TVB「御用阿媽」程可為離巢2年，工作50年，坦言要改簽「一年一騷」約感難過

By Wing Ws on 07 Feb 2023

Digital Content Writer

71歲「御用阿媽」程可為喺TVB工作50年，近日喺媒體訪問中提到，原來佢喺2年前已經同TVB約滿，現時以自由身接工作。程可為坦言自己效力多年，但當時公司無再續約，並要佢由包薪形式改為簽「一年一騷」約，對此，程可為感到難過。

Photo from HKPAG 香港演藝人協會 YouTube

71歲資深演員程可為2年前與TVB約滿，當時TVB唔再包薪續約，改為簽「一年一騷」合約（即每年只計算一定數量劇集作薪酬），對於公司安排，程可為日前接受媒體訪問時坦言曾經有一段時間唔開心，因始終由第一期訓練班做到而家，工作大半世：「突然之間好似唔要你，會覺得個心唔舒服，心入面覺得難過。」但另一方面，程可為認為現時經濟不景氣，公司支出可能有所限制，加上自己年紀大，保險費高昂，認為：「（可以）體諒吓人、放寬吓去諗。」現時程可為以自由身接工作，正為港台電視劇開工，佢表示港台嘅開工時間比較規矩，呢次節目開工時間最早係朝早6點，最遲夜晚10點收工，好少拍通宵，仲講笑咁話，呢種工作時間對佢「而家咁嘅年齡係最適合」，相較之下，「TVB就唔理，佢編幾多場就要拍晒幾多場。」

Photo from myTV SUPER YouTube

曾被TVB力棒

程可為於1972年參加TVB第一期電視藝員訓練班，同期有許紹雄（Benz哥）、著名跨媒體工作者甘國亮，程可為曾經係電視台旗下力捧嘅花旦。程可為於1983年移民離開10幾年，並於1996年回流香港，再演出幕前，20多年間拍逾90多部劇集。作為一名資深甘草演員，程可為經常飾演主角嘅媽媽或長輩，慈母形象深入民心，因此被網民稱為「御用阿媽」，其飾演角色亦多次獲「最佳女配角」提名。程可為於去年播出嘅《白色強人2》、《美麗戰場》、《超能使者》均有參演，現時，程可為喺TVB尚未播映嘅劇集係《隱門》。

Photo from myTV SUPER YouTube

被指係圈中富婆？

另外，曾有報道指程可為係圈中富婆，經常出入富豪飯堂，對此，程可為就喺媒體訪談上講笑咁話：「富婆就唔使喺TVB捱啦，60幾歲仲要返工」、「所以慘囉，累死我，搞到稅局真係有幾千萬」。

Photo from 《宮心計》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

無線「御用婆婆」91歲許碧姬，照顧中風女兒19年，60歲入行做綠葉

14 Dec 2022

一套好的電視劇集，就算有再好的故事劇本，出色的男女主角，身邊都總需要一班綠葉演員去搭配，故事才會更加豐富完整。講起無線御用婆婆，你可能未必會知道其名字，但就一定曾在電視螢光幕前看過她的身影，她就是今年91歲的許碧姬。而原來，碧姬婆婆曾經照顧中風的大女兒長達19年，更因為女兒才選擇重返螢光幕。

Photo from Photo from 《日日媽媽聲》截圖

開展綠葉生涯全因兩個字

碧姬婆婆回想當日為何會投身綠葉演員的行列，原來全因兩個字「無聊」，當時快要60歲，兒女都已經長大不再需要照顧，日日閒來無事，於是某天看到報紙上寫著「招募演員，年齡不限」，想也不想便寄信應徵，因而展開差不多30年的綠葉演員生涯。

Photo from Photo from TVB劇集截圖

大女兒不幸中風

好景不常，原以為可以一心享受演戲的樂趣又不用擔心生計，未料大女兒於36歲時不幸中風，當時碧姬婆婆65歲，立即請假兩年沒有拍戲去照顧女兒，當時她一心等待政府的療養院，怎料一等就是六年，而這六年就於沙田的家中照顧插喉的女兒。後來大概是明白女兒這輩子都無法康復，就托鄰居閒時幫忙照顧女兒，她就復出拍攝，一來可以令生活更加充實，二來因為大女兒喜歡看電視，又喜歡不同藝人，雖然躺在病床上，但意識清醒。於是，碧姬婆婆就更用心去拍攝，每拍一部就跟眾演員合照集郵，然後回家再跟女兒分享片場發生的事情：「我大女一直好鐘意睇電視，又好鐘意啲明星嘅，咁我就覺得我去拍少少嘅戲，可以同啲明星影相，返到嚟可以俾佢睇，等佢開心多啲。」

Photo from Photo from 《日日媽媽聲》截圖

白頭人送黑頭人

繼2008年丈夫離世後，直到2015年大女兒亦逝世，碧姬婆婆雖然會感到寂寞，幸好女兒中風前曾跟她去過很多旅行，閒時再把舊照片拿出來細味，以慰藉內心一點空虛。碧姬婆婆亦坦言，大女兒足足病了19年漫長的時間，無論對照顧者定還是病者都是一種折磨，現在有個解脫亦希望她能早日安息。

Photo from Photo from 《日日媽媽聲》截圖

雖年事已高卻仍活在當下

對於今年已經91歲的碧姬婆婆來說，仍然抱著「活到老學到老」的心態，認為每次演戲都會學到新的知識，就連無線的司機都曾經好奇問過碧姬婆婆為什麼不退休享清福，要山長水遠出來做臨時演員，婆婆只回應他：「唔出來做，講嚟講去都係相同嘅嘢，會無嘢講。又有嘢學到，點解唔做？」能夠似碧姬婆婆般開朗又豁達的老人家已經少之又少，希望她可以一直健康快樂地繼續做她喜愛做的事情。