萬千星輝頒獎典禮2022｜胡定欣全晚陪跑黑面？！原來肥媽都面無表情唔拍手
TVB一年一度嘅《萬千星輝頒獎典禮2022》完滿結束，但台上台下嘅花絮仍然被網民熱議。好似視后胡定欣就被指陪跑全程黑面，原來除咗胡定欣之外，肥媽都同樣成晚面無表情～幾位得獎者領獎時更連拍手都無！
Photo from TVB
《萬千星輝頒獎典禮2022》胡定欣角逐「馬來西亞最喜愛TVB女主角」
《萬千星輝頒獎典禮2022》各個獎項得獎者出爐，而一眾出席嘅藝人亦身坐台上見證視帝視后誕生。除咗獲獎嘅藝人成為焦點外，台下嘅一班artists亦備受關注。好似胡定欣就因為表情而掀起網民熱議。
Photo from TVB
胡定欣曾經連續兩屆獲得「最佳女主角」，不過2020年胡定欣同TVB轉簽部頭約，並加盟邵氏兄弟成為旗下藝人。今年佢得《白色強人2》一部作品，有份角逐「馬來西亞最喜愛TVB女主角」。
Photo from TVB
胡定欣被指「黑面」不滿周嘉洛奪「最受歡迎電視男角色」？！
當晚胡定欣獲安排坐女藝人最近中間嘅位置，佢亦盛裝打扮出席，成功奪得「最佳衣著女藝人獎」。但全晚「陪跑」嘅定欣卻因為無表情而被指「黑面」，尤其係當宣佈周嘉洛奪得「最受歡迎電視男角色」時胡定欣更因為「黑面」被指不滿賽果。
Photo from TVB
曾於2018年頒獎禮上「黑面」
其實翻睇定欣過往出席頒獎禮，原來唔係第一次因為面無表情被指「黑面」，喺2018年嘅頒獎禮上幾個獎項包括何廣沛同馮盈盈攞「飛躍進步男/女藝人」獎時，胡定欣都係無表情。
Photo from TVB
Photo from TVB
肥媽全程「黑面」+唔拍手
除咗成為大眾討論對象嘅胡定欣之外，仲有另一位「黑面神」—肥媽！為尊重場合，肥媽同樣悉心打扮，著上綠色套裝，仲有超閃頭巾，十分搶眼。不過肥媽同樣係坐足全場，從直播畫面可見無論係郭柏姸攞「飛躍進步女藝員」、定係JW獲「最受歡迎電視歌曲」，肥媽不但面無表情，更連拍手都無拍。
Photo from TVB
Photo from TVB
Photo from TVB
有網民認為以肥媽嘅資歷，出席頒獎禮「陪跑」又難怪會黑面，但亦有人指其實所謂嘅「黑面」根本只係個人放鬆先會無表情，只係觀眾「諗太多」先會誤會佢因為不滿賽果而黑面。
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
萬千星輝頒獎典禮2022｜林敏聰台上台下爆金句！寸江美儀、爆笑搞食字gag
9 Jan 2023
TVB《萬千星輝頒獎典禮2022》視帝視后誕生，雖然林敏聰失落「最佳男主角」，但《下流上車族》成大贏家，佢上台發表感言時連環爆金句，又笑出爐視后江美儀，落咗台林敏聰繼續發揮本色，寸爆多位頒獎嘉賓。
Photo from TVB
《下流上車族》奪「最佳劇集」，林敏聰上台爆金句變棟篤笑
今年《萬千星輝頒獎典禮2022》由陳山聰、江美儀奪得視帝視后，而林敏聰雖然大熱倒灶未能獲「最佳男主角」，但佢主演嘅劇集《下流上車族》奪得「最佳劇集」，加上視后江美儀、出爐「最佳男配角」鄧智堅，《下流上車族》可謂全晚嘅大贏家！
Photo from TVB
而作為劇集嘅靈魂人物「車總」，林敏聰上台分享感言時亦不忘發揮搞笑本色，首先佢笑指：「係咪要多謝珍姐？！我上次想多謝佢畀佢冚咗兩巴！」然後又多謝老友曾志偉，林敏聰笑言：「佢（曾志偉」）對我無乜好過，我一路等佢良心發現。」不過亦大讚老友好了解佢：「適當時候佢會拱你一下，多數想拱你去死。」
Photo from TVB
Photo from TVB
大玩食字「視后丸」、「唔腹肌」
林敏聰仲爆笑指出爐視后江美儀今晚著到「成隻烏雞咁！」，更大玩食字：「做視后，今朝啪咗幾粒事後（視后）丸。」令全場大笑！講感言講到好似個人棟篤笑咁！
Photo from TVB
Photo from TVB
Photo from TVB
返到後台林敏聰再拉埋一班頒獎嘉賓搞gag，佢同影帝任達華傾偈，先話：「影帝唔係一朝一夕練成。」然後出手摸任達華腹肌：「你睇佢啲腹肌，call佢都唔覆機！」
Photo from TVB
Photo from TVB
Photo from TVB
林敏聰、任達華、黃日華、三哥苗僑偉做訪問再搞gag
之後林敏聰同任達華、黃日華、三哥苗僑偉一齊接受娛樂新聞台訪問，林敏聰一嚟就「發功」：「三哥呢個頸箍有名堂㗎！」三哥表示：「係咩？你講嚟聽下！」林敏聰笑言：「呢啲叫無辜辜加個箍！」4人都笑咗，三哥表示係三嫂揀嘅：「佢（三嫂）要箍住我。」林敏聰指三哥真係好風趣。
Photo from TVB
Photo from TVB
女主持問佢哋4位日後會唔會有合作機會，三哥就指：「我哋唔會合作㗎啦！因為林敏聰返咗嚟，無咩機會畀我哋。」林敏聰反擊指：「佢（三哥）講啲嘢我從來都無信過！你估我好似三嫂咁蠢呀，信佢講啲嘢，唔係使乜加個箍箍住佢啫！」
Photo from TVB
林敏聰疑似爆粗，嚇親女主持
同幾位老友相聚，林敏聰表現興奮，更疑似爆粗：「係喎！你射X咋喎！」嚇到女主持話：「我哋呢個直播嚟！要控制一下！」林敏聰反問：「直播？！直播又點呀？！」黃日華則叫林敏聰講清楚，林敏聰又話：「梗係直播啦！唔通攣嘅有得播咩？！」
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
