跨國機友為失聯玩家報案，警方證實噩耗，各地玩家望飛往英國參與戰友喪禮。

By Wing Ws on 12 Jan 2023

Digital Content Writer

不少人都曾在遊戲世界建立友情，即使未曾相見，但長久以來一同組隊打機「出生入死」的戰友，有時往往能建立如現實世界般結識的深厚感情！英國一名36歲的單親媽媽Lauren Black近日被發現於家中身亡，而最先意識到問題並通報警方的人竟然是遠在以色列、未曾與死者見面的遊戲玩家。

Photo from 唔少人都曾經喺遊戲世界建立友情。

據外媒報道，死者是一名居於英國的36歲單親媽媽Lauren Black，Lauren有一對雙胞胎兒子，平日會玩線上遊戲「王者歸來」(Evony: The King Return)，她在遊戲中結識來自以色列、51歲玩家Eyal Elhadad，兩人一同組隊打機，雖然未曾見面，但關係親近，Elhadad表示：「我和Lauren過去4年每日都會（在遊戲）聊天」，因此當Lauren未有回覆他的訊息或上線時，他與其他遊戲玩家都很擔心，Elhadad認為這不像Lauren的性格。兩人在元旦傳訊息後便再無對話，Elhadad在其後兩日亦聯繫無果，別無選擇下決定致電蘇格蘭警察以及Lauren的遛狗人，他表示：「我請求他們去確認她嘅狀況，因為我們都很擔心，我只是想知道她是否安全。」其後，Lauren的遛狗人上周二（3日）於Lauren家中發現其屍體，而警方正調查死因。

Photo from Facebook @TheScottishDailyRecord

Photo from Lauren Black同Eyal Elhadad兩日未有對話。

各地玩家望到英國參與喪禮

消息令不少人大受震撼，Elhadad表示：「我至今仍未能相信此事」，他指對方很善良，經常關心他人，是「一位優秀的姊姊、遊戲拍檔、帶領者及我的守護天使......我知道你對我而言很特別，而過去數天，我發現遊戲中有多於300人也這麼認為。」玩家們於社交平台上發文哀悼，一名居於美國的玩家表示：「雖然你已離開我們，但不會被忘記，我們會懷念你這位好朋友」，Elhadad說：「全世界有數百人為她的離世而感悲傷，我所看到的愛的傳遞真的很美好」，同時，有不少人希望跨越過百英里，到英國參與Lauren的喪禮並與她道別。

Photo from 《諜海黑名單》劇照

母親認為女兒死於長新冠

Lauren的媽媽對女兒的死亡感到悲傷，她指一家人早前才一同慶祝聖誕節，又表示：「她(Lauren)的健康狀況變差已有一段時間，我們認為這可能是長新冠所致」、「但事件發生的全部細節仍未向我們闡明」。而幫忙照顧一對雙胞胎兄弟的Lauren叔叔同感震驚，他表示：「Lauren全心全意地照顧她的孩子們，而我們家現在的首要任務是確保他們一切安好。」

Photo from 《再見媽媽又再見》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

19 Sep 2017

第一集嘅《胡說八道真情假期》琴晚就播出咗喇！唔知大家有無睇呢？有睇嘅你地感唔感受到佢地之間深厚嘅姊妹情呢？係咪即刻諗起自己啲姊妹們呢～其實相識已經係一種緣份，能夠做到朋友甚至係知己，真係好難得㗎！胡說八道嘅情感可以咁濃厚，就係有以下尼幾點特徵喇～

(1) 就算你幾難頂，佢都係個個見到平機票會tag你嘅人

Photo from 姚子羚Instagram

所謂「相見好同住難」，每個人都有唔同嘅生活方式，又唔洗要一齊住先知道嘅，所以好多人都話去旅行嘅腳好難搵。就係因為旅行往往會暴露咗人嘅缺點，係酒店將隨行物品亂放呀，朝早賴床拖慢行程呀，唔幫手plan行程搵路，好似跟團咁。但係姊妹就係了解你又體諒你嘅人，就算你有幾惡啃，佢都係個個見到平機票會tag你嘅人。

Photo from 李施嬅Instagram

(2) 爭名奪利？OUT！

Photo from 胡定欣Instagram

胡說八道嘅每位成員都係當紅花旦，亦都係曾經或者現任嘅同事，尤其係娛樂圈尼個大染缸，好容易會受到比較，亦都好難搵到真心朋友。但係因為佢地係真。姊妹，所以佢地唔單止唔會互相比較，仲會鼓勵同提點對方變得更好，有好成績仲會開心過對方添。

(3) 有好野梗預埋你㗎

Photo from 胡定欣Instagram

當自己發掘到正野，會想即刻同姊妹分享。好似胡定欣咁，佢自己做健身操到一身fit爆嘅身形，就即刻叫埋好姊妹姚子羚一齊操添～仲有如果其中一位成員出席唔到聚會，其他人都唔會將佢遺忘。

Photo from 胡定欣Instagram

上面隻公仔就係黃智雯喇～

(4) 放心！衰野更加喇

Photo from 胡定欣Instagram

其實衰野又唔一定係害人嘅事嘅，而係當你有啲瘋癲嘅想法，會想姊妹一齊陪你癲，做姊妹嘅即使十萬個不願意，反曬白眼都好，都
一定會配合到底。姊妹係無論你有幾白癡，都係對你不離不棄個個。

(5) 珍惜一齊嘅時間

Photo from 胡定欣Instagram

係琴晚嘅節目入面，佢地係lounge度見到黃智雯嘅出現，知道原來好姊妹係想俾個surprise自己，瞬間喜極而泣。因為佢地平時工作繁忙，連食餐飯都要紮住個古裝頭，本身以為連難得一次可以同班姊妹寓工作於娛樂嘅機會都無埋，結果......所以佢地都好珍惜尼次難能可貴嘅機會。

Photo from 胡定欣Instagram

唔知你地嘅姊妹係咪讀書年代識落嘅呢？如果係，你會發現，一年又一年嘅過去，你地之間相處嘅時間就越少。以前可能係日日返學由朝見到晚，依家個個出咗嚟做嘢，有時要OT，有時又要拍下拖仔，時間難夾咗好多。有啲人可能會因為怕煩唔想就時間，就次次講話「再約喇」，遲下遲下就無咗件事，關係就係咁慢慢疏遠咗喇～但係唯有真正嘅姊妹係無論幾忙都好，都會逼到少少時間見面。即使係食個糖水甚至係夾到時間搭車，只要想見就會寧願犧牲休息時間都要見到一面為止。希望大家都會好好珍惜你地班好姊妹喇！