download HolidaySmart 假期日常 app
Ali李佳芯20年前舊照出土！高達展任模特兒，藍色眼影超搶鏡

Ali李佳芯20年前舊照出土！高達展任模特兒，藍色眼影超搶鏡

娛樂新聞
By Jennifer on 06 Feb 2023
Digital Editor
今晚食乜餸：小二，嚟一碟花生！

現年40歲嘅李佳芯（Ali）向來有觀眾緣，而且keep得超好，獲網民大讚有氣質又有女人味！最近有網友喺YouTube片晒出Ali於2003年擔任高達展模特兒嘅相片，當年僅21歲嘅Ali嘅藍色眼影妝容引起網友熱議。

現年40歲嘅李佳芯（Ali）向來有觀眾緣，而且keep得超好，獲網民大讚有氣質又有女人味！Photo from 李佳芯IG

視后李佳芯（Ali）雖然經歷過「雪藏」，但憑住超強觀眾緣，佢主演嘅《有種好男人》即使被安排喺「炮灰檔」播出亦好好收視！Ali於劇中更由頭帶到尾，每集Ali嘅靚樣都會成為焦點，令網友睇晒全劇。

李佳芯主演嘅《有種好男人》即使被安排喺「炮灰檔」播出亦好好收視Photo from 李佳芯IG

Ali年過40但美貌依然，外型keep得咁好，完全睇唔出真實年齡！Ali中學嘅學生相已經係大眼瓜子臉嘅標準女神外型，唔少網友都表示Ali天生麗質，中學時期已有女神初長成模樣。

Ali中學嘅學生相已經係大眼瓜子臉嘅標準女神外型Photo from 李佳芯IG

高海寧就曾經喺IG公開同Ali嘅素顏合照，Ali素顏相當清純，加上皮膚都好好，即使無化妝亦有唔少網民表示Ali好有氣質。近日網上就有人晒出Ali 20年前嘅舊照，掀起熱議。

高海寧就曾經喺IG公開同Ali嘅素顏合照Photo from 高海寧IG

近日網上就有人晒出Ali 20年前嘅舊照，掀起熱議。Photo from 李佳芯IG

Ali畢業後曾做模特兒，出演過好多廣告，據網友喺其個人YouTube頻道中提及有關相片係喺2003年高達展覽上拍攝，當年Ali僅21歲，應該係模特兒時期嘅照片。

Ali畢業後曾做模特兒Photo from YouTube @銅鑼灣小志強

有關相片係喺2003年高達展覽上拍攝Photo from YouTube @銅鑼灣小志強

當年Ali僅21歲Photo from YouTube @銅鑼灣小志強

21歲嘅Ali臉上仲有啲baby fat，非常青春，而且當年嘅化妝技術同依家都有好大嘅分別，Ali嘅藍色眼影十分搶眼，真係唔係人人都carry到！而Ali作為模特兒面對鏡頭表現淡定，相信佢已習慣拍攝。

21歲嘅Ali臉上仲有啲baby fatPhoto from YouTube @銅鑼灣小志強

Ali作為模特兒面對鏡頭表現淡定Photo from YouTube @銅鑼灣小志強

當年嘅化妝技術同依家都有好大嘅分別，Ali嘅藍色眼影十分搶眼Photo from YouTube @銅鑼灣小志強

有網民稱Ali依家同舊照氣質有好大分別，差啲認唔出，不過亦有網友表示Ali五官零變化，只係baby fat無咗，加上依家嘅化妝技術發展，令佢越嚟越靚。

有網友表示Ali五官零變化，只係baby fat無咗Photo from 李佳芯IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

10件事重新認識李佳芯！破視后紀錄、醉心水墨畫、演狐狸精上位？

6 Jan 2023

視后李佳芯（Ali）入行18年，形象健康，觀眾緣極佳！最近播出嘅《有種好男人》Ali嘅演出大獲好評，即使被安排喺「炮灰檔」播出亦好好收視！而佢嘅感情生活亦一直備受關注，但其實大家有無真正了解Ali呢，以下帶你重新認識李佳芯！

最近播出嘅《有種好男人》Ali嘅演出大獲好評，即使被安排喺「炮灰檔」播出亦好好收視Photo from Ali IG

#原名李嘉馨

Ali 2008年以「李嘉馨」呢個原名簽約有線電視，佢喺有線擔任體育主持，曾經採訪過北京奧運，之後開始主持有線電視娛樂台節目，傻大姐形象受頗受歡迎。

Ali 2008年以「李嘉馨」呢個原名簽約有線電視Photo from 李佳芯IG

#改名全因筆劃太硬？

改名做「李佳芯」原來都有段故，Ali曾有一段時間健康唔係咁好，佢嘅美術老師曾指「李嘉馨」三個字嘅筆畫對女人嚟講太「硬」，而「佳芯」同「嘉馨」兩個名嘅普通話讀音差唔多，適逢當時佢轉投新公司TVB，於是就用「李佳芯」呢個名，結果改咗名佢健康好返，而且喺TVB亦有唔少工作，新名對佢事展發展都有幫助。

Ali曾有一段時間健康唔係咁好，佢嘅美術老師曾指「李嘉馨」三個字嘅筆畫對女人嚟講太「硬」Photo from 李佳芯IG

#演狐狸精上位

Ali一入TVB即獲安排主持資訊節目《學是學非》，成節目第一代「是非精」，不過喺佢拍劇越嚟越多後就退出咗。Ali於2014年嘅台慶劇《名門暗戰》中飾演岳華情婦余詩琳，劇中更有大膽演出，開始獲觀眾關注，之後佢喺唔同嘅劇集都有飾演過一啲風騷、勾人角色，被封為「御用狐狸精」！

Ali於2014年嘅台慶劇《名門暗戰》中飾演岳華情婦余詩琳，劇中更有大膽演出Photo from 《名門暗戰》

#破視后紀錄

2012年轉投TVB嘅Ali好快獲力捧，於2016年憑《潮流教主》、《巨輪2》、《律政強人》、《學是學非》等劇集、節目，成功奪得「飛躍進步女藝員」，攞咗女飛躍僅過咗2年，佢即憑《BB來了》首奪2018年「最佳女主角」，創下奪得飛躍進步獎後封視后嘅最快紀錄！

李佳芯創下奪得飛躍進步獎後封視后嘅最快紀錄！Photo from 李佳芯IG

#曾經開店做老闆娘

Ali於2015年曾同朋友合資開舖，店名係「朴Park」，店舖集髮型屋、Workshop、時裝店、cafe於一身，不過後來佢已退股。

Ali於2015年曾同朋友合資開舖Photo from 李佳芯Facebook

#係台灣畫家胡凱評門生

原來Ali係台灣畫家胡凱評嘅學生，胡凱評曾旅居香港，對中西繪畫都有研究，而Ali興趣就係畫水墨畫！

Ali係台灣畫家胡凱評嘅學生Photo from 李佳芯IG

#曾開過畫展

醉心水墨畫嘅Ali修讀香港城市大學專上學院嘅視覺藝術副學士，亦曾同同學開過畫展～

醉心水墨畫嘅Ali修讀香港城市大學專上學院嘅視覺藝術副學士，亦曾同同學開過畫展～Photo from 李佳芯IG

#出版過散文集

2020年Ali推出散文集《心之所往》，佢表示自己唔係作家，只係想記錄一啲事，透過新書講自己嘅內心世界。

2020年Ali推出散文集《心之所往》Photo from 李佳芯IG

李佳芯IGPhoto from 李佳芯IG

#被封魔音

Ali拍劇就攞到視后證明自己，不過原來佢唱歌曾經被人笑！Ali之前喺商場出席活動時演唱Hebe嘅《小幸運》，但被封為「魔音」，之後更成為咗一個話題，不過佢後來上《流行經典50年》唱《幸運是我》，唱功獲讚大有進步，成功一雪前恥！

Ali之前喺商場出席活動時演唱Hebe嘅《小幸運》，但被封為「魔音」Photo from 李佳芯IG

即睇片：

#入行後與同劇合作對象零緋聞

Ali曾經同舞台劇演員陳炳銓拍拖，相戀以嚟一直被外間指係「美女與野獸」，但佢哋感情穩定，而Ali參演眾多劇集，就算喺劇中飾演第三者都未曾與同劇演員傳過緋聞！不過Ali回復單身後曾同「蟲草大王」陳恩德傳出緋聞，Ali更要發文澄清佢從未同對方發展任何關係。

Ali同舞台劇演員陳炳銓拍拖6年，相戀以嚟一直被外間指係「美女與野獸」Photo from 李佳芯IG

Ali回復單身後曾同「蟲草大王」陳恩德傳出緋聞，Ali更要發文澄清佢從未同對方發展任何關係。Photo from Ali IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

李佳芯娛樂新聞對比照舊照