直到最後只剩下內衣褲，面試期間招聘人員亦清楚表明自己在檢查求職者身上有否傷疤、胎記與及紋身，令她覺得莫名奇妙，而且面試當日她留意到第一個進去的女生崩潰哭著走出來，也是說自己被要求「脫到剩內衣」。

Photo from Kuwait Airways@Facebook

而據知情人士透露，在初次面試時面試官就淘汰了所有戴眼鏡、牙套、與及有明顯疤痕及有痣的女性，而且還以體重過重、面試者的皮膚或笑容不好看等等的理由淘汰應徵者，嚴重的歧視令人感到髮指。而招聘者總共有60多人，當中只有3名男性，但招聘人員卻指出因為對方的國藉問題所以拒絕他們參與。

Photo from Kuwait Airways@Facebook

報導中也提到，現時針對事件西班牙勞工部目前已經展開調查，而西班牙的就業大臣華金·佩雷斯·雷伊 (Joaquín Pérez Rey) 將招聘人員的行為描述為“侵犯女性的尊嚴與及基本權利，絕對不可容忍”，而科威特航空及負責面試的第三方公司Meccti暫未有任何回應，雖然知道航空業一直比較注重應徵者的外型，但為求達到標準做到如此地步就真的過份了。

Photo from Shutterstock

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

不正常愛情研究所｜前空姐大爆航空業界男女關係開放，普遍空姐都與機師結婚？行內術語隱藏玄機！

Oct 20, 2022

大台清談節目《不正常愛情研究所》經常都尋找唔同嘅嘉賓出演，分享「不正常」嘅愛情經歷及獨特感情觀。最新一集嘅主題為「空中情緣」，佢哋就邀請咗前空姐大爆航空業界嘅趣聞，而佢仲大爆好多機師都係Player？！

Photo from TVB

前空姐節目大爆經常收到客人卡片

大台節目《不正常愛情研究所》最新一集主題係「空中情緣」，邀請咗前空姐Susuca上節目分享任職空姐期間嘅所見所聞。佢表示喺商務艙收到客人嘅卡片係十分平常；最特別嘅一次經歷係一位台灣乘客喺飛機降落後依然唔肯離開，聲稱唔見咗封信，最後Susuca無奈表示「佢話係我嘅微信喎」，真係非常老派嘅追女方法呢～

Photo from TVB

大談男乘客「追求」經歷

其後，Susuca亦遇過一名年約17、18歲嘅男仔由上機尾隨佢到落機，即使佢正在派發飛機餐俾乘客都一直跟隨住，足足跟咗17個鐘！直到飛機降落後，男方都依然唔捨得走，默默企喺機組人員所乘搭嘅Crew bus外，非常長情！

Photo from TVB

坦承航空業男女關係比較開放？！

Susuca表示航空界嘅「男女關係」的確較開放，曾經被女同事拉埋去「有下文」嘅Poker聚會。而佢仲分享自己飛往Oakland嘅一次經歷，指當時一名空姐嘅男友多次致電女友不果，最後竟然選擇向Oakland警署求助。事後佢發現該名空姐疑似飲醉酒，並與一名空少發生關係，最終呢名空姐同男友鬧翻，仲因此結唔成婚！而Susuca直言其實好多機師都係Player，感情經歷比較「豐富」！

Photo from TVB

即睇更多人氣文章：

女兒與媽媽嗌交一怒之下選擇報警，竟意外揭母親非法居留23年！

球賽拎「大戒指」當眾求婚被拒俾女友怒罵加掌摑全場觀眾被嚇呆

空姐大多選擇與機師結婚

另一名「有故事的人」Belle今次則以空姐身份分享航空業界鮮為人知嘅秘密，仲揚言勁爆到可以出書！佢表示其實業內好多空姐與機師結婚嘅例子，不過好多時機師婚後都依然繼續尋覓空姐女友。Belle就話曾經見多有正印將第三者嘅照片整成Banner，再張貼喺公司男廁。

Photo from TVB

航空業內有獨特「交流術語」

而被譽為「純純兔」嘅主持人Karen就話自己對空姐嘅工作非常感興趣，發現原來行內人擁有自己嘅一套「交流術語」。只要望到空姐嘅名牌就能夠了解佢嘅感情狀況，究竟係「A」（Available）定「UA」（unavailable），其餘嘅術語包括有牛扒「 hot and spicy 」、「crew meal 」以及「 passenger meal 」等，而且大爆空姐制服連絲襪的確有人願意買㗎！

Photo from TVB

台灣空姐YouTuber大爆「Crew meal」意思！

其實過往都有做過空姐嘅台灣YouTuber大爆相關「暗號」嘅意思，指曾經遇過有同航班嘅男同事會食「Crew meal」，喺飛到外國後邀請空姐一齊「偷食」，好多時女方都係事後先知道對方已經有女友或者成家立室！而佢亦大爆多數嘅機師都已婚，但比較「貪玩」嘅就會接近年輕嘅空姐「會吃Crew Meal的人大多不是想要有一段真正的感情。」睇嚟台灣及香港航空業嘅「術語」都有啲相似呢～