港姐冠軍宋宛穎加入《愛回家》引議，「朱LingCandy」CP突然被拆，網民嬲爆：港姐唔係大晒！

By Wing Ws on 06 Feb 2023

Digital Content Writer

TVB《愛．回家之開心速遞》再有港姐冠軍加入，噚晚（5日）嘅最新一集，就有2021年香港小姐冠軍宋宛穎(Sabrina)，飾演片場美術指導Tiffany，首次登場嘅Sabrina已經有嘴戲，不過就搞到「拆CP」，令唔少網民大嘆戥追咗一段時間嘅CP感到不忿，更有人直言唔鍾意Tiffany！

Photo from 宋宛穎 IG

新角色介入三角戀

適逢元宵，《愛回家》噚晚播出第1856集「愛人的戀人」，講到Candy（葉蒨文飾）因自製「愛心麵包」，認為因此同朱凌凌（吳偉豪飾）關係更進一步。咁啱片場新嚟咗一位美術指導Tiffany﹐為答謝Tiffany幫Candy修理錶帶，朱Ling打算挑選手鐲送Tiffany，得知原由嘅Candy於是帶朱凌凌揀翡翠玉鐲，但Tiffany意外未有嫌棄，更收獲好評，令獻計想離間二人嘅Candy受挫。

Photo from YouTube TVB (official)

其後，得知朱Ling因道具「走馬燈」而煩惱，Candy四出搜尋，最後喺書蟲（林浩文飾）嘅幫助下搵到。元宵節晚上，Candy帶同「走馬燈」趕到片場，希望畀朱Ling驚喜。卻意外撞正兩人親吻，最終Candy心碎離開。雖然書蟲有意追Candy，但都被Candy決意拒絕。

Photo from YouTube TVB (official)

突然拆CP惹民憤

第一次拍劇就有嘴戲，仲係同朱Ling拍感情戲，睇嚟Sabrina都有幾重戲份！不過，新角色嘅出現介入咗朱Ling、Candy及書蟲嘅三角戀，呢段虐心戲令觀眾大呼心痛之餘，更有睇好朱Ling、Candy一對嘅fans感到不滿，直斥編劇以「拆CP式」方式棒新人：「唔鍾意Tiffany，還我朱Ling同Candy一齊」、「港姐唔係大曬架，俾d鋪排得唔得」、「請公司看看大家既留言，從未試過咁不滿愛回家劇情」；有網民指出，劇情中「外型話Candy隻手仲粗過Tiffany」一點無說服力：「宋小姐咁大件，當d觀眾盲嘅咩」、「Tiffany骨架大過candy，都好意思咁寫」，另外，唔少人覺得，朱Ling同Tiffany突然就錫咗都好唔合理。更有網民認為觀眾日後會好難接受宋宛穎，「因為好多朱Ling同Candy既CP粉」。

Photo from YouTube TVB (official)

Photo from TVB FB

Photo from YouTube TVB (official)

Photo from TVB FB

TVB有意棒宋宛穎？

前年港姐奪冠後，Sabrina都做咗幾個無線大騷嘅主持工作，包括《萬千星輝賀台慶》、《新春開運王》及《北京冬奧》等，近日接受傳媒訪問時表示想挑戰拍戲。有指藝人馮盈盈去年曝光率大減，TVB有意棒同為港組冠軍嘅宋宛穎，並取代馮盈盈。

Photo from 宋宛穎 IG

北上拍真人騷

事實上，Sabrina喺港姐完騷之後，就開咗小紅書帳號，分享生活、工作日常，現時粉絲人數達1.1萬，去年Sabrina更參與咗首個TVB與內地合作綜藝《加油小站》，北上到內地拍攝。相信有過綜藝、電視劇等拍攝經驗，Sabrina日後會有更多機會喺觀眾眼前曝光。

Photo from 宋宛穎 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

馮盈盈被傳犯3宗罪激嬲TVB入雪櫃想公開地下情犯忌將被宋宛穎取代？

14 Feb 2022

前港姐冠軍馮盈盈（Crystal）正式加入TVB後備受力捧，曾參演多套劇集與綜藝節目。但近期佢曝光率大減，據聞佢犯了3宗罪觸怒TVB高層，所以遭掟入雪櫃，甚至其有份主演嘅《逆天奇案》開拍續集，今次都疑似被Out。

Photo from 馮盈盈 IG

馮盈盈犯3宗罪致曝光率大減？

27歲馮盈盈2016年贏得香港小姐冠軍，之後人氣頗高，曾有份主持《後生仔傾吓偈》、主演《智能愛人》、《逆天奇案》，更憑在《果欄中的江湖大嫂》演出勇奪「飛躍進步女藝員」一獎。《逆天奇案》總監製劉家豪近日在微博宣佈已落實開拍《逆天》續集，並在帖文Tag了一眾有份演出演員，如陳展鵬、林夏薇等，卻未有Tag馮盈盈，疑似無份拍續集。

Photo from TVB

Photo from 劉家豪微博

有傳想公開戀情被無綫拒絕

近期Crystal未有新作品面世，原因有傳係佢犯了3個大錯得罪無綫，第一宗罪係有指佢前年與「大隻主播」鄭衍峰（Leonard）交往，Crystal當時想將地下情轉為地面，但被無綫反對。30歲鄭衍峰於加拿大土生土長，畢業於當地名校UBC（英屬哥倫比亞大學），回流返港後加入TVB，曾主持無綫娛樂新聞，又拍過旅遊節目《3日2夜》，曾同多位女星合作，例如鄺潔楹、陳詩欣等，亦有份主持過《後生仔傾吓偈》。