張家朗再出現時裝災難！網民求Dior放過：明明係劍神俾人搞到咁！

By Wing Ws on 31 Jan 2023

Digital Content Writer

2020年東京奧運男子花劍個人金牌得主、港隊劍神張家朗在賽場上屢創佳績，成為港人佳話，亦因此爆紅，接拍不少廣告，更成為Dior品牌大使，日前他獲品牌邀約到法國參與巴黎時裝周，但新造型卻被批評為時裝車禍，令網民跪求叫DIOR放過，但事實上，張家朗代言的DIOR造型已不是第一次被批。

Photo from 張家朗IG

灰色西裝着到193變153？

成為DIOR品牌大使的張家朗日前出席巴黎時裝周，當日有不少巨星現身，身高193cm的張家朗穿上一套灰色西裝到場，他於Instagram出post指：「My very first fashion show！」並興奮地分享與碧咸的合照，但其西裝造型卻引來網民批評。當中，張家朗貼出一張於DIOR logo前拍攝的全身照，寬鬆的西裝上衣及至大腿位置，下身更長到「拖地」，看起來不太合身，穿上身的效果更是變成5:5身材比例，令網民驚指：「明明米9高著到160咁」、「193高都著到矮仔咁」。

Photo from 張家朗IG

Photo from 連登

之前都有炒車？

原來張家朗之前與DIOR的合作廣告亦曾「出事」，當時張家朗身穿黑衫，戴了一條銀色粗鏈，並將以往的「平陰」頭摷亂露額，他在IG發帖寫道：「I dare you to dream.」不過網民似乎未能接受劍神的「潮look」，留言區內一面倒認為造型「完全唔襯」：「化妝師有啲整蠱喎堂眉化到唔對稱嘅」、「呢個造型唔掂啦、化妝整頭好唔掂呀、佢整蠱你咩」，更有人指造型「撞樣」馬浚偉、許志安。

Photo from 張家朗IG

網民求DIOR放過張家朗

而這次的西裝造型再次引起網民批評，有人留言：「你咁型，但呢套衫比誰着都變災難」，亦有網民以「Dior可唔可以放過張家朗」為題於「連登討論區」開帖，有不少網民表示認同：「明明劍神比人搞到咁」、「本身高大著衫唔會太差點解都可以搞到咁」，並直指「時裝災難」；另有網民認為衣服、髮型出事：「cutting都唔得」、「整返個韓仔頭就靚仔曬」。

Photo from 連登

其他DIOR代言造型正常

事實上，張家朗亦有不少與DIOR合作拍攝的硬照，造型都很正常，有不少粉絲大讚「靚仔」，更有網民笑指：「同化妝師和好如初？定係已經炒咗？」似乎是個別造型的問題。

Photo from 張家朗IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

ViuTV推《造型師大賽》193擔正網民讚終於有時裝節目建議許廷鏗造型師參賽?

7 Sep 2022

ViuTV嘅《尾二一屆口罩小姐》即將進入總決賽，而Viu已經為下個節目做準備，黎緊將會舉行新嘅選秀節目《造型師大賽》！以時裝同潮流文化作賣點，仲有ERROR嘅潮人193郭嘉駿做主持之一﹐唔少網民都表示期待！

Photo from ViuTV Facebook

新節目《造型師大賽》

自MIRROR紅館演唱會嚴重事故後，MIRROR 12子都要停工兩個月，ViuTV抽起唔少同MIRROR有關嘅節目﹐仲停止更新近一個月，最近終於進行新節目嘅大型招募，節目暫名為《造型師大賽》，仲由ERROR成員193郭嘉駿任主持之一！ERROR 4子近日一齊主持《尾二一屆口罩小姐》引起唔少討論度，今次節目更加開正193嗰範！

Photo from IG＠error.weare

Photo from IG@deniskwok193

熱愛時裝就可參賽

參賽者方面，今次比賽參加者嘅經驗不拘，背景、職業不限，就算係學生或全職媽媽都唔拘，只要熱愛時裝就可以參加，相當自由。冠軍更會獲得與不同藝人合作嘅機會，並透過節目正式加入造型師行業，相信反應會非常熱烈。

Photo from IG@deniskwok193

網民讚好終於有時裝節目

節目消息一傳出後獲得網民一致讚好，認為香港終於都有節目講時裝同潮流文化，更笑言ViuTV嘅女團COLLAR多次被指造型炒車，根本先係時裝車禍現場，相信可以藉今次機會吸納新人，「換走ViuTV原有嘅造型師團隊」！有網民留言希望唔好再成日有「假素人」玩完又玩，仲有網民推薦早前鬧出「撞衫風波」嘅許廷鏗造型師Ray參賽，仲睇好佢會拎冠軍！

Photo from ViuTV截圖

許廷鏗演唱會撞衫風波

早前許廷鏗同C AllStar成員King係演唱會撞衫﹐雖然兩位當事人都唔太介意，仲轉發網友畫嘅「撞衫一刻」畫，明顯都唔覺尷尬，仲引起大家都想買呢件衫嘅熱潮！不過許廷鏗嘅造型師RAY就寸爆指對C Allstar完全無興趣，無聽佢地嘅歌更唔會留意佢地，所以唔知佢地係嘉賓，更指覺得許廷鏗著得好睇好多。事件最後由許廷鏗出面道歉，不過網民仍狠批佢態度差，無禮貌又唔識尊重，指佢唔識C AllStar唔緊要，但做人有品德先最重要，應該由佢自己出黎道歉。