58歲婦人與年輕32歲男子結婚！為老公整容變後生，悲慘近況公開
內地一位58歲婦人馬玉琴因為同小學同學兒子結婚而引起熱議，老公李玉成比佢年輕32歲，「母子戀」一直不被外界睇好，而馬玉琴為咗襯得起年輕嘅丈夫更不惜整容回春！事隔二十多年，呢對夫婦嘅現況令人唏噓不已。
內地「母子戀」8歲李玉成時欣賞馬玉琴表演勁崇拜
內地一對「老少戀」夫妻十分知名，妻子馬玉琴年輕時係東北二人轉演員，喺當地頗有知名度，1977年40歲嘅馬玉琴巡回演出時遇上時年8歲嘅李玉成，李玉成欣賞表演時被女方嘅演出深深吸引，內心亦對佢非常崇拜。
睇完表演後李玉成仍念念不忘，返到屋企忍唔住大讚馬玉琴，佢嘅爸爸就表示自己讀小學嗰陣曾經同過馬玉琴做同學，兩人亦因此有唔少見面機會。李玉成更苦練二人轉，希望有一日可以同偶像馬玉琴同台演出。
李玉成26歲戀上58歲婦人馬玉琴，表白後兩人不顧反對結婚
到李玉成26歲嗰年佢最終達成心願，同馬玉琴拍檔表演二人轉。喺每日相處中李玉成漸漸對馬玉琴產生情愫，由對偶像嘅崇拜變成愛慕，於是佢鼓起勇氣向馬玉琴表白。馬玉琴丈夫早逝，獨身生活嘅佢亦被李玉成吸引，雖然兩人相差32歲，但真愛衝破一切困難，即使面對馬玉琴2個兒子、李玉成父母嘅反對，佢哋最終都攜手走入婚姻殿堂。
李玉成母親甚至因為不滿兒子同馬玉琴結婚而病倒後離世，但一切都無阻兩人相愛，反而更加堅定，1996年馬玉琴同李玉成正式結成夫婦。婚後佢人搬離原來所住嘅農村，為養家糊口，李玉成去電線桿上拆鋼筋拎去賣，更因此被舉報。
馬玉琴為年輕丈夫整容變後生
至於馬玉琴有感同李玉成相差32歲，為咗睇落同年輕嘅丈夫更為般配，當時60歲馬玉琴不惜去醫院整容拉皮，想回春變返30歲嘅外型，然而拉皮未能長時間維持緊緻嘅皮膚，所以馬玉琴好快就「打回原狀」變返滿面皺紋。不過呢對夫妻嘅故事卻引起外界關注，唔少節目邀請佢哋做嘉賓。
變網紅後近年兩人拍片賺過百萬
一時間李玉成馬玉琴夫婦竟成網紅，佢哋更開設帳號喺網上分享短片公開夫妻平時嘅生活，近年甚至仲開始直播帶貨，估計年收入過百萬。有人感歎佢哋一齊咁多年係真愛，祝福兩人一生長長久久，但亦有網民認為馬玉琴同李玉成只係為賺錢先一齊拍片晒恩愛。
傳李玉成當馬玉琴搖錢樹，已低調離婚另娶他人
近日有網民發現李玉成開始同一名30歲女子拍攝短片，其實之前嘅短片中就有人指李玉成不停要求已逾80歲嘅妻子拍手畀反應，直斥佢當馬玉琴係搖錢樹。早年兩人曾上節目，當時李玉成就表示妻子無生育能力要同佢離婚。
有傳兩人早已辦理離婚手續，現年86歲嘅馬玉琴為彌補丈夫李玉成損失嘅青春，更將位於縣城嘅一層樓留畀對方，自己則係跟隨兒孫生活。有指李玉成已另結新歡，準備再婚，但打算低調迎娶新妻子。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
29歲男子愛上50歲大媽！相戀兩年花光73萬積蓄，女友避而不見：我都唔鍾意佢
18 Nov 2022
「只要相愛可以衝破一切難關！」中國內地29歲男子戀上50歲女士，21歲嘅年齡差距阻止唔到男子熱烈嘅愛意，兩人戀愛兩年，期間男子為女友花盡積蓄，事後50歲女友開始避見男子，更直言一路都唔鍾意佢！
Photo from 微博
現實不少「阿姨我不想努力了」例子
愛情嘅魔力實在強大，年齡從來唔係問題，現實有唔少年輕男子愛上中年女士嘅例子，佢哋唔介意大眾嘅目光，不過總係有人會猜測係咪女方好有錢，出於「阿姨我不想努力了」嘅心態先會無視年齡差成為戀人。
Photo from TVB
但內地一對情侶嘅情況就完全相反。喺河南有一位男子叫小華（化名），年齡29歲但性格內向嘅佢甚少主動追求心儀女性，感情生活一直空白。
Photo from 微博
29歲小華愛上51歲離婚大媽
小華畢業後到大城市打工，結識咗一位50歲嘅女士，雖然呢位女士離過婚，但小華不顧世俗眼光，勇於追求所愛，隨即同50歲中年女士展開熱戀。
Photo from 微博
小華為女友花盡73萬積蓄
雖然兩年相差21歲，小華認為佢哋嘅愛情可以跨越年齡界限。交往期間小華同女友到處遊玩，而且出手闊綽，為女友花費非常大方，不過佢無考慮好自己嘅經濟實力，短短兩年就使晒父母48萬人民幣（約$59萬港元）以及小華自己儲嘅12萬人民幣（約$15萬港元）積蓄。
Photo from 微博
小華父母欲哭無淚，指積蓄包括留畀兒子買樓嘅支出，依家兩老同小華合共60萬人民幣（約$73萬港元）積蓄所剩無幾。
Photo from 微博
女友開始避而不見小華，指對方花錢係自願
小華為女友花盡家產，但對方開始疏遠小華，漸漸更對佢避而不見。小華為見不惜用盡各種方法，後來女友稱自己結過一次婚，又已踏入50歲年紀，早就睇淡咗婚姻，現階段只想戀愛無意結婚。
Photo from 微博
Photo from 微博
女友堅稱自己先係受害者，又表示其實唔鍾意小華，一直都係對方一廂情願，為咗同小華分手佢先避而不見，希望可以漸漸遠離小華。
Photo from 微博
小華父母希望女友可以還返啲錢畀佢哋，女方即刻表示小華用錢一直都係自願，佢從未要求過，亦無可能還錢，態度十分強硬。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
