新年打麻雀必贏7招貼士！坐位、衣著有講究！過年發大財靠今次

生活教學

By Jennifer on 29 Jan 2024

Digital Editor

今晚食乜餸：小二，嚟一碟花生！

新年打麻將係指定動作，不過過年打牌梗係想贏返一筆過肥年！想贏錢嘅就要參考以下7大秘訣，其實坐喺邊、點樣坐都好講究㗎！就連飲咩、飲品放喺邊都有可能影響到運勢，寧可信其有，學識作準備今個新年大殺四方！

Photo from 《家有喜事》劇照

1. 打麻雀前避免洗手

打牌前要儲下財運，唔好洗手、去廁所，以免「洗走財運」，相反可以摸下錢增強財運。

Photo from 《怪胎》劇照

2. 盡量背牆坐，唔好背住電器

首先坐位絕對會影響打牌嘅結果，因為上定同下家係邊個對贏牌嚟講都好重要，除此之外，背脊要有靠山，所以最好背牆坐。另外電視、電話、iPad等電器屬「金」；邊爐、熱茶等則屬「火」，而麻將屬「木」，背對「金」、「火」打牌好易輸錢，建議唔好背住電器、熱嘅食物/飲品坐，如果無法避免，可以喺背脊加返個咕?化解。

Photo from 《色·戒》劇照

3. 面向大門坐更易贏錢！

盡量面向大門坐，因為背住大門坐有「送財神」之意，容易打得多輸得多，面向大門就係「迎財神」，自然更易贏錢！

Photo from 《嚦咕嚦咕新年財》劇照

4. 唔好坐喺橫樑下

橫樑壓住會令偏財運弱，不利打牌贏錢，所以要盡量避免坐喺橫樑下面嘅位置。

Photo from 《賭聖》劇照

5. 凳背唔好有穿窿，最好高過膊頭

上文提到坐嘅時候最好背脊有靠山，所以凳背唔好有穿窿，而且凳背高過膊頭就最好。

Photo from 《青春斗》劇照

6. 打麻將要多飲水

正所謂水能生財，所以打麻將要多啲飲水。另外自己嘅左手邊係「青龍位」，可以擺杯水喺度（盡量唔好擺其他飲品如：茶、可樂等），打牌期間可以周不時飲下，但注意唔好飲到底。

Photo from 《繼承者們》劇照

7. 著紅色內衣褲

過年梗係要著返紅色底衫褲開運，上麻雀枱著返啲紅色旺下個人，大紅大紫打牌就更易贏啦～

Photo from 《賭神2》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【新年派利是】15大派利是禁忌+注意事項！新婚派雙封定單封+要派給未婚長輩？咩係「擇利是」？

1 Jan 2023

農歷新年將至，當然少不了派利是！不過，不論是已婚人士派利是或未婚人士收利是，原來背後都大有學問！利是不能隨便派，利是金額、數量、顏色、時間甚至對象等都有不同的習俗需遵守~以下整合新年派利是的禁忌和注意事項供大家參考，一起過個充滿好意頭的喜慶新年！

Photo from Presslogic

·利是金額不能單數

正所謂「好事成雙」！雙數或一對都屬於比較吉利的數字，加上喪禮上封的吉儀是單數，所以新年利記得要包雙數金額！

·利是要封幾多錢？

除了金額要雙數，利是包多少錢最重要視乎個人財力而定。一般公價可供大家參考：親戚、晚輩和好友，每封可包$50至$500；普通朋友、同事、鄰居或看更等，每封可包$20。

Photo from 《愛回家之開心速遞》截圖

·不使用「過期」利是封

派利是除了是送上祝福，亦有著好意頭之意，所以避免使用「過期」的利是封。例如今年是虎年，利是封不要使用印有上年生肖牛的圖案。若想防止這類情況發生，可以直接選擇沒有時效的利是封。

·不使用「二手」利是封

亦有傳不要使用「二手」利是封，即已經使用過的利是封，因為代表好運已經被開過，再開就無了~

·利是封顏色有學問

農歷新年一般都會使用大紅大紫的喜慶顏色，反而綠色、藍色、黑色或白色等，就被視為不太吉利的顏色。

Photo from 《東張西望》截圖

·利是要用新銀紙？

新年派利是一定要用新銀紙？其實沒有明文規定，新銀紙主要寓意好意頭，但只要銀紙沒有太汙糟或破爛，亦可以用作封利是。

·新婚夫婦派「雙封」

新婚夫婦首次派利是，取自「雙雙對對」的好意頭，所以婚後第一年會派「雙封」利是。夫婦二人各派兩封，即共四封。但亦有指「四」字不吉利，所以派兩封或四封視乎個人而定，隨心即可~而一般已婚夫婦派利是給親友都是派雙封（即夫婦各人一封）；若派給公司同事，對方不認識你的另一半，可選擇派單封。已離婚的夫婦，則可各自派單封。