澳門飛索登陸葡京人，世界首個沉浸式城市飛索！日夜有唔同體驗！

By Wing Ws on 09 Feb 2023

Digital Content Writer

等咗3年，澳門終於恢復通關，現時放大假搭飛機去旅行可能會有啲困難，但相信近近哋去澳門玩返轉都係個唔錯嘅選擇。除咗玩笨豬跳，近年，再有一項新興嘅高空活動——澳門飛索，觀賞景點之餘，可以體驗獨特嘅飛行樂趣，非常適合一家大細、朋友一同參與。

Photo from ZIPCITY Macau FB

澳門飛索係世界首個沉浸式城市高空滑索娛樂景點，亦係世界排名第三逾388米長的城市滑索，滑行時速高達55公里，單係登上60米高嘅「起飛塔」，就可以一暏路氹金光大道嘅景色，飛索由澳門葡京人嘅「懷舊澳門區」起步，沿途標誌性嘅「澳門皇宮」建築。同時，澳門飛索有五條滑索，可以畀5個乘客同時飛行，可以即時與同行者分享感受。

Photo from ZIPCITY Macau FB

日夜體驗各有特色

澳門飛索係全天候營運嘅活動，日間及夜晚嘅體驗各有特色，日間可以飽覽澳門葡京人及金光大道嘅景色；入夜後就可以觀賞澳門夜景，結合音效及燈光，帶嚟刺激嘅體驗。

Photo from ZIPCITY Macau FB

免費照片及影片

此外，所有澳門飛索門票都包含免費照片及影片，由人工智能廣角攝像機拍攝、編輯，喺著陸數分鐘後就可以喺登陸店以電子形式取得，可以即時post相同家人、朋友分享！

Photo from ZIPCITY Macau FB

另外，澳門飛索有身高、體重等限制，7歲以上、身高達90cm嘅小童先可以參與，裙、高踭鞋就未必適合，天氣惡劣嘅情況下或會閉關。大家有興趣嘅話，出發前可以到官網訂票及參閱詳情。

Photo from 澳門飛索網站

澳門飛索
地址：路環溜冰路128號葡京人酒店L01樓R100號鋪
開放時間：2pm-10pm（逢星期四至日）
價錢：560澳門幣（日間門票，約港幣550元），665澳門幣（日間門票，約港幣650元）

官網：https://www.zipcity.com/zh-hant

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【澳門通關必睇Staycation懶人包！】一文睇清澳門酒店＋住宿＋活動！Mark實打卡最新必玩地標澳門倫敦人

13 Jan 2023

等咗咁耐，終於等到澳門通關啦，而家香港去澳門免核酸通關免隔離！小編最期待嘅就係約埋Friend一齊去澳門食住玩！咁耐冇去澳門，想知有咩最新澳門酒店＋活動？小編已經做足功課，Share畀大家啦～快啲Bookmark定以下攻略，睇定有咩好去處啦～

Photo from 澳門金沙度假區

交通Tips：
海上交通：金光飛航／噴射飛航
陸上交通：金巴／港澳快線，其中港澳快線直達澳門威尼斯人
以上交通班次逐步增加，最快1個鐘鬆啲就到澳門！

#必Check！澳門倫敦人一站式住宿＋打卡新熱點！

好想飛去英國倫敦大笨鐘打卡？而家去新開嘅澳門倫敦人都可以見到啦！酒店嘅外牆設計仲參考咗英國世界遺產威斯敏斯特宮，周圍都充滿濃厚嘅英式風格裝修，仲可以坐倫敦街頭黑的士，唔講以為去咗歐遊?呀！

1/水晶金殿

小編建議大家可以去水晶金殿，睇睇按照Piccadilly Circus 1:1比例建造嘅噴泉，喺「相愛之神」安忒洛斯前面同另一半影相，喺呢到仲可以睇到街頭藝人表演！

Photo from 澳門金沙度假區

2/美食推介 - 邱吉爾餐廳/ 北方鳴苑

影完靚相，推薦大家去隔離邱吉爾餐廳食吓嘢，喺維多利亞風嘅餐廳下食返個Brunch或者經典英式下午茶，食嘢打卡都一流。如果想品嚐中國美食，可以試吓匯聚山東、北京及內蒙古北方傳統名菜佳餚嘅北方鳴苑，餐廳裝潢設計以中國典雅大宅為參考，結合紅色及金色等中國傳統色調，加上象徵如意吉祥嘅金龍騰八角型拱頂，淨係環境氛圍都已經好吸引！澳門倫敦人嘅餐廳美食當然唔止咁少，仲有大師級中式美饌淮揚曉宴，又或者人氣之選太二酸菜魚及海底撈等等，喺英倫氛圍下品嚐特色美食！

Photo from 澳門金沙度假區

邱吉爾餐廳：https://bit.ly/3X65iLK

Photo from 澳門金沙度假區

北方鳴苑：https://bit.ly/3ivwowJ

Photo from 澳門金沙度假區

3/碧咸套房

澳門倫敦人最特別嘅房型係由碧咸親自參與設計嘅英倫風套房（目前僅限受邀貴賓），將倫敦最具代表性嘅設計以及碧咸獨有嘅品味同風格都一一展現出嚟，等你都可以感受萬人迷嘅5星級的家～

