新加坡男表白被拒後起訴女方，認識4年被friend zone，要求賠償精神損失

新加坡一名男子向一名認識4年嘅女子表白後，對方表示兩人只係朋友拒絕，但男子竟因此上訴，稱對方此舉對自己造成「心理創傷」及各種損失，要求賠償自己嘅精神損失。

Photo from 《偉大的show》劇照

聲稱造成心理創傷

據外媒報道，新加坡無人機公司D1 Racing嘅行政總裁K Kawshigan，因向女子Nora Tan Shu Mei求愛不遂而提出控告。據知，兩人2016年於社交活動上認識，2020年9月，男方向對方表明心意，並指視Nora為「最親密嘅朋友」，但女方表示淨係當佢係普通朋友，並提出減少兩人接觸。於是喺1個月後，被拒絕嘅Kawshigan向Nora發出索償信，指告白被拒令自己造成「心理創傷」，要求女方賠償自己嘅精神損失。

Photo from Daily Mail

即睇更多人氣文章：
婦人見去世9年老公現身餐廳！店方稱影片為上周拍攝，真相公開？！
內地版高顏值豬肉佬「佩奇哥」爆紅，網民話似賴冠霖，大讚務實貼地！

兩度提出起訴

據法院於上月28日公開嘅法庭文件顯示，Kawshigan提出過兩項起訴，最初佢向Nora索償2.2萬新加坡元（港幣約13萬元），聲稱對方喺改善雙方關係上「破壞約定」，但被法院駁回，指Kawshigan係濫用法庭程序，以達到威脅女方嘅目的。其後，Kawshigan向高等法院提交控訴，要求索償300萬新加坡元（港幣約1800萬元），聲稱Nora嘅行為損害自己嘅「良好聲譽」，於過去兩年造成心理創傷及抑鬱，仲話自己因此失去5個商業夥伴。案件將於本月9日審理。

Photo from 《紀念日》劇照

曾一同接受心理輔導

據報，兩人曾一同接受心理輔導，但經過一年半嘅輔導，Nora認為冇意義而結束。事後，Nora表示，Kawshigan多次騷擾，並提出約會要求，於是緊急申請保護令，並針對Kawshigan嘅指控展開法律程序。

Photo from 《來自星星的你》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男傾偈幾個月向女網友表白後拍拖！交換相見對方唔靚感後悔！網友：次序錯晒

3 Aug 2021

呢個世代唔少年輕人都會喺網上結交朋友，有網民就喺討論區發文指自己同咗一位女網友拍拖，但最近兩人交換相之後佢感到後悔，指「唔係我個type」，仲有分手打算！

Photo from TVB

老一輩有「筆友」，依家嘅年輕人就有「網友」，有唔少人更會同網友發展成情侶關係。喺連登討論區就有網民以「同左女網友拍拖」為題開post。

Photo from TVB

樓主表示一開始覺得女網友把聲幾甜幾正，於是就展開攻勢，熱烈咁「追求」對方，「追求」咗5～6個月，期間兩人一齊經歷咗好多嘢。

Photo from TVB

樓主終於喺5月中同女網友表白，對方亦都接受咗，兩人正式成為男女朋友，當時樓主就指既然一齊咗咁不如交換相啦，但女友就唔係好肯。

Photo from TVB

喺樓主說服之下女友終同意交換相，但樓主一睇到對方個樣就感到後悔！樓主表示本身以為女友又靚女又瘦，但實際上「同我嘅想像中好大嘅出入」

Photo from TVB

Photo from TVB

佢指外型唔係對方嘅優點，女友優點係讀書勁。樓主話佢自己一開始都無表現得咁明顯但佢諗女友都知咩事。

Photo from TVB

樓主之後開始好Hea咁對女友，女友應承樓主會減肥日日跳舞，但樓主就話「因為唔係我個type」，又指覺得對方瘦咗都唔會靚得去邊。

Photo from TVB

雖然樓主每晚臨瞓前都不停同自己講「我接受到」，但佢同女友約好會喺8月中見面，樓主表示：「如果到時我都係接受唔到架話我諗都係會結束呢段關係」

Photo from TVB

網友就認為樓主一開始同女友交往嘅次序就已經錯咗：「樣都未見過就表白」，樓主都同意自己「開錯頭」，對認感到十分後悔。

Photo from lihkg

Photo from lihkg

有網友就問樓主係中意對方個人定係樣，樓主就指女友：「人好好，脾氣又好但係唔係個type」，亦有網民叫樓主下次唔好：「人哋真係慘」

Photo from lihkg

Photo from lihkg

亦有網友驚訝樓主仲未見過女友真人：「佢比你果張可能已經P瘦咗」

Photo from lihkg