網民大鬧盆菜雜食變日常，點知留言一面倒數出3大受歡迎原因

By Pat on 23 Jan 2023

Digital Editor

忘了由何時開始，每年過時每節家家戶戶都愛食盆菜，但其實盆菜源自於本地圍村，圍村的原居民十分重視盆菜，原居民會在宗族祭祀、婚嫁、添丁「點燈」、各種對村民而言最重大的日子方用盆菜晏會親朋好友。時至今日，因為種種原因，加上近幾年的疫情影響，大時大節不少人都會買一盆盆菜回家過節，最近就有一名網民於連登討論區發文指「因乜解究近十年大時大節都咁X鐘（鍾意）叫人食盆菜」，引來一眾網民留言。

Photo from 大家樂

樓主指出現時盆菜已經過份地「日常化」「新年又食，做冬又食，復活節都食，明明以前款款碟碟擺晒出黎仲好食，依家一盆汁滾起啲野得一隻味。」樓主指懷念從前一家人食飯，餐桌上總會有多碟不同款式的餸菜，並指現時叫一個盆菜對他而言是「食得好頹」，此話一出，引來網民們不斷圍插，更列出了三大盆菜受歡迎的原因。

Photo from 香港盆菜關注組@facebook

Photo from 網上圖片

一）價錢相對便宜

過時過節最多人選擇的食材少不免相信都是蔘茸海味，而要知道現今物價高漲，動不動一個餸菜都要過百元起跳，更遑論煮個滿漢全席，動不動就幾千元，網民都認為盆菜的價錢的確較親民「我都寧願食盆菜，做節一定加價比人當水魚劏，每碟送成本都100起」、「成本問題，有錢咪有講究，無咁有錢咪無咁講究。直頭無錢咪直頭唔會講究囉」。

Photo from LIHKG

二）一家人齊整坐低食飯

每次齊人食飯，家中一定有一個大廚出馬，掌廚的為求令家人有最熱辣辣的飯餸可以食，通常都會邊煮邊食，一方面煤氣爐仍然在開火煮下樣餸菜，一方面又不停將最新鮮的飯菜放上枱，根本忙不過來，「一碟碟送出去就冇咗一齊坐低食做節意思了，而且基本煮果個唔洗食」、「我有時煮海鮮餐俾屋企人，整得嚟基本上自己唔洗食，要預好時間邊啲上先」。

Photo from LIHKG

Photo from 《愛回家》

Photo from TVB

三）省卻過多麻煩

煮一餐飯往往都要勞師動眾，事前準備功夫唔少得，買餸備料斬料事前要準備數小時更甚者要幾日前去預備，事後又要花大量時間去洗碗，會煮飯的大多數都是家中長老，年紀大不忍心他們辛苦，寧願買個「平靚正」，「老人家太老都唔想佢哋辛苦啦，6、7點就去買餸，準備一日無停過，啲人走咗仲要執手」、「上一輩先咁好心機去煮。而家一係出去食，一係買盆菜。一句講哂，方便」

Photo from LIHKG

其實大時大節，無論是長老們花一番心機煮餐大龍鳳、又或是貪方便出外買個大盆菜回家，最終目的都只是希望一家人可以難得地聚首一堂，久違地談笑風生，重要的是「人」，只要一家人齊齊整整，食的到底是什麼根本毫不重要。

Photo from 網上圖片

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

渣哥毛記決裂或與雪姨有關？基隆茶餐廳老闆娘Cat姐揭盆菜事件真相？！

Sep 22, 2022

渣哥近日喺Facebook發文控訴毛記開出以倍數計嘅價錢賣出所持股份，揚言或會集體辭職！基隆茶餐廳老闆娘Cat姐就喺Facebook發文力撐渣哥，更大爆渣哥同毛記決裂嘅「導火線」或與上次「雪姨盆菜」事件有關？！

Photo from 渣哥Facebook

渣哥擬向毛記購回股份不果，宣佈終止合作關係

譚小環同老公蔡強榮（渣哥）開設嘅「渣哥」近年越做越大，更開設茶餐廳「大渣哥茶記」，而渣哥現時嘅大股東毛記葵涌則持有49%股份。渣哥Facebook有唔少同毛記合作嘅回憶，毛記旗下藝人亦經常幫襯渣哥，留有合影。

Photo from 渣哥Facebook

不過日前渣哥突然喺Facebook發文指毛記約2年前已經無代表參與渣哥同大渣哥嘅管理及營運，渣哥有意回購股份，但就稱對方竟然開出天價，直言價錢難以接受，又表示想購回自己公司嘅股份居然被要求以「倍數計」嘅價錢，形容行為如「鵲巢鳩佔」，仲揚言渣哥團隊考慮集體辭職！

Photo from 渣哥Facebook

事件一出即引起熱議，網民反應兩極，有人認為「渣哥」係由譚小環同渣哥經營，要買返股份都好合理，又指會尊重渣哥同團隊嘅決定；但另一邊亦有網友指毛記作為投資者要求回報好正常，現持渣哥股份價值不可同日而語，當然唔可能平賣股份。

Photo from IG＠halina_tam

基隆茶餐廳老闆娘力撐渣哥

渣哥與毛記決裂引起關注，而基隆茶餐廳就喺Facebook出文力撐渣哥，老闆娘Cat姐表示：「我與渣哥相識多年，十分清楚亦相信佢嘅為人。」更大爆渣哥同毛記鬧翻，導火線有可能係上一次雪姨事件！

Photo from 基隆茶餐廳Facebook

Photo from 雪姨IG

渣哥毛記決裂因「雪姨盆菜」事件而起？

雪姨因為盆菜試食影片中將良心小店基隆茶餐廳同高級酒店嘅盆菜比較，被指不公平，而且踩完基隆茶餐廳嘅盆菜仲借佢哋嚟賣廣告，令網民大為反感！基隆茶餐廳亦發文表示不忿，事後雪姨形象插水，不單要多次公開道歉、刪除影片，連有份籌備嘅新年市集都大受影響。

Photo from 雪姨YouTube

Photo from 基隆茶餐廳Facebook

Photo from 雪姨IG

Photo from 基隆茶餐廳Facebook

基隆茶餐廳老闆娘Cat姐接受傳媒訪問時提到原來發生雪姨盆菜事件時渣哥力撐佢哋，但有日渣哥致電畀佢稱毛記托佢傳話指雪姨希望基隆手下留情，唔好再追究件事，而且自此之後渣哥同毛記兩邊合作方都有心結。Cat姐更指雪姨喺公關災難後曾親臨基隆茶餐廳求原諒。

Photo from 渣哥Facebook

Photo from 雪姨IG

雪姨近況公開，昔日KOL風光不再

雪姨喺風波之後雖然有復出拍片，但狂吸負評，出咗約7條片後佢嘅YouTube Channel就停止更新至今，最新一條片係5個月前嘅3月31日上傳，而且留言區仲一面倒提及基隆。IG更新亦少咗好多，同以往連續幾個廣告post嘅情況完全唔同！喺1月盆菜風波後無晒廣告之餘，雪姨只係出過幾個post，近一兩個月先update密返，但就有繼續post Story。