Photo from 澳門金沙度假區

4/路易套房＋維多利亞套房

除咗碧咸有份設計嘅套房之外，仲有可以直接預訂嘅路易套房（Louis Suite）同維多利亞套房（Victoria Suite），房入面就用咗英倫式嘅經典設計，加埋個維多利亞式浴缸，彷彿置身喺藝術館一樣！夠晒High-end～

Photo from 澳門金沙度假區

5/ 澳門倫敦人專屬會所華庭

雖然碧咸套房訂唔到，但係入住路易套房或維多利亞套房都可以去華庭 (The Residence），一個為住客提供獨家體驗嘅專屬會所，入面嘅設計靈感都係源自英國唔同嘅名人紅星同經典英倫住宅設計，打造傳統同現代元素合一嘅英式奢華會所體驗，可以感受到倫敦上流社會嘅奢華生活態度，喺呢度可以盡情免費享用Buffet、High Tea 同Cocktail。澳門倫敦人嘅餐飲Standard非常高，早餐Buffet水蟹粥同生蠔無限供應，仲有鮑魚粥、龍蝦Benedict、鮑魚糯米雞等等，下午茶亦係免費嘅，龍蝦三文治、鮑魚酥食到飽，夜晚Happy Hour時段，除咗特色Cocktail，仲有各種小食、生蠔、火腿等，夠晒Grand之餘，啱晒你打卡影靚相！

Photo from 澳門金沙度假區

#澳門活動深度遊！teamLab玩樂新玩法～

食飽飯，小編就推介大家去澳門最新嘅至Hit打卡點 - 澳門teamLab超自然空間！唔使去到日本都可以大影特影打個靚卡！澳門嘅teamLab空間超大，仲有成8米咁高，沉浸式嘅空間影相效果自然更加出色！另外入面仲有個無窮無盡嘅水晶宇宙，靚到好似喺夢境一樣！另外仲有好多靚到如幻似真嘅互動主題體驗，例如花與人的窪谷、光之雕刻、鼓動的大地⋯⋯打卡靚景實在多到數唔晒，近近哋去澳門威尼斯人就可以滿足你嘅願望！

即買澳門teamLab超自然空間門票： https://bit.ly/3XlqgpB

Photo from 澳門金沙度假區

#同場加映：澳門住宿推介！無私心Staycation好介紹～

除咗最新地標澳門倫敦人之外，當然唔少得大家都熟悉嘅澳門威尼斯人同澳門巴黎人。小編就私心推薦一路去開嘅澳門威尼斯人，建築似足意大利，仲可以搭埋戶外貢多拉船瘋狂影靚相！而小編朋友就去開澳門巴黎人，同男朋友去巴黎鐵塔同愛情鎖橋打卡Selfie，夠晒Sweet～酒店房夠新夠乾淨，加埋豪華裝修，絕對係5星級嘅享受～

Photo from 澳門金沙度假區

除咗上面提到全新打卡點，超有歐日度假Feel外，而家澳門倫敦人外墻每晚仲有光效匯演，配合多首英國主題音樂點亮金光大道，真係點影都靚！

Photo from 澳門金沙度假區

睇完小編介紹，係咪心郁郁想Book定酒店去玩呢？一於Bookmark定咁多個景點，拉埋朋友／另一半去澳門Staycation過足旅行癮啦～

享受全新英倫風格住宿體驗，立即預訂澳門倫敦人酒店房間

澳門倫敦人悠閑英倫假期住宿兩晚價錢：MOP$18,856起
入住禮遇：
- 酒店專屬奢華會所「華庭」全日通免費禮遇
- MOP$300澳門金沙度假區消費券
預訂及入住日期：即日起至6月30日
預訂網址： https://bit.ly/3X65UB2

其他澳門金沙度假區酒店

澳門威尼斯人意大利風情住宿兩晚價錢：MOP$6,396起
入住禮遇：
- MOP$500澳門金沙度假區消費券
預訂及入住日期：即日起至6月30日
預訂網址： https://bit.ly/3vV0tcf

澳門巴黎人法式浪漫住宿兩晚價錢：MOP$5,076起
入住禮遇：
- MOP$500澳門金沙度假區消費券
預訂及入住日期：即日起至6月30日
預訂網址： https://bit.ly/3vRjrk2
小編Tips：澳門金沙度假區消費券可使用範圍覆蓋了金光飛航船票、teamLab門票噢！

更多住宿優惠可參考：
https://bit.ly/3GwvJTK

澳門金沙度假區網址：tc.sandsresortsmacao.com
澳門倫敦人網址：hk.londonermacao.com
澳門威尼斯人網址：hk.venetianmacao.com
澳門巴黎人網址：hk.parisianmacao.com

Text：HolidaySmart
Photo source：澳門金沙度假區
Featured for：澳門金沙度假區