Staycation驚見被單有屎跡！酒店員工竟反指事主：唔排除係你自己瀨。

By Wing Ws on 19 Jan 2023

Digital Content Writer

疫情期間，不少人會選擇與親友到酒店Staycation放鬆，而酒店的舒適度是大眾的選取指標，如果衛生情況欠佳，便很容易令興緻全消。《東張西望》昨晚（18日）報道指，有市民一家大細到天水圍一間酒店Staycation，怎料發現房間床上有屎跡，隨即向酒店投訴，但酒店員工竟說不排除是該市民自己留下的糞跡，令事主深感受辱及不滿！

Photo from Facebook群組香港 Staycation 酒店交流谷 ?

據指，蔡先生一家十多口於星期六日一同到天水圍一間酒店Staycation，事主蔡先生用餐後回房，表示自己一上床便「聞到一浸臭味」，於是與女友一齊找尋臭味嘅來源，怎料一揭開被鋪就發現床上有啡色污漬，事主表示：「開頭以為係朱古力仲走去聞吓confirm，點知臭嘅，真係屎嚟！」更糟糕的是，事主發現「條面褲右邊 patpat 位有屎跡」，令他感到嘔心。

Photo from Facebook群組香港 Staycation 酒店交流谷 ?

大堂經理：唔排除係你賴屎

其後事主致電前台求助，但打了10分鐘都無人接聽，並強調「係所有部門嘅電話都唔通」，於是與女友直接到前台告知職員，職員表示會安排換房及清洗褲子，亦會有同事即時到房間處理，視察情況。事主表示，大堂經理在15分鐘後才到來，一進門便說：「我check咗CCTV 㗎喇，睇到房務（員）有拎套新床單入房，之後有拎返床單出嚟，佢哋係有做清潔嘅。」事主聞言不忿問：「咁你即係話我賴屎？」怎料大堂經理竟回答：「唔排除呢個可能性。」事主的女朋友亦忍不住開口：「我哋梗係check咗唔係自己問題先搵你啦！條底褲冇屎㗎！你咪自己睇吓囉！」

Photo from 東張+ YouTube

事主的家人其後亦有開腔，終於該大堂經理表示會跟進事件再了解清楚，並為事主換房及清洗衣物。事主表示，大堂經理於不久後致電他的哥哥，指事主「情緒好激動，所以就聯絡冷靜啲嘅哥哥睇吓我哋想要咩賠償補償」，而經理亦曾承諾褲子約2小時可洗好，之後會聯絡他交還，但事主到翌日早上都未見到，要再打電話追問才能取回。

Photo from 《假面酒店》劇照

拒絕代表酒店道歉：唔排除任何可能性

事主與家人check out的時候再詢問有關的跟進工作，但大堂經理仍重覆昨晚跟事主說過的話：「首先睇到同事有拎床單出入間房，即係有清潔。跟住由客人擺低背囊到再入房期間係冇人入過去嘅。」其回覆令事主非常氣憤，並指：「既然經理你講你啲員工冇問題，咁即係話佢賴屎再屈你啦！？係咪！？？」然而經理回答：「我冇咁講過，不過都唔排除呢個可能性。」事主家人質問：「CCTV 淨係見到個房務（員）拎床單出入，咁你有冇見到佢真係有執房先？」而經理則表示：「咁係見唔到嘅，都有呢個可能性，我唔會排除任何可能嘅。」問到會否就事件道歉，經理則說：「要我個人道歉當然冇問題，不過而家唔係百分之百證明係酒店方面有問題，所以我係唔會代表公司道歉嘅。」

Photo from 《假面酒店》劇照

投訴電郵係大堂經理睇返

酒店的回應令事主家人非常氣憤並指要以電郵投訴，但經理聞言後竟表示：「你哋要投訴我阻止唔到。」隨後便離去，態度令他們愕然。眾人再問前台索取投訴方式時，職員遞上酒店電郵，追問下職員再承認該電郵是由大堂經理查看，並拒絕提供任何向總公司投訴的方法。

Photo from 東張+ YouTube

酒店回應：會作處理及跟進

《東張西望》節目組就此事去信了解情況，而酒店方則回應指：「（酒店）一直致力維持高規格的衛生防護標準，並提供一系列嚴格的清潔措施」，並提到「會作出嚴謹處理及跟進，因應不同的情況，逐一處理各住客的查詢及要求。」

Photo from 東張+ YouTube

曾入住網民指被屈食煙

有關事件引起網民熱議，有人認為可能是小朋友所為，亦有人認為事主亦很可疑，因CCTV顯示只有他進入房間，另有網民提出：「有可能執房嗰個瀨屎先會新鮮到咁，如果上一手既，應該已經乾左」、「經理佢冇話見到換咗『被袋』喎」。更有自稱曾入住該酒店的網民表示，曾被酒店「屈我食煙，聲稱話要扣我deposit（訂金）」，與職員理論時曾聲稱要報警查證，最後經理致電道歉了事。