橫濱紅磚倉庫草莓祭2月登場，免費任食/十週年限定菜單/粉紅打卡位

By Pat on 27 Jan 2023

Digital Editor

一年一度士多啤梨當造嘅時候又到喇！日本橫濱紅磚倉庫草莓祭典 Yokohama Strawberry Festival 2023自 2013 年開辦以嚟，至今已邁向 10 週年，成功創下累計160萬人到場。而每年2月都會舉辦嘅「橫濱草莓祭典」今年依舊會喺橫濱紅磚倉舉行，想參加呢場士多啤梨界嘅盛事，就要快啲買機票啦！

Photo from 橫濱紅磚倉庫

由2023年2月3日起至2月26日，橫濱紅磚倉庫將會化身為士多啤梨樂園，帶來一系列以士多啤梨為主題嘅特色美食，每年活動舉辦期間，都會吸引大批人流，2020年嘅草莓祭就聚集咗超過23間日本知名士多啤梨甜品專賣店，多達數十款不同口味嘅士多啤梨將會出現喺你面前！

Photo from 橫濱紅磚倉庫

由於今年係十週年，所以商店們為迎合特別日子，都提供10 週年紀念限定菜單，嚟自日本不同縣出產嘅士多啤梨、蛋糕甜品以及特飲等等，場內更加可以免費任食新鮮士多啤梨！真係諗起都興奮啊！

Photo from 橫濱紅磚倉庫

有美食，又點會少得打卡位呢？會場上亦會佈置各款打卡位，以及士多啤梨裝飾，比各位愛影相嘅同時亦可以瘋狂打卡炫耀一番，同時會場亦設有「草莓市場」，可以現場購入最新鮮日本各地出產嘅士多啤梨，以及生活雜貨精品，令遊客們可以感受到士多啤梨強大嘅魅力！

2023橫濱紅磚倉庫草莓祭典 2023ヨコハマストロベリーフェスティバル
活動期間：2023年2月3日-2月26日（2月21日休館）
活動時間：10:00-18:00
地址：神奈川県横浜市中区新港1-1（橫濱紅磚倉庫活動廣場）
入場費：300日圓（小學以下免費）

Photo from 橫濱紅磚倉庫

Photo from 網上圖片

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

女友患「士多啤梨病」，無草莓食會暴走！男友買飲料代替最終中伏

Feb 14, 2022

又到咗士多啤梨嘅當造季節，有網友喺Facebook開post指女友每年呢個時候「士多啤梨病」都會發作，會尖叫暴走。男友無奈只好喺飲料店買幾杯嘢飲頂住先但最終出事，令佢叫苦不迭。

Photo from TVB

台男呻女朋友有「士多啤梨病」

士多啤梨營養價值高，酸甜味道更大受歡迎，一向是深受大家喜愛嘅水果！日前有網友喺Facebook群組「爆怨2公社」發文，大呻自己遇到嘅困難。

Photo from TVB

佢指自己一向好憎士多啤梨季，因為女友幾乎年年都喺呢個時候「發病」，佢稱為「士多啤梨病」。

Photo from 佘詩曼 IG

食唔到草莓女友會暴走尖叫

網友表示女朋友不時會突然話想食士多啤梨，而「士多啤梨病」一發作就一定要畀佢食到，否則女友就會暴走、瘋狂尖叫，然後周圍掟嘢。

Photo from TVB

網友稱佢試過頂唔順女友，唔理對方話要食士多啤梨嘅要求，一口咬定無士多啤梨，結果女友大發脾氣，仲搞到警察上門了解事件。

Photo from TVB

家中存貨清空，男友買士多啤梨飲品頂上

之後網友就唔敢再激嬲女友，屋企仲要常備士多啤梨，方便女友「士多啤梨病」發作時隨時都食到。

Photo from TVB

但世事難料，近日有一次家中士多啤梨存貨無晒，女友又士多啤梨病發，網友情急之下諗起屋企附近有飲品舖，於是就去買咗3杯士多啤梨飲料「頂住檔」先。

Photo from TVB

女友食光士多啤梨，要男友食埋啲「廚餘」

好彩呢3杯嘢飲成功令女友心情平復，不過網友無語嘅係女友淨係食咗飲料上面嘅士多啤梨粒，剩返啲飲品留畀佢，仲話：「不能浪費要喝完！」令網友大為無奈：「講真的好好一杯被弄成這樣，是你各位還會想喝嗎？」

Photo from 爆怨2公社

Photo from TVB

網友：明明係公主病

唔少網友表示佢哋都有「士多啤梨病」，但就未去到會暴走尖叫嘅程度。亦有網友認為post主女友根本唔係「士多啤梨病」而係公主病，仲話post主咁都忍到女友，一定係真愛。

Photo from 爆怨2公社

相關文章：港女嬲男友食飯唔讓梳化位俾佢！盤點5個網民遇過嘅公主病事例

Text: HolidaySmart Editorial

港女嫌棄米線舖污糟用港式英文鬧爆！網民睇唔明：乜嘢英文嚟㗎？難過公開試啲文言文

10 Sep 2021

唔少年輕人打字會中英夾雜，有時甚至會用埋「港式拼音」，不過就唔係人人都睇得明！早前有港女去米線舖食嘢卻嫌棄環境污糟，喺IG Story鬧爆，雖然驟眼睇係英文，但仔細留意有好多「自創拼音」，令人睇到一頭霧水。

Photo from TVB

#港式拼音

「拼音」喺文字對話中都頗為常見，唔少女生喺WhatsApp、IG等社交網站、工具都會用「港式拼音」溝通，即係以英文拼出廣東話。例如「好」會寫成「ho」、「靚」寫做「leng」、「我」寫作「ngo」、「都得」寫成「dou duk」等等。

Photo from TVB

「港式拼音」唔係咁易明，因為佢多數會出現喺正常嘅英文之間，有時需要讀埋出聲先會get到真正意思。

Photo from TVB

#港女IG鬧爆米線舖污糟

早前有港女喺IG Story post出一篇「英文」，佢喺文中指自己去咗米線舖獨自食晚餐，並力斥間舖同其他食客都十分污糟，令佢忍唔住喊咗出嚟。

Photo from lihkg

不過全篇夾雜唔少「港式拼音」，有部分更係呢位女士「自行創作」，有網民將呢個Story分享上連登討論區，好多網友大呼睇唔明！

Photo from TVB

#網友嘗試解讀「火星文」

有網友嘗試解讀，篇文大意係「我太窮啦，唯有是但去一間噏耷米線舖食晚餐，但嗰度又污糟又噏耷，我周圍嗰啲人都好污糟，所以我估啲嘢食都好污糟，有一秒直程想嘔，之後唔食走咗，我喊咗出嚟，因為我好慘。」

Photo from lihkg

有好多拼音穿插喺英文之間：「updup（噏耷）」、「maiseen（米線）」、「都好（dou ho）」、「chaam（慘）」等，而且正常嘅英文佢都用咗縮寫，例如「dinner（din）」、「people（ppl）」、「around（ard）」、「wanna（wna）」、「second（sec）」等，大大增加「解讀」難度。