龔嘉欣男友身份曝光？！疑已相戀2年，由陳凱琳介紹認識？！

娛樂新聞

By Jennifer on 31 Jan 2023

Digital Editor

今晚食乜餸：小二，嚟一碟花生！

龔嘉欣近日出席活動時默認有男朋友，其後佢好姊妹陳凱琳公開影片時被網友發現一名男子企喺龔嘉欣身旁，疑似男友曝光！據了解，該男子係一名日籍糕點師，而龔嘉欣都有喺IG晒過佢主理甜品店嘅蛋糕！

Photo from 龔嘉欣IG

龔嘉欣早前默認有男朋友？！

早前龔嘉欣出席活動時就坦言好恨做媽媽，又表示新年去探好姊妹陳凱琳時，抱住陳凱琳啱啱出世嘅細仔喂奶覺得好有滿足感，希望今年有機會做媽媽。被問到係咪有秘密男友，龔嘉欣表示：「我無話無。」仲話有好消息會宣佈，大家要知嘅時候就會知道。

Photo from TVB

陳凱琳新年vlog意外曝光龔嘉欣與男友

另一方面，陳凱琳喺IG公開咗農曆新年vlog，片中見到龔嘉欣同陳凱琳仔仔玩得好開心，之後影大合照時更抱住初生BB，而佢身旁就企咗一名男子，兩人距離好近，感覺關係親密，被指係龔嘉欣嘅神秘男友！

Photo from 陳凱琳IG

龔嘉欣男友疑係日籍甜品大師松岡哲也

事後嘉欣未有否認戀情，而該男子則疑似係日本甜品大師松岡哲也！松岡哲也29歲時嚟香港發展，佢更喺香港開設甜品店，並於銅鑼灣Sogo、K11 Art Mall有分店。

Photo from 松岡哲也IG

松岡哲也本來係模特兒，但2001至2007年曾於日本人氣甜品店學師，到2011年來港後先正式轉行做甜品師，開設甜品店後曾接受唔少傳媒訪問，而早喺2021年龔嘉欣IG就曾經post過松岡哲也旗下甜品店出品嘅蛋糕。

Photo from 松岡哲也IG

Photo from 龔嘉欣IG

2021年松岡哲也晒與龔嘉欣合照，兩人由陳凱琳介紹認識？！

而喺2020年11月松岡哲也就有喺IG公開甜品班嘅相片，相中其中一位學生正係陳凱琳。到2021年松岡哲也甜品店喺K11開Popup Store時陳凱琳與好姊妹龔嘉欣更齊齊現身，疑似由陳凱琳介紹兩人認識。

Photo from 松岡哲也IG

龔嘉欣出道多年，除咗同鄧健泓嘅一段情，更曾經同大馬富二代相戀！龔嘉欣於2019年同朋友合資喺馬來西亞開咗一間火鍋店，當時開業有指其富二代男友都有現身，不過因為疫情原因佢同男友分隔兩地終於2021年分手收場。

Photo from TVB

有傳龔嘉欣已同松岡哲也相戀2年，而嘉欣開到口恨做媽媽，更表示希望今年有機會，唔知係咪同男友好事近？！

Photo from 龔嘉欣IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

龔嘉欣開店壓力大到停經！靠自己努力工作豪擲900萬買樓做業主

2 Mar 2021

早前，麥玲玲同Bob所主持嘅訪談節目《師父有請》就邀請咗龔嘉欣，陳凱琳同譚凱琪去講佢哋做生意嘅經驗。一邊做藝人一邊搞副業做生意固然辛苦，而龔嘉欣仲自爆因為做生意壓力大令到自己一度停經。「女強人」果然係唔易做！

Photo from 龔嘉欣IG

龔嘉欣喺2019 年同朋友合資喺馬來西亞嘅咗一間火鍋店，佢曾經講過係因為覺得馬來西亞未有正宗香港打邊爐，所以先有開火鍋店嘅念頭。另外，佢仲專登採用香港復古風嘅裝修，希望可以比食客打卡同影靚相。係節目中，龔嘉欣就被問做生意係咪佢一直以來嘅夢想時，佢就話以為自己會繼承爺爺嘅塑膠工模生意，但自從佢喺啲報價單度打少咗個零，屋企人就無再同佢提及過。