丁子朗驚現超高鼻樑！被質疑曾整容：同選港男嗰陣差好遠
Photo from TVB
丁子朗選香港先生入行，近年備受力捧
丁子朗參加《2016年度香港先生選舉》，當時佢以19歲之齡奪得「最上鏡先生」、「現場最受歡迎香港先生」及亞軍。丁子朗自2018年開始出演電視劇，近年戲份越嚟越重，又參加唔同嘅綜藝節目，成為TVB新一代力捧對象。
Photo from TVB
Photo from TVB
丁子朗更於2021年嘅《萬千星輝頒獎典禮》與羅天宇同時奪得「飛躍進步男藝員」，除咗拍劇同上綜藝，丁子朗更獲安排主持台慶、萬千星輝頒獎禮、香港小姐決賽等大型節目，獲委以重用嘅丁子朗近年星途相當順利。
Photo from TVB
超高鼻樑掀熱議，網民質疑整容？！
近日有網友就觀察到丁子朗五官精緻咗唔少，尤其係個鼻。從丁子朗公開嘅IG相可見，丁子朗嘅鼻樑又直又高，非常搶眼，有網友就指同佢以前參選港男時外型有分別。
Photo from 丁子朗IG
Photo from 丁子朗IG
Photo from TVB
2016年選港男時丁子朗僅19歲，雖然外型整體變化不大，但鼻子明顯無依家咁高咁挺。唔知係角度定化妝嘅原因，丁子朗IG嘅自拍除咗鼻樑變直外，山根位都挺咗好多。有網民質疑佢曾整容：「鼻樑好似墊高咗」、「似俾人打腫左個鼻」
Photo from TVB
Photo from 丁子朗IG
Photo from LIHKG
Photo from LIHKG
與郭柏妍傳出緋聞，網友羨慕丁子朗
比較返佢近日出席活動時嘅片段，鼻子挺直嘅情況未有好似相中咁明顯，不過都比以前高。因此亦有人認為只係角度嘅問題，或者係佢影相有filter之類先顯得鼻樑高咗。
Photo from TVB
Photo from TVB
Photo from TVB
丁子朗事業發展順利，另一方面佢同港姐郭柏妍傳出緋聞，雖然兩人否認但有網友卻指郭柏妍係「A0」，對丁子朗成佢緋聞男友大表羨慕！
Photo from 丁子朗IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳嘉倩歷年樣貌進化史! 多張舊照曝光，惹整容疑雲
25 Nov 2022
前TVB新聞主播陳嘉倩因為亮眼嘅外表，曾經俾唔少網民封為女神，仲稱呼佢為「嘉倩BB」。不過最近佢上電視節目嘅表現同態度都受到網民嘅批評，仲有網民翻出佢以前嘅舊照，發現佢嘅面型同樣貌都有少少唔同咗？！
Photo from 陳嘉倩IG
陳嘉倩曾經喺now TV同埋TVB新聞部做主播，口才了得，無論係報新聞、報天氣定做節目主持人，都非常受觀眾歡迎！近排，佢又再一次活躍於幕前，經常喺ViuTV嘅綜藝節目出現。
Photo from 陳嘉倩IG
Photo from 《學神出沒注意》
網上亦都流傳咗唔少陳嘉倩中學時期嘅照片，有網民就表示同佢就讀同一間中學，話佢以前已經係校花，有好多追求者！由照片中所見，陳嘉倩中學時五官標緻，十分清秀同有氣質。
Photo from 連登討論區
Photo from 連登討論區
陳嘉倩最初係擔任香港電台節目《388放題》嘅主持人，當時嘅佢20幾歲樣貌睇落好細個，而且面圓圓依然有少少baby fat，相比之下五官亦冇而家咁深邃！佢自小就熱愛幕前工作，當時仲多次喺節目唱歌，而且仲唱得非常投入，後來就決定向新聞主播嘅方向發展。
Photo from 《388放題》
Photo from 《388放題》
睇番佢做新聞主播時嘅照片，佢嘅樣貌的確係比之前更加精緻，佢嘅面型亦都變得越嚟越V，鼻型嘅改變仲一度成為網民嘅熱話！
Photo from TVB
再睇睇近年陳嘉倩嘅照片，唔少網民都認為佢嘅雙眼皮變得更加明顯，鼻頭、鼻翼亦同以前有啲差別！唔知大家又點睇呢？
Photo from 陳嘉倩IG
Photo from 陳嘉倩IG
究竟係因為瘦咗而令五官變得更加立體，定佢嘅化妝技巧變好咗，就真係考究唔到喇～不過唔少網民都認為佢係應該有整過鼻，認為佢嘅鼻型好奇怪！
Photo from 連登討論區
Photo from 連登討論區
其實陳嘉倩都唔係完全冇負面新聞㗎，喺2017年底就被爆做人第三者，介入TVB演員朱婉禎與陳志遠（Stephen）嘅戀情，有傳陳嘉倩明知男方有女朋友但都同佢發展戀情，事後男方都承認自己的確有一腳踏兩船！呢件事令佢嘅形象瞬間插水，被冠上第三者之名。
Photo from 陳嘉倩IG
Photo from 陳嘉倩IG
可惜最近，陳嘉倩又再一次俾負面新聞纏身，俾唔少網民攻擊，先係話佢嘅駕駛態度差，之後喺《考有feel》又俾網民話玩遊戲出茅招，難怪佢早前會喺IG上載自己憔悴嘅素顏鼓勵自己！
Photo from 陳嘉倩IG
Photo from 陳嘉倩IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
