台灣燈會2023盛大登場！市內超過300件傳統／藝術燈飾！大量兔兔出沒！

By Wing Ws on 07 Feb 2023

Digital Content Writer

今年嘅台灣燈會揭幕啦！上星期開始嘅試營運日據悉已經吸引咗逾50萬人到場參觀，加上今次係台灣疫情解封後嘅大型活動，唔少民眾事前都好期待！事隔23年，台灣燈會再次喺返台北舉辦，今年燈會以「光源台北」為主題，燈飾作品遍佈捷運站、商圈、松山文創園區、國父紀念館、台北101等地，主要分為光展區、源展區、未來展區及中央展區4大展區，設有1座主燈、6座副燈及12行政燈區，展出超過300件作品。一齊睇吓今年嘅燈飾展有咩特別啦！

Photo from 2023台灣燈會在台北官網

光展區

位於東區商圈嘅「光展區」係今次燈會佔地最大嘅展區，設置16件燈飾作品，包括陳普嘅《future shuttle 未來・穿梭・兔子洞》、原住民藝術家峇岦嵐偲嘅《巢詠》、朱自康嘅《彩虹教堂》，將藝術設計融入都市中。

Photo from 2023台灣燈會在台北官網

源展區

位於松山文創園區嘅源展區，共有25件作品，出自原住民、新住民及客家等藝術家之手，畀觀眾感受多元文化！如《島上的女人樹》、《湖面的星星》、《水是銀河土地是光》，都係特別嘅作品！其中，松菸廣場嘅副燈《台北兔給樂》，每晚5至10點每半個鐘會有一場沉浸式裸眼3D演出。

Photo from 2023台灣燈會在台北官網

未來展區

位於信義商圈嘅未來展區，係台灣最具時尚潮流嘅商業區，匯集各大國際知名品牌、企業集團，當中展示嘅19件作品融合潮流文化、數位科技、永續未來嘅元素，令建築本身成為作品，當中嘅最大亮點係化身最高花燈嘅台北101，聯同藝術家賴雨農設計嘅似兔非兔限定角色「T2」，每晚5:15至9:45每半個鐘會有一場浪漫燈光展！另外，大家可以喺四四南村見到《熊大兔兔小農村》、《Hi！兔兔》與《兔兔茶園》3個LINE FRIENDS作品，鍾意熊大同兔兔嘅朋友唔好錯過啦！

Photo from 2023台灣燈會在台北官網

中央展區

位於國父紀念館及北市府廣場（南、北兩區）嘅中央展區，包含——主燈、三副燈、六大燈區，主燈「玉兔壯彩」座落於國父紀念館，造型以玉兔為主題，由藝術家李明道設計高達22公尺嘅Robot造型玉兔為主燈，三座副燈分別以「蟠龍獻瑞」致敬千禧年台灣燈會九龍燈意象、「從心出發」以感恩之心感謝疫情期間辛勞嘅醫護人員，以及「躍動未來」打造，結合傳統技藝與機械，有別以往傳統花燈形式嘅科技副燈。

Photo from 2023台灣燈會在台北官網

12行政燈區

喺燈會主展區之外，12行政燈區設於台北各地，與民間宗教、企業、學校團體資源共同創作，12個燈區打造「自然生態」、「人文特色」、「文化藝術」及「宗教民俗」四大主題，大家漫遊各景點嘅同時，亦可以感受台北嘅唔同風貌。

Photo from 2023台灣燈會在台北官網

「大展虹兔」小提燈

今年喺台北除咗出街賞燈會外，官方亦設計咗兔年小提燈，可以畀大眾拎住提燈行燈會。今年嘅提燈以《愛麗絲夢遊仙境》中嘅白兔為發想，唔止係提燈，仲可以組裝成帽戴！不過呢款提燈需要於線上預約，大家有興趣嘅話，可以去官方網站查詢。

Photo from 2023台灣燈會在台北官網

Photo from 交通部觀光局 YouTube

2023台灣燈會在台北
日期：即日起至2023年2月19日
亮燈時間：17:00-22:00
官方網站：https://tw-light.taipei/

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

橫濱紅磚倉庫草莓祭2月登場，免費任食/十週年限定菜單/粉紅打卡位

27 Jan 2023

一年一度士多啤梨當造嘅時候又到喇！日本橫濱紅磚倉庫草莓祭典 Yokohama Strawberry Festival 2023自 2013 年開辦以嚟，至今已邁向 10 週年，成功創下累計160萬人到場。而每年2月都會舉辦嘅「橫濱草莓祭典」今年依舊會喺橫濱紅磚倉舉行，想參加呢場士多啤梨界嘅盛事，就要快啲買機票啦